Lebi 3:1 - Sră Goh 2018

¹ Dilah cau lơi kòñ ơn phan ơn duh khoai ring lơngai, dilah khai ơn dô nơm phan poan jơng bơh di mpồl kơnrồ, bulah la dam hala me, khai pal ơn di đap Yàng Jehôwa dô nơm phan poan jơng ò tềl sồt.

Lebi 3:1 Mawu Ofanana

I Yal Yau 21:26

Dabit bơt dô nơm cơnòng duh khoai tềng hơ̆ Yàng Jehôwa in mơ ơn ală phan ơn chu pơrguc mơ ală phan ơn ring lơngai. Khai hòi dan mơ Yàng Jehôwa mơ Yàng Jehôwa ho wơl khai in, ai ồs bơh đang trồ mù hơđang cơnòng duh khoai ơn phan chu pơrguc.

Lik Ejiptơ 20:24

Bơt tĕ Añ in dô nơm cơnòng duh khoai mơ ù, ơn tĕ hơđang hơ̆ ală phan ơn chu pơrguc bal mơ ală phan ơn kah bơta nđàc, ală belàt, be mơ kơnrồ bol mê dê. Tiah lơi Añ kòñ sơnđan Añ geh dòn duh, gen Añ rơp tus mơ bol mê mơ ai lơngai bol mê in.

Lik Ejiptơ 24:5

Lồc behơ̆, khai sồr ală cau pơnu Israel, mơ bol khai ơn phan chu pơrguc mơ ơn ală kơnrồ dam lơh gơs ală phan ơn bơta ring lơngai Yàng Jehôwa in.

Lik Ejiptơ 29:28

Ală phan ơn do rơp la pơnah bơh cau Israel ơn Arôn mơ ală kòn klau khai in. Hơ̆ la pơnah mơ cau Israel ơn Yàng Jehôwa in bơh tòm ală phan ơn bơta gơtòmklac bal dê.

Jơnau Pơnđik 7:14

Añ gơs phan ơn pơdơng kah bơta nđàc; Ngai do añ neh tơm sir bơta srat să añ.

Ejekiel 43:27

Tus di lồi ală ngai hơ̆, rơp sơntòm bơh ngai phàm, ală cau gơnoar ơn phan duh khoai pal ơn phan ơn duh khoai chu pơrguc mơ phan ơn bơta ring lơngai bol mê dê hơđang cơnòng duh khoai. Gen Añ rơp dòp rò bol mê, Jehôwa Yàng Tom Trồ đơs behơ̆.’”

Ejekiel 45:15

Dô nơm belàt kung pal kup bơh di kòp mpồl bàr rhiang belàt bơh di ală ƀlàng ñhơt niam Israel dê. Ală phan do rơp ngui lơh gơs ală phan ơn mơ kòi mbo, ală phan ơn chu pơrguc, mơ ală phan ơn bơta ring lơngai nàng lơh gơs phan ơn tơwài glài làng bol in, Jehôwa Yàng Tom Trồ đơs behơ̆.

Lebi 1:10

Dilah phan ơn duh khoai la dô nơm phan ơn chu pơrguc bơh di mpồl belàt, la belàt hala ală be, gen khai pal ơn dô nơm belàt hala be dam ò gơs tềl sồt rmàñ.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 17:5

Lơh behơ̆ nàng ală cau Israel rơp cèng ơn Yàng Jehôwa in ală phan ơn mơ tŭ do bol khai ơn tòm ală ƀlàng sre. Bol khai pal cèng ală phan ơn hơ̆ tus hơ cau gơnoar ơn phan duh khoai, hơ̆ la tus hơ Yàng Jehôwa, di tiah mut Sàl Tòm Mat dê mơ ơn bol gơlơh gơs ală phan ơn bơta ring lơngai dê.

Lebi 3:6

Dilah khai ơn dô nơm phan poan jơng bơh di mpồl belàt lơh gơs phan ơn ring lơngai Yàng Jehôwa in, khai pal ơn dô nơm dam hala me ò gơs tềl sồt.

Lebi 9:18

Khai hàl tơnchơt kơnrồ dam mơ belàt dam lơh gơs phan ơn ring lơngai làng bol in. Ală kòn klau Arôn dê cèng mhàm gơ khai in mơ khai rsìh gơ hơđang ală đah cơnòng duh khoai dê.

Lebi 9:4

mơ dô nơm kơnrồ mơ dô nơm belàt dam nàng lơh gơs dô nơm phan ơn ring lơngai ơn di đap Yàng Jehôwa bal mơ phan ơn mơ kòi mbo bơcă bal mơ mơñà. Bơh ngai do Yàng Jehôwa rơp tơlik mat mơ bol mê.’”

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Malaci 1:8

Tòm tŭ bol mê cèng ală phan poan jơng jơngo mat lơh gơs phan ơn duh khoai, bơta hơ̆ la ò tìs sơl ơ? Tòm tŭ bol mê ơn ală phan poan jơng kwet gơlte hala kòp jê, bơta hơ̆ la ò tìs sơl ơ? Lòng ơn bol gơ cau kwang đơng lơgar mê in! Khai rơp niam nùs di mê hala khai rơp dòp phan mê sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 15:8

Tòm tŭ bol mê rcang gơs dô nơm kơnrồ dam gam dềt lơh gơs phan ơn chu pơrguc hala phan ơn duh khoai, bơh dô nơm jơnau srat să ho nền hala bơh dô nơm phan ơn pơdơng ring lơngai Yàng Jehôwa in,

Khà Làng Bol 6:14

Tềng hơ̆ khai rơp ơn ală phan ơn khai dê Yàng Jehôwa in: dô nơm belàt dam dô nam ò tềl sồt lơh gơs phan ơn chu pơrguc, dô nơm belàt dam ò tềl sồt lơh gơs phan ơn tơwài glài, dô nơm belàt dam lơh gơs phan ơn bơta ring lơngai dê,

Khà Làng Bol 7:17

mơ bàr nơm kơnrồ dam, pram nơm be dam mơ pram nơm belàt kòn tơl dô nam, nàng ơn lơh gơs dô nơm phan ơn ring lơngai. Hơ̆ la phan ơn duh khoai Nasôn kòn klau Amminadap dê.

Khà Làng Bol 7:59

mơ bàr nơm kơnrồ dam, pram nơm belàt dam, pram nơm be dam mơ pram nơm belàt kòn dam tơl dô nam, nàng ơn lơh gơs dô nơm phan ơn pơdơng bơta ring lơngai. Hơ̆ la phan ơn duh khoai Gamaliel kòn klau Phedajur dê.

Yal Wơl 12:27

Ơn tĕ ală phan ơn chu pơrguc bol mê dê hơđang cơnòng duh khoai Jehôwa Yàng Tom Trồ bol mê dê, poac bal mơ mhàm. Mhàm phan ơn duh khoai bol mê dê pal tuh di gah cơnòng duh khoai Jehôwa Yàng Tom Trồ bol mê dê, mơya bol mê rgơi sa poac.

Kôlôse 1:20

mơ kơnòm di Bơtau Krist lơh jơh ală bơta in, bulah tòm ù hala hơđang trồ, gơs gơtòmsòr wơl mơ Yàng Tom Trồ, bơh neh kơnòm dê mhàm Bơtau Krist dê, di chi pơng mơ lơh gơs bơta ring lơngai rau.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

I Jang 1:3

bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

Ală Kwang Cahrña 20:26

Gen cau Israel, jơh tơl nă guh tus hơ Betel, nggui tềng hơ̆ mơ ñìm di đap Yàng Jehôwa. Bol khai ñìm mơ ơt sa tòm ngai hơ̆ jơl tus mho mơ ơn ală phan ơn duh khoai chu pơrguc mơ ală phan ơn duh khoai ring lơngai Yàng Jehôwa in.

Ală Kwang Cahrña 21:4

Ngai tơnơ̆, làng bol guh gòñ bơh drim bơt dô nơm cơnòng duh khoai tềng hơ̆ mơ ơn phan duh khoai chu pơrguc mơ phan ơn duh khoai ring lơngai.