Lebi 26:9 - Sră Goh 2018

⁹ Añ rơp ai bơta nđàc wèt sền di bol mê mơ lơh bol mê in tơnggơs bơtơl oă, mơ Añ rơp prap gàr bơta ho bal Añ jê mơ bol mê.

Lebi 26:9 Mawu Ofanana

Sơnròp Gơlik Gơs 1:28

Yàng Tom Trồ ai lơngai lơngò bol khai in mơ đơs lah: “Tơnggơs tĕ bơtơl oă, lơh bềng lìu ù tiah, lơh ù in dòn duh, at bồ ală ka tòm dàlềng, ală sềm hơđang trồ, mơ ală phan kis wañ hơđang ù.”

Sơnròp Gơlik Gơs 17:20

Añ kung dòp jơnau mê hòi dan Ismael in. Añ ai lơngai khai in, rơp lơh khai in tơnggơs rơ̆sơmpài ràipơjềng. Khai rơp tơnggơs jơt bàr nă kòn bơtau, mơ Añ rơp lơh khai in gơlik gơs dô nơm lơgar dờng.

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 48:4

mơ đơs lah: ‘Do, Añ rơp lơh mê in tơnggơs rơ̆sơmpài ràipơjềng, mơ lơh mê in gơlik dô mpồl làng bol oă. Añ rơp ai jơi bơtiàn mê in lơgar do nàng lơh gơs sre brê sùm sùm kòp rài.’

Sơnròp Gơlik Gơs 6:18

Mơya Añ rơp lơh bơta ho bal mơ mê, gen mê mơ bau mê, ală kòn mơ ală ƀan mê dê rơp mut tòm ơhò.

I Ală Bơtau 3:8

Cau duh broă Yàng dê ơm digùl làng bol mơ Yàng neh sac rwah, la dô nơm làng bol gal ngan ò jai kòp.

II Ală Bơtau 13:23

Mơya Yàng Jehôwa kòñ nđàc di bol khai, mơ ai nùs nđàc sơngit di bol khai, tài bơh jơnau ho bal Kơnràñ dê neh bơtào mơ Abraham, Isak, mơ Jakôp. Kơnràñ ò tơnroh bol khai, ò tă sang bol khai bơh di đap Kơnràñ jơl tus di ngai do.

Nehemi 2:20

Gen añ ho bol khai lah: “Yàng Tom Trồ hơđang trồ la Bơtau rơp ai bol hi in gơlik cồng nha, mơ bol hi la cau duh broă Kơnràñ dê neh lòt nàng sơntòm bơt wơl. Mơya bol mê ò gơs pơnah lơi, gơnoar lơi, hala bơta yal yau lơi di ngan tòm Jerusalem.”

Nehemi 9:23

Kơnràñ kung neh bơtơl kòn sau bol khai gơs oă be sơmañ hơđang trồ, mơ neh jun bol khai mut tòm lơgar mơ Kơnràñ neh ho ai mò pàng in lơh gơs phan jơtài.

Đơs Crih 107:38

Kơnràñ ai lơngai bol khai in tian gơs bol khai tơnggơs oă tai; Kơnràñ ò lòi phan poan jơng bol khai dê kòl roh gơhuc.

Đơs Crih 89:3

Kơnràñ neh đơs lah: “Añ neh bơtào bơta ho bal mơ cau geh sac rwah Añ jê, Añ neh srat să tòmho mơ Dabit la cau duh broă Añ jê mơ lah:

Lik Ejiptơ 1:7

mơya Israel tơnggơs mơ gơbơtơl oă, ntum khà gơlik pràn dờng ngan, mơ ơm bềng lìu tòm làm lơgar.

Lik Ejiptơ 2:25

Behơ̆, Yàng Tom Trồ wèt sền di cau Israel mơ kơlôi rcang bơh bol khai.

Lik Ejiptơ 6:4

Añ kung neh bơtào bơta ho bal mơ bol khai, ai lơgar Kanaan bol khai in, la lơgar bol khai neh ơm ing be cau nac crih.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Jeremi 23:4

Añ rơp bơtào ală cau ê hơđang bol khai nàng sền gàr bol khai; bol khai rơp ò rngòt rngơt tai, ò gơdô nùs mơ ò roh dô nơm lơi,” Yàng Jehôwa đơs behơ̆.

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Ejekiel 16:62

Behơ̆, Añ rơp bơtào bơta ho bal Añ jê mơ ai, mơ ai rơp git Añ la Yàng Jehôwa.

Ejekiel 36:9

Tŭ do sền tĕ, Añ bơh bol mê, mơ rơp wèt hơ bol mê; bol mê rơp geh lơòr mơ geh sih gar,

Lebi 26:15

dilah bol mê sang lòi ală jơnau lơh nền Añ jê mơ cù kìr ală bơta boh lam Añ jê mơ ò lơh jat jơh ală jơnau sồr Añ jê, behơ̆ nàng bol mê rơp lơh tìs mơ bơta ho bal Añ jê,

Luka 1:72

Nàng yal tơlik bơta kòñ nđàc gơwèt mơ ồng pàng bol he, Mơ kah wơl bơta ho bal sàng goh Kơnràñ dê.

Yal Wơl 28:11

Yàng Jehôwa rơp ai bol mê in geh bơtoah bơtoài tơngkah tơngkañ tòm ù tiah Kơnràñ neh srat să mơ ală ồng pàng bol mê dê ai bol mê in, hơ̆ la plai đo hìu kòn bol mê dê, kòn dềt tòm mpồl phan poan jơng bol mê dê, mơ kòi mbo tòm ù tiah bol mê dê.

Yal Wơl 28:4

Plai đo să jan bol mê dê rơp geh lơngai, mơ plai đo tòm ù tiah bol mê dê mơ ală kòn dềt mpồl phan poan jơng bol mê dê, hơ̆ la ală mpồl kơnrồ mơ ală belàt bol mê dê geh bơtơl oă tai.

Yal Wơl 7:13

Kơnràñ rơp kòñ gơboh di bol mê mơ ai lơngai bol mê in mơ lơh jơi bơtiàn bol mê dê gơbơtơl oă. Kơnràñ rơp ai lơngai plai đo hìu kòn bol mê dê, cồng nha ù tiah bol mê dê, hơ̆ la kòi mbo, tơrnòm pa mơ mơñà, ală kơnrồ tòm ală mpồl phan poan jơng bol mê dê mơ ală belàt kòn tòm ală mpồl belàt bol mê dê tòm lơgar mơ Kơnràñ neh srat să ho nền mơ ală ồng pàng bol mê dê ai bol mê in.

Hebrơ 8:9

ò di be bơta ho bal Añ neh bơtào bal mơ ồng pàng bol khai, Tòm ngai Añ neh at tê tề lam bol khai lik bơh lơgar Ejiptơ; Bơh bol khai ò dòn song lơh jat bơta ho bal Añ jê, Gen tàng Añ sang lòi bol khai,” hơ̆ la jơnau Yàng đơs.