Lebi 5:16 - Sră Goh 2018

¹⁶ Khai pal tơm wơl bơta khai neh ò lơh tơl gơwèt hơ ală phan sàng goh, bơtơl tai dô pơnah pram bơta kas màng gơ dê mơ ai jơh cau gơnoar ơn phan duh khoai in, mơ cau gơnoar ơn phan duh khoai ngui belàt dam hơ̆ lơh gơs phan ơn tơwài glài nàng tơwài glài cau hơ̆ in bơh tồi glài mơ khai neh tìs, mơ khai rơp geh toh glài.

Lebi 5:16 Mawu Ofanana

Đơs Crih 69:4

Ală cau gơjrañ kơuềng di añ ò bồ; Oă rlau mơ sŏ di bồ añ jê; Bol khai la ală cau kòñ tơnroh añ, ală cau sò tơm di añ yă blac añ. Tŭ do añ pal tơm phan añ ò kơñau sơl ơ?

Lik Ejiptơ 22:1

Dilah cau lơi kơñau dô nơm kơnrồ dam hala dô nơm belàt, lồc behơ̆ tơnchơt gơ hala tac gơ, gen khai pal tơm wơl pram nơm kơnrồ dam ala dô nơm, mơ poan nơm belàt ala dô nơm.

Lebi 22:14

Dilah cau lơi neh rlau sa dô nơm phan ơn sàng goh, khai pal tơm wơl cau gơnoar ơn phan duh khoai in phan ơn khai neh sa hơ̆, mơ bơtơl dô pơnah pram bơta kas màng phan ơn hơ̆ dê.

Lebi 27:13

Mơya dilah cau ơn phan hơ̆ kòñ tơwài wơl phan poan jơng hơ̆, khai pal ai bơtơl dô pơnah pram khà jền kas màng phan hơ̆ dê.

Lebi 27:15

Dilah cau ơn hìu hơ̆ kòñ tơwài wơl hìu khai dê gen khai pal ai bơtơl dô pơnah pram ntum khà jền kas màng hìu hơ̆ dê, mơ hìu hơ̆ rơp gơrê wơl mơ cau tòm yau gơ dê.

Lebi 27:27

Dilah hơ̆ la dô nơm tòm ală phan poan jơng ò goh, gơ rơp geh tơwài jat khà priă lơh nền gơ in, mơ ai bơtơl dô pơnah pram tai; dilah gơ ò geh tơwài wơl, gen gơ rơp geh tac jat khà lơh nền bơta kas màng gơ dê.

Lebi 27:31

Dilah dô nă cau tơwài wơl dô pơnah jơt lơi khai dê, pal ơn bơtơl dô pơnah pram tòm hơ̆.

Lebi 4:20

mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài.

Lebi 4:26

Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.

Lebi 5:10

Mơ sềm dơ̆ bàr, cau gơnoar ơn phan duh khoai rơp ơn be dô nơm phan ơn chu pơrguc, jat be bơta neh lơh nền gơs phan ơn tơwài glài khai in bơh tồi glài mơ khai neh tìs, mơ khai rơp geh toh glài.

Lebi 5:13

Lơh behơ̆ gen cau gơnoar ơn phan duh khoai rơp lơh gơs bơta tơwài glài cau hơ̆ in bơh ală bơta tồi glài mơ khai neh tìs, mơ khai rơp geh toh glài. Pơnah gam wơl phan ơn duh khoai dê rơp gơrê bal mơ cau gơnoar ơn phan duh khoai, kung be tòm phan ơn duh khoai mơ kòi mbo.”

Lebi 5:6

mơ bơta lơh glài bơh glài khai neh tìs la khai pal cèng tus hơ Yàng Jehôwa dô nơm belàt kòn dra hala be dra bơh di mpồl belàt nàng lơh gơs phan ơn tơwài glài; mơ cau gơnoar ơn phan duh khoai rơp lơh bơta tơwài glài khai in bơh tồi glài khai dê.

Lebi 7:2

Phan ơn tơwài glài gơtup tìs pal hàl tơnchơt tòm dô bă tiah mơ phan ơn chu pơrguc neh hàl tơnchơt, mơ mhàm gơ pal rsìh di cơnòng duh khoai hơđang kòp đah.

Khà Làng Bol 5:7

mơ khai pal yal bơta tồi glài khai neh tìs. Khai pal tơm wơl wil tơl bơh bơta tìs khai dê, bơtơl tai dô pơnah pram tòm phan hơ̆ mơ jào jơh ală phan hơ̆ cau mơ khai neh lơh tìs in.

Khà Làng Bol 5:8

Mơya dilah cau hơ̆ ò gam gơs gơp bơtiàn rềp mơ khai nàng dòp phan cau tơm bơh bơta tìs hơ̆, gen phan tơm wơl hơ̆ gơrê bal mơ Yàng Jehôwa, mơ pal ai phan hơ̆ cau gơnoar ơn phan duh khoai in, bal mơ belàt dam ngui lơh gơs phan ơn tơwài glài khai in.

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

I Samuel 6:3

Bol khai ho lah: “Dilah bol mê kòñ pơyoa wơl Đài Yàng Tom Trồ Israel dê, gen bañ mìng pơyoa dô nơm gơ lơm, mơya pal jòi gùng nàng pơyoa Kơnràñ in dô nơm phan ơn duh khoai bơh tồi glài. Gen bol mê rơp geh bòi, mơ bol mê rơp git ñchi bơh tài Kơnràñ òhềt lòi tê bơh di bol mê.”