Lebi 4:6 - Sră Goh 2018

⁶ Khai pal iurŭ kòn tê khai dê tòm mhàm mơ rsìh gơ poh dơ̆ di đap Yàng Jehôwa, di đap bài kơrnìng tiah sàng goh dê.

Lebi 4:6 Mawu Ofanana

Lik Ejiptơ 40:21

Gen khai tùng đài tơmut tòm Hìu Ing Duh Khoai mơ yồng bài kơrnìng cang Đài Bơta Cơng Tàng tòm toh jat be jơnau Yàng Jehôwa neh sồr khai.

Lik Ejiptơ 40:26

Môise ơn cơnòng màh tòm Sàl Tòm Mat, di đap bài kơrnìng,

Lebi 14:16

iurŭ tê cong đah ma di mơñà tòm mpàng tê khai dê, mơ rsìh poh dơ̆ di đap Yàng Jehôwa.

Lebi 14:18

Mơñà gam wơl tòm mpàng tê cau gơnoar ơn phan duh khoai dê rơp ơn di bồ cau rơp geh goh dê mơ lơh gơs bơta tơwài glài khai in di đap Yàng Jehôwa.

Lebi 14:27

mơ ai tê cong đah ma rsìh dô êt mơñà bơh di mpàng tê khai dê tòm poh dơ̆ di đap Yàng Jehôwa.

Lebi 14:7

Khai rơp rsìh poh dơ̆ hơđang cau geh goh bơh di bơta sồt dun hơ̆ mơ yal tơlik lah khai geh goh. Lồc behơ̆ khai pal tơngklàs sềm gam kis tòm ƀlàng sre.

Lebi 16:14

Khai pal ai dô êt mhàm kơnrồ dam dê mơ ngui ràs tê rsìh dô êt mhàm hơ̆ tòm poh dơ̆ di đap bơnap bơta tơwài glài.

Lebi 16:19

Khai rơp ai ràs tê khai dê mơ rsìh dô êt mhàm hơđang gơtòm poh dơ̆ nàng lơh gơ in gơs goh mơ ơn is gơ in sàng goh bơh di bơta ò goh cau Israel dê.

Lebi 25:8

‘Kòp tĕ tus di poh nam Saƀat, hơ̆ la poh dơ̆ poh nam, tồ ntum khà nam tòm poh nam Saƀat rơp la poan jơt sin nam.

Lebi 26:18

Dilah tơnơ̆ mơ jơh ală bơta hơ̆ mơ bol mê gam ò iat jơnau Añ, Añ rơp lơh glài bol mê tai kơnjơ̆ poh dơ̆ rlau.

Lebi 26:24

gen să tòm Añ rơp tòmdră mơ bol mê, mơ lơh bol mê in kong bòl glar poh dơ̆ rlau tai, tài bơh ală bơta tồi glài bol mê dê.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Lebi 4:17

Ală cau gơnoar ơn phan duh khoai rơp iurŭ kòn tê khai dê tòm mhàm mơ rsìh gơ di đap Yàng Jehôwa poh dơ̆ di đap bài kơrnìng.

Lebi 4:25

Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ ơn di ală ngke cơnòng ơn phan duh khoai chu pơrguc mơ tuh pơnah gam wơl mhàm dê di jơng cơnòng duh khoai.

Lebi 4:30

Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai.

Lebi 4:34

Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ bong gơ di ală ngke cơnòng ơn phan duh khoai chu pơrguc mơ tuh pơnah mhàm gam wơl di jơng cơnòng duh khoai.

Lebi 8:11

Khai rsìh dô êt mơñà hơđang cơnòng duh khoai poh dơ̆, bong mơñà di cơnòng duh khoai mơ jơh ală phan bal mơ gơ mơ thùng dà mơ jơng gơ dê nàng ơn is sàng goh ală phan hơ̆.

Lebi 8:15

Môise hàl tơnchơt kơnrồ dam mơ ai dô êt mhàm, ngui ràs tê ai mhàm ơn di ală ngke cơnòng duh khoai dê nàng lơh sàng goh cơnòng duh khoai in. Khai tuh mhàm gam wơl di cơnòng duh khoai. Behơ̆ khai ơn is gơ sàng goh nàng lơh bơta tơwài glài gơ in.

Lebi 9:9

Ală kòn klau khai dê cèng mhàm tus hơ khai, mơ khai iurŭ ràs tê khai dê tòm mhàm mơ bong mhàm di ală ngke cơnòng duh khoai dê; pơnah mhàm gam wơl gen khai tuh di jơng cơnòng duh khoai dê.

Khà Làng Bol 19:4

Lồc behơ̆ Eleajar cau gơnoar ơn phan duh khoai rơp ai ràs tê khai dê mơ iurŭ tòm mhàm gơ mơ rsìh gơ poh dơ̆ wèt hơ đah Sàl Tòm Mat.

Jôsue 6:4

mơ poh nă cau gơnoar ơn phan duh khoai at poh nơm kơlwòk ngke belàt dam lòt hơđap Đài Bơta Ho Bal. Tòm ngai poh bol mê lòt tĕ gùt dar ƀòn tòm poh dơ̆, mơ ală cau gơnoar ơn phan duh khoai uh kơlwòk.

Jôsue 6:8

Tòm tŭ Jôsue neh đơs mơ làng bol rau, gen poh nă cau gơnoar ơn phan duh khoai at poh nơm kơlwòk ngke belàt dam lòt hơđap uh kơlwòk ndang, mơ Đài Bơta Ho Bal Yàng Jehôwa dê jat bơh tơnơ̆.