Lebi 27:13 - Sră Goh 2018

¹³ Mơya dilah cau ơn phan hơ̆ kòñ tơwài wơl phan poan jơng hơ̆, khai pal ai bơtơl dô pơnah pram khà jền kas màng phan hơ̆ dê.

Lebi 27:13 Mawu Ofanana

Lebi 22:14

Dilah cau lơi neh rlau sa dô nơm phan ơn sàng goh, khai pal tơm wơl cau gơnoar ơn phan duh khoai in phan ơn khai neh sa hơ̆, mơ bơtơl dô pơnah pram bơta kas màng phan ơn hơ̆ dê.

Lebi 27:10

Khai ò di tòmgơl gơ hala ơn dô nơm niam ala dô nơm ò niam, hala dô nơm ò niam ala dô nơm niam; dilah khai pal ơn dô nơm phan poan jơng do ala dô nơm ne gen jơh bàr nơm phan ơn hơ̆ gơlik gơs sàng goh.

Lebi 27:12

gen cau gơnoar ơn phan duh khoai rơp sơwì lơh nền bơh phan ơn hơ̆ la niam hala ò. Cau gơnoar ơn phan duh khoai lơh nền phan hơ̆ kas màng kàr lơi, gen jat bơta kas màng behơ̆.

Lebi 27:14

Dilah dô nă cau ơn hìu ơm khai dê lơh gơs dô nơm phan sàng goh Yàng Jehôwa in, cau gơnoar ơn phan duh khoai pal lơh nền bơta kas màng hìu hơ̆ dê: la niam hala ò. Cau gơnoar ơn phan duh khoai rơp lơh nền hìu hơ̆ kas màng kàr lơi gen hơ̆ la bơta kas màng hìu hơ̆ dê.

Lebi 27:15

Dilah cau ơn hìu hơ̆ kòñ tơwài wơl hìu khai dê gen khai pal ai bơtơl dô pơnah pram ntum khà jền kas màng hìu hơ̆ dê, mơ hìu hơ̆ rơp gơrê wơl mơ cau tòm yau gơ dê.

Lebi 27:19

Dilah cau hơ̆ kòñ tơwài wơl ù tiah hơ̆, khai pal ai bơtơl dô pơnah pram khà priă kas màng gơ dê, mơ ù tiah hơ̆ rơp gơrê wơl mơ cau tòm bơh sơnròp.

Lebi 27:27

Dilah hơ̆ la dô nơm tòm ală phan poan jơng ò goh, gơ rơp geh tơwài jat khà priă lơh nền gơ in, mơ ai bơtơl dô pơnah pram tai; dilah gơ ò geh tơwài wơl, gen gơ rơp geh tac jat khà lơh nền bơta kas màng gơ dê.

Lebi 5:16

Khai pal tơm wơl bơta khai neh ò lơh tơl gơwèt hơ ală phan sàng goh, bơtơl tai dô pơnah pram bơta kas màng gơ dê mơ ai jơh cau gơnoar ơn phan duh khoai in, mơ cau gơnoar ơn phan duh khoai ngui belàt dam hơ̆ lơh gơs phan ơn tơwài glài nàng tơwài glài cau hơ̆ in bơh tồi glài mơ khai neh tìs, mơ khai rơp geh toh glài.