Lebi 3:9 - Sră Goh 2018

⁹ Bơh di phan ơn ring lơngai nàng lơh phan ơn, khai pal cèng dô nơm phan chu mơ ồs ơn Yàng Jehôwa in: dơngi gơ dê, jơh dô nơm tiang neh koh rềp di ntìng gòr ngkòi, jơh dơngi gòm ală pơnah tòm dơlam hala gơđềt bal mơ ală pơnah hơ̆,

Lebi 3:9 Mawu Ofanana

II Samuel 6:17

Bol khai cèng tơmut Đài Yàng Jehôwa dê mơ ơn gơ di tiah gơ dê tòm dơlam sàl mơ Dabit neh bơtào gơ in; mơ Dabit neh ơn ală phan ơn chu pơrguc mơ ală phan ơn bơta ring lơngai di đap Yàng Jehôwa

I Ală Bơtau 3:15

Gen Salômôn kah rngal, mơ git hơ̆ la dô bơta mpau. Khai rê wơl hơ Jerusalem, ntào di đap Đài Bơta Ho Bal Yàng Jehôwa dê mơ ơn ală phan ơn chu pơrguc bal mơ ală phan ơn bơta ring lơngai. Mơ khai yò sào dờng jơh ală cau kwang duh broă khai in.

I Ală Bơtau 8:63

Salômôn neh ơn phan ơn pơdơng bơta ring lơngai Yàng Jehôwa in, bàr jơt bàr rbô nơm kơnrồ dam mơ dô rhiang bàr jơt rbô nơm belàt. Bơtau mơ jơh làng bol Israel pơjum ơn hìu duh khoai pa Yàng Jehôwa dê la behơ̆.

I Ală Bơtau 8:64

Tòm ngai hơ̆, bơtau ơn is tiah ƀlàng digùl di đap hìu duh khoai Yàng Jehôwa dê; tềng hơ̆ khai ơn ală phan ơn chu, phan ơn bơsàp, mơ dơngi bơh phan ơn bơta ring lơngai; tài bơh cơnòng duh khoai mơ kòng di đap hìu duh khoai Yàng Jehôwa dê la dềt ir, ò tơl tiah nàng ơn ală phan ơn chu, phan ơn mơ kòi mbo, mơ dơngi bơh phan ơn bơta ring lơngai.

I Yal Yau 16:1

Bol khai cèng Đài Ho Bal Yàng Tom Trồ dê mơ ơn gơtòm sàl mơ Dabit neh bơtào gơ in, mơ bol khai ơn ală phan ơn chu pơrguc mơ phan ơn bơta ring lơngai.

Lik Ejiptơ 29:22

Ai tĕ dơngi be dam hơ̆, dơngi tiang, dơngi gùt dar ală pơnah tòm kơndul gơ dê, pet dơngi lơho gòm klòm, bàr nơm plai leh bal mơ dơngi hơđang gơ, mơ bơnô ma. (Do la belàt dam ơn tòm bơta bong mơñà pồ bơtào)

Jơnau Pơnđik 23:26

Ơ kòn, ơn tĕ nùs kòn bèp in, mơ mat kòn geh niam nùs tòm gùng lòt bèp dê.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Lebi 17:5

Lơh behơ̆ nàng ală cau Israel rơp cèng ơn Yàng Jehôwa in ală phan ơn mơ tŭ do bol khai ơn tòm ală ƀlàng sre. Bol khai pal cèng ală phan ơn hơ̆ tus hơ cau gơnoar ơn phan duh khoai, hơ̆ la tus hơ Yàng Jehôwa, di tiah mut Sàl Tòm Mat dê mơ ơn bol gơlơh gơs ală phan ơn bơta ring lơngai dê.

Lebi 7:3

Jơh dơngi gơ dê pal ơn, hơ̆ la dơngi tòm tiang gơ mơ dơngi jơm gòm ală pơnah tòm dơlam gơ,

Lebi 8:25

Khai ai dơngi, dơngi tiang, mơ dơngi jơh ală pơnah tòm dơlam, poac lơho gòm gùt dar klòm, bàr nơm leh mơ dơngi gơ dê mơ bơnô đah ma.

Lebi 9:19

Mơya ală dơngi kơnrồ dam mơ belàt dam dê, hơ̆ la dơngi tiang, dơngi hơđang pròc klung, ală leh, poac lơho gùt dar klòm,

Khà Làng Bol 7:88

Jơh ală phan poan jơng lơh gơs phan ơn bơta ơn pơdơng ring lơngai dê la bàr jơt poan nơm kơnrồ dam, prau jơt nơm belàt dam, prau jơt nơm be dam mơ prau jơt nơm belàt kòn tơl dô nam. Hơ̆ la ală phan ơn bơh bơta ơn is sàng goh cơnòng duh khoai dê tơnơ̆ mơ tŭ gơ neh geh bong mơñà.

I Samuel 10:8

Mơ mê mù tĕ hơ Gilgal lài mơ añ; gen añ rơp mù tus mơ mê nàng ơn ală phan ơn chu pơrguc bal mơ ală phan ơn duh khoai ring lơngai, mơya mê pal gơn tòm poh ngai, jơl tus di tŭ añ tus hơ mê mơ sơnio mê in bơta mê pal lơh.”