Lebi 5:2 - Sră Goh 2018

² Hala dilah dô nă cau neh ƀư di dô nơm phan lơi ò goh jat bơta sồr lam, be ală ƀồc chơt ală phan poan jơng tòm brê dê hala ală phan poan jơng tòm hìu dê, hala ală phan ò goh wìn nsròng tòm ù, bulah khai ò đal git, khai kung neh gơlik gơs ò goh mơ neh tìs glài.

Lebi 5:2 Mawu Ofanana

Đơs Crih 19:12

Mơya ñcau rgơi git ală bơta tìs nrah he dê taih? Dan Yàng toh ală bơta tìs añ ò git.

Esai 52:11

Cah is tĕ, cah is tĕ, lik tĕ bơh tềng hơ̆! Bañ ƀư di phan ƀơ̆ ƀơl! Lik tĕ bơh digùl hơ̆ mơ lơh tĕ să tòm bol mê gơlik sàng goh, bol mê la ală cau tui àñ ală phan ngui Yàng Jehôwa dê.

Lebi 11:11

Bol mê pal cù kìr di bol gơ, bol mê bañ sa poac bol gơ mơ bol mê pal cù kìr di ƀồc chơt bol gơ dê.

Lebi 11:8

Bol mê ò di sa poac bol gơ hala ƀư di ƀồc chơt gơ dê; bol gơ la ò goh bol mê in.

Lebi 4:13

Dilah jơh dô mpồl jơnum làng bol Israel gơtup tìs tòm tồi glài mơ lơh bơta neh bơkơ̆u tòm ală bơta sồr lam Yàng Jehôwa dê, bulah mpồl jơnum làng bol ò đal git bơta tồi glài bol khai neh tìs, gen bol khai kung neh tìs tòm tồi glài rau.

Lebi 5:17

Dilah dô nă cau tìs glài mơ lơh bơta neh bơkơ̆u tòm ală bơta sồr lam Yàng Jehôwa dê, khai neh tìs glài mơ pal kong lơh glài bơh bơta hơ̆.

Lebi 5:3

Dilah dô nă cau lơi ƀư di phan ò goh kòn mơnus dê, ò git la phan lơi neh lơh khai in gơlik gơs ò goh, bulah khai ò đal git bơta hơ̆, tòm tŭ khai git bơh bơta hơ̆ rau gen khai gơkòl kòp la neh tìs glài.

Lebi 5:4

Dilah dô nă cau ò git kơrhia tòm bơta srat să ho nền nàng lơh dô bơta lơi, bulah la bơta niam hala iơh, tòm tŭ git bơta lơi mơ khai srat să ho nền dô bă ò git kơrhia, bulah khai ò git đal bơh bơta hơ̆, tòm tŭ khai git bơh bơta hơ̆ rau gen khai gơkòl kòp la neh tìs glài.

Lebi 7:21

Dilah gơs cau lơi ƀư di phan lơi ò goh, bulah la bơta ò goh kòn mơnus dê hala phan poan jơng ò goh, phan cù kìr iơh rmơh, lồc behơ̆ sa poac phan ơn bơta ring lơngai mơ Yàng Jehôwa, gen cau hơ̆ pal kong tơlik bơh di làng bol khai dê.”

Sră Age 2:13

Age đơs lah: “Dilah gơs dô nă cau neh kòl ƀơ̆ ƀơl bơh ƀư di ƀồc chơt mơ tup di dô nơm tòm ală phan hơ̆, gen phan hơ̆ gơlik ƀơ̆ ƀơl sơl?” Ală cau gơnoar ơn phan duh khoai ho wơl lah: “Phan hơ̆ rơp gơlik ƀơ̆ ƀơl.”

Khà Làng Bol 19:22

Phan lơi mơ cau ò goh ƀư di gơ gen rơp gơlik gơs la phan ò goh, cau lơi ƀư di gơ rơp gơlik gơs ò goh jơl tus di trồ mho.’”

Luka 11:44

Bòl glar bol mê in, bơh bol mê kung be ală bơtô ƀồc roh tềl, cau lòt jă hơđang gơ mơ ò git.”

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Yal Wơl 14:8

Sur kung ò goh bulah gơ gơs nđias cah bàr, gơ ò tơrging wơl. Bol mê ò di sa poac bol gơ hala ƀư di ƀồc chơt gơ dê.