Lebi 5:4 - Sră Goh 2018

⁴ Dilah dô nă cau ò git kơrhia tòm bơta srat să ho nền nàng lơh dô bơta lơi, bulah la bơta niam hala iơh, tòm tŭ git bơta lơi mơ khai srat să ho nền dô bă ò git kơrhia, bulah khai ò git đal bơh bơta hơ̆, tòm tŭ khai git bơh bơta hơ̆ rau gen khai gơkòl kòp la neh tìs glài.

Lebi 5:4 Mawu Ofanana

II Samuel 21:7

Dabit lòi wơl Mephibôset, kòn klau Jônathan, sau Sol dê, tài bơh bơta srat să ho bal digùl Dabit mơ Jônathan kòn klau Sol dê di đap Yàng Jehôwa.

II Ală Bơtau 6:31

mơ bơtau đơs lah: “Behơ̆ dan Yàng Tom Trồ lơh di añ kơnjơ̆ rlau tai, dilah ngai do bồ Elise dê, kòn klau Saphat, gam hơđang pơnì khai dê.”

Đơs Crih 106:33

Bơh bol khai lơh Môise in sơềt sơềl, Gen tàng khai đơs ò git kơrhia.

Lebi 5:13

Lơh behơ̆ gen cau gơnoar ơn phan duh khoai rơp lơh gơs bơta tơwài glài cau hơ̆ in bơh ală bơta tồi glài mơ khai neh tìs, mơ khai rơp geh toh glài. Pơnah gam wơl phan ơn duh khoai dê rơp gơrê bal mơ cau gơnoar ơn phan duh khoai, kung be tòm phan ơn duh khoai mơ kòi mbo.”

Lebi 5:3

Dilah dô nă cau lơi ƀư di phan ò goh kòn mơnus dê, ò git la phan lơi neh lơh khai in gơlik gơs ò goh, bulah khai ò đal git bơta hơ̆, tòm tŭ khai git bơh bơta hơ̆ rau gen khai gơkòl kòp la neh tìs glài.

Khà Làng Bol 30:6

Dilah khai tòmbau tơnơ̆ mơ tŭ khai neh gơs jơnau ho pơgon hala tơnơ̆ mơ tŭ sơndồi khai neh sơrbac sơrbang ho pơgon dô jơnau gơtòmkơt di să tòm khai,

Khà Làng Bol 30:8

Mơya dilah bau klau khai bơkơ̆u khai tòm tŭ bau klau khai neh kơno bơh jơnau hơ̆, gen bau klau khai neh tơnroh jơnau ho pơgon neh kơt di bau ùr khai hala jơnau ho pơgon sơrbac sơrbang neh kơt di bau ùr khai dê, mơ Yàng Jehôwa rơp hồ toh khai.

Mathiơ 14:7

tian gơs Herôt srat să mơ ho ai khai in bơta lơi khai kòñ dan.

Mathiơ 14:9

Bơtau moat jrùng ngan, mơya tài bơh neh rlau srat să mơ tài bơh ală cau ñô sa bal mơ khai, gen khai sồr ai kòn ùr hơ̆ in.

Jơnau Niam Jat Mak 6:23

Bơtau Herôt srat să ho mơ khai lah: “Phan lơi ai dan gen añ kung rơp ai lơm, bulah dan nggùl lơgar añ jê añ kung ai sơl.”

Broă 23:12

Tus diàng, cau Juda dô nùs bal bơtào kai gơrmơ̆i. Bol khai srat să lah rơp ò sào ò hùc jơl tus di tŭ neh tơnchơt Pol.

Jôsue 2:14

Bàr nă bol hơ̆ ho khai lah: “Bơta kis bol hi dê rơp ala bơta kis ai dê; dilah ai ò yal tơlik broă bol hi dê, gen bol hi rơp gơwèt niam mơ dòn song mơ ai tòm tŭ Yàng Jehôwa ai bol hi in lơgar.”

Jôsue 9:15

Gen Jôsue lơh dô bơta tòmho ring lơngai mơ bol hơ̆, mơ lòi bol khai in kis, mơ ală cau kwang at bồ mpồl jơnum Israel dê srat să tòmho mơ bol hơ̆.

Ală Kwang Cahrña 11:31

gen tòm tŭ añ geh pha tòmlơh mơ làng bol Ammôn mơ rê hìu, dilah phan lơi lik bơh di mpồng hìu añ jê nàng wă rò añ, gen phan hơ̆ rơp gơrê bal mơ Yàng Jehôwa, añ rơp ơn phan hơ̆ lơh gơs phan ơn duh khoai chu pơrguc.”

Ală Kwang Cahrña 21:18

Bulah behơ̆, bol he ò rgơi tòmbau ală kòn ùr he dê bol khai in tài bơh bol he neh srat să lah: ‘Pal srat rma cau lơi in ai dô nă cau ùr Benjamin in bau.’”

Ală Kwang Cahrña 21:7

Mbe bol he pal lơh nàng gơs bau ùr ală cau gam kis in, bơh di tŭ bol he neh ai sơnđan Yàng Jehôwa srat să lah bol he rơp ò ai dô nă kòn ùr lơi bol he dê tòmbau mơ bol khai?”

Ală Kwang Cahrña 9:19

Dilah ngai do bol mê neh lơh dô bă di pal mơ bơh nùs song ngan gơwèt mơ Jerubaal mơ hìu nhă khai dê gen dan Abimelek gơlik bơta hòn chò bol mê in, mơ dan khai in kung geh hòn chò di bol mê.

I Samuel 1:11

Khai ho pơgon lah: “Ơ Yàng Jehôwa Gơnap Gơnoar Dờng Làm Jơh, dilah Kơnràñ rơp wèt sền di bơta bòl glar moat jrùng cau dĭ ùr Kơnràñ dê mơ kah wơl añ, ò hŭi cau dĭ ùr Kơnràñ dê, mơya rơp ai khai in dô nă kòn klau, gen añ rơp ơn khai be dô nă cau Najire di đap Kơnràñ, jơl jơh rài kis khai dê. Khai rơp ò ñô tơrnòm alak mơ ală phan lơh bơñul, mơ pềs koah rơp ò geh tup di bồ khai.”

I Samuel 25:22

Dan Yàng Tom Trồ lơh gơwèt mơ Dabit oă rlau tai, dilah tus diàng drim hìng añ lòi gam kis dô nă cau klau lơi gơrê bal mơ khai.”