Lebi 4:7 - Sră Goh 2018

⁷ Gen cau gơnoar ơn phan duh khoai bong dô êt mhàm di ală ngke cơnòng chu kơlhô ƀô bơlhu di đap Yàng Jehôwa tòm Sàl Tòm Mat dê. Mhàm gam wơl kơnrồ dam dê gen khai rơp tuh di jơng cơnòng chu kơlhô di tiah mut Sàl Tòm Mat dê.

Lebi 4:7 Mawu Ofanana

Đơs Crih 118:27

Jehôwa la Yàng Tom Trồ, Kơnràñ neh ai bơta àng bol hi in. Kơt tĕ phan ơn duh khoai bal mơ ntê chi, guh hơ ală ngke cơnòng duh khoai dê.

Lik Ejiptơ 29:12

Ai tĕ dô êt mhàm kơnrồ hơ̆, iurŭ ràs tê tòm mhàm mơ bong ală ngke cơnòng duh khoai, mơ tuh mhàm gam wơl di jơng cơnòng duh khoai.

Lebi 1:5

Khai pal tơnchơt kơnrồ dam hơ̆ di đap Yàng Jehôwa, lồc behơ̆ ală kòn klau Arôn dê la ală cau gơnoar ơn phan duh khoai ai mhàm mơ rsìh gơ di jơh ală gah cơnòng duh khoai di tiah mut lik Sàl Tòm Mat dê.

Lebi 16:18

Gen khai rơp lik lòt tus hơ cơnòng duh khoai neh ơn di đap Yàng Jehôwa mơ lơh bơta tơwài glài gơ in. Khai pal ai dô êt mhàm kơnrồ dam dê mơ dô êt mhàm be dê mơ ơn gơ di jơh ală ngke cơnòng duh khoai dê.

Lebi 4:18

Cau gơnoar ơn phan duh khoai kung rơp bong dô êt mhàm hơđang ală ngke cơnòng duh khoai di đap Yàng Jehôwa tòm Sàl Tòm Mat. Mhàm gam wơl gen khai rơp tuh di jơng cơnòng chu kơlhô di tiah mut Sàl Tòm Mat dê.

Lebi 4:25

Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ ơn di ală ngke cơnòng ơn phan duh khoai chu pơrguc mơ tuh pơnah gam wơl mhàm dê di jơng cơnòng duh khoai.

Lebi 4:30

Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai.

Lebi 4:34

Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai.

Lebi 5:9

mơ rơp rsìh dô êt mhàm phan ơn tơwài glài dê di gah cơnòng duh khoai; mhàm gam wơl pal tuh jơh di jơng cơnòng duh khoai. Hơ̆ la phan ơn tơwài glài.

Lebi 6:30

Mơya phan ơn tơwài glài lơi mơ mhàm gơ neh cèng mut tòm Sàl Tòm Mat nàng tơwài glài di Tiah Sàng Goh gen ò di sa; pal chu gơtòm ồs.

Lebi 8:15

Môise hàl tơnchơt kơnrồ dam mơ ai dô êt mhàm, ngui ràs tê ai mhàm ơn di ală ngke cơnòng duh khoai dê nàng lơh sàng goh cơnòng duh khoai in. Khai tuh mhàm gam wơl di cơnòng duh khoai. Behơ̆ khai ơn is gơ sàng goh nàng lơh bơta tơwài glài gơ in.

Lebi 9:9

Ală kòn klau khai dê cèng mhàm tus hơ khai, mơ khai iurŭ ràs tê khai dê tòm mhàm mơ bong mhàm di ală ngke cơnòng duh khoai dê; pơnah mhàm gam wơl gen khai tuh di jơng cơnòng duh khoai dê.

Ephesô 2:13

Bulah oh mi bơh lài òr la cau ơm ngài, mơya tŭ do tòm Yàng Krist Jesu oh mi neh geh cèng tus rềp, kơnòm di mhàm Bơtau Krist dê.

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

Hebrơ 9:21

Mơ Môise kung ai mhàm hơ̆ rsìh hơđang Hìu Ing Duh Khoai mơ hơđang jơh ală phan ngui tòm bơta duh khoai behơ̆ sơl.

Yal Tơlik 6:9

Tòm tŭ Belàt Kòn tă ƀang kì dơ̆ pram, añ gŏ tòm tiah cơnòng duh khoai gơs ală hwềng soàn ală cau neh kong sreh chơt, tài bơh jơnau Yàng Tom Trồ mơ jơnau lơh cơng bol khai dê.