Lebi 26:6 - Sră Goh 2018

⁶ Añ rơp ai bơta ring lơngai tòm lơgar, bol mê rơp bic mang mơ ò gơs cau lơi lơh bol mê in rngòt. Añ rơp tă tơlik ală phan brê bơh di lơgar, mơ đào rơp ò lòt gan lơgar bol mê dê.

Lebi 26:6 Mawu Ofanana

II Ală Bơtau 2:24

Khai wơlke mơ gŏ kơnòm hơ̆, mơ khai srat rma ală kơnòm hơ̆ tòm sơnđan Yàng Jehôwa. Gen gơs bàr nơm jơgơu me lik bơh brê, kap crè poan jơt bàr nă kơnòm klau.

I Yal Yau 22:9

Mơya mê rơp gơs dô nă kòn klau, khai rơp gơs dô nă cau ring lơngai mơ lơngap lơngai, mơ Añ rơp ai khai in bơta rlô lơngap lơngai bơh di jơh ală cau sò tơm khai dê bơh kòp đah. Sơnđan khai rơp la Salômôn, mơ Añ rơp ai Israel in bơta lơngap lơngai mơ ring lơngai tòm rài khai.

II Yal Yau 20:30

Behơ̆ Jehôsaphat at bồ tòm lơgar geh ring lơngai, bơh Yàng Tom Trồ ai khai in rlô lơngai bơh kòp đah gùt dar.

Sră Jop 11:19

Ồng rơp bic rlô, mơ ò gơs cau lơi lơh ồng in rngòt rngơt, oă cau rơp jòi dan bơta nđàc ồng dê.

Sră Jop 5:23

Bơh ồng rơp gơs bơta ho bal mơ lŭ tòm ƀlàng sre; Mơ ală phan poan jơng tòm brê rơp gơtòmsòr bal mơ ồng.

Đơs Crih 144:14

Dan kơnrồ me bol hi dê tơnggơs gal ngan kòn dềt, Dan dơrñang ƀòn bol hi ò gơs tiah bluh, ò gơs cau lơi kòl kup cèng. Dan bañ gơs jơnau driau dờng jê sồt tòm ală gùng lòt bol hi dê.

Đơs Crih 147:14

Kơnràñ ai bơta ring lơngai tòm nhàr ƀòn mê dê, Mơ tơmbềng mê mơ kòi phe niam rlau jơh.

Đơs Crih 29:11

Dan Yàng Jehôwa ai pràn kơldang làng bol Kơnràñ in; Dan Yàng Jehôwa ai bơta lơngap lơngai nàng ai lơngai làng bol Kơnràñ dê!

Đơs Crih 3:5

Añ bic mơ bic lơhă; Añ kah rngal, bơh Yàng Jehôwa yò tơngguh añ.

Đơs Crih 4:8

Ơ Yàng Jehôwa, añ rơp bic mơ bic lơhă lơngap lơngai; Bơh mìng dô nă Kơnràñ lơh añ in bic ring lơngai.

Đơs Crih 85:8

Lòi añ in kơno jơnau Jehôwa Yàng Tom Trồ rơp đơs, Bơh Kơnràñ rơp đơs jơnau lơngap lơngai mơ làng bol Kơnràñ dê, mơ cau dòn song Kơnràñ dê, bal mơ cau gơs nùs rê wơl mơ Kơnràñ.

Lik Ejiptơ 23:29

Mơya Añ rơp ò ting bơtrơh jơh bol khai tòm dô nam, tài bơh lơgar rơp gơlik gơs ngềt ngơt, mơ phan poan jơng tòm brê rơp gơs oă ir bol mê in.

Jơnau Pơnđik 3:24

Dilah kòn bic rlô, kòn rơp ò rngòt; Tòm tŭ kòn bic, kòn rơp bic lơhă.

Jơnau Pơnđik 6:22

Tŭ kòn lòt, ală jơnau hơ̆ rơp tề lam kòn; tŭ kòn bic, gơ sền gàr kòn; mơ tŭ kòn kah rngal wơl, gen gơ rơp tòmbơhbơr mơ kòn.

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 35:9

Tòm gùng hơ̆ rơp ò gơs klìu triă, rơp ò gơs dô nơm phan brê jàñ bơsak lơi; ò bàn bol gơ tềng hơ̆. Mơya mìng ală cau geh dong tơwài rơp lòt tềng hơ̆.

Esai 45:7

Añ lơh gơs bơta àng mơ mòn gơs bơta klam jơngo, Añ ai bơta lơngai lơngò mơ crơng gơs bơta rung rài; Añ, Yàng Jehôwa, lơh jơh ală bơta hơ̆.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Jeremi 31:26

Tŭ hơ̆ añ kah rngal wơl mơ sền gùt dar. Bơta bic lơhă añ jê la niam ngan añ in.

Ejekiel 14:15

“Hala dilah Añ sồr phan poan jơng tòm brê tus tòm làm lơgar, nàng tơnroh lơgar, lơh gơ in gơlik gơs tiah srau gòi mơ ò gơs cau lơi lòt gan, tài bơh ală phan poan jơng,

Ejekiel 14:17

Hala dilah Añ sồr đào tus hơđang lơgar, mơ đơs lah: ‘Lòi tĕ pềs đào lòt gan lơgar, mơ Añ tơnchơt ală kòn mơnus mơ ală phan poan jơng bol khai dê,’

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Ejekiel 34:25

Añ rơp bơtào mơ bol gơ dô bơta ho bal ring lơngai, mơ rơp bơtrơh ală phan brê bơh di lơgar nàng bol gơ rgơi ơm tòm ƀlàng ngềt ngơt mơ bic tòm brê tòm dơr dô bă lơngap lơngai.

Ejekiel 34:27

Ală chi tòm ƀlàng rơp gơlik plai bol gơ dê, mơ ù tiah rơp bơtơl oă cồng nha gơ dê; bol khai rơp ơm lơngap lơngai tòm ù bol khai dê, mơ bol khai rơp git Añ la Yàng Jehôwa tòm tŭ Añ dơrpă ală yô bol khai dê, mơ dong tă bol khai klàs bơh di tê ală cau kup dĭ bol khai.

Ejekiel 5:17

Añ rơp cèng bơta jơgloh rung mơ sồr phan poan jơng tòm brê tus tòmdră mơ mê, bol gơ rơp tơnroh kòn sau mê dê. Kòp jê pluh plàng mơ bơta lơh gơhòr mhàm rơp gan mê; Añ rơp cèng đào hơđang bol mê. Să tòm Añ la Yàng Jehôwa neh đơs behơ̆.”

Sră Ôse 2:18

Tòm ngai hơ̆, Añ rơp bơh bol khai mơ bơt bơta ho bal mơ ală phan poan jơng tòm ƀlàng, ală sềm hơđang trồ, mơ ală phan wìn nsròng tòm ù. Añ rơp tơnroh jơh ală àtak, ală đào, mơ bơta tòmlơh bơh di ù tiah do, tồ jơh làng bol in geh bic rlô ring lơngai.

Sră Ôse 2:20

Añ rơp bau mơ ai tòm bơta dòn song, mơ ai rơp đal git Yàng Jehôwa.”

Lebi 25:18

Bol mê lơh jat tĕ ală bơta sồr lam Añ jê mơ dòn song prap gàr ală bơta boh lam Añ jê gen bol mê rơp kis ring lơngai tòm lơgar.

Lebi 25:19

Gen ù tiah rơp tơnggơs ală plai đo gơ dê, mơ bol mê rơp sa hòm mơ kis ring lơngai.

Lebi 26:22

Añ rơp sồr ală phan poan jơng tòm brê tus tòmdră mơ bol mê, mơ bol gơ rơp kơñau ală kòn sau bol mê dê bơh di bol mê, tơnroh ală phan poan jơng bol mê dê, pơndut ntum khà bol mê dê, lơh ngềt ngơt ală gùng lòt bol mê dê.

Lebi 26:25

Mơ Añ rơp cèng đào tus hơđang bol mê nàng sal tê bơh bơta bol mê gơltac bơta ho bal. Tòm tŭ bol mê ruc wơl tòm ală ƀòn dờng bol mê dê, Añ rơp đùh bơta kòp jê pluh plàng digùl bol mê, mơ bol mê rơp kong jào phi tòm tê ală cau sò tơm bol mê dê.

Lebi 26:7

Bol mê rơp ting jat ală cau sò tơm bol mê dê, mơ bol khai rơp gơpừ bơh đào di đap bol mê.

Mice 4:4

Mơya bol khai rơp nggui hơđơm tòm ño bol khai dê mơ hơđơm chi ƀal bol khai dê, mơ ò gơs cau lơi lơh bol khai in rngòt rngơt, bơh Yàng Jehôwa Gơnap Gơnoar Dờng Làm Jơh neh đơs bơta hơ̆ bơh bơr Kơnràñ dê.

Sôphôni 3:13

Ală cau gam wơl Israel dê rơp ò lơh bơta tìs, bol khai rơp ò đơs blac, bơta blac pơrlồm jòi ò bàn tòm bơr bol khai dê. Bol khai rơp sa mơ bic rlô, mơ ò gơs cau lơi lơh bol khai in rngòt rngơt.”

Sră Age 2:9

‘Bơta gơklŏ hìu do dê rơp dờng rlau mơ bơta gơklŏ hìu yau dê.’ Yàng Jehôwa Gơnap Gơnoar Dờng Làm Jơh đơs behơ̆. ‘Mơ tòm tiah do Añ rơp ai bơta pas gơs lơngap lơngai,’ Yàng Jehôwa Gơnap Gơnoar Dờng Làm Jơh đơs behơ̆.”

Sacari 9:10

Añ rơp tă tơlik ală rơndeh lòs tòmlơh bơh dê Epraim, mơ ală ơseh tòmlơh bơh di Jerusalem: mơ àtak tòmlơh rơp kong dơrpă. Kơnràñ rơp ai gơnoar sồr bơta lơngap lơngai ală lơgar in. Gơnoar at bồ Kơnràñ dê rơp pò ơnàng bơh dàlềng do tus hơ dàlềng ne, mơ bơh Hiòng me tus di lồi plai ù.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Broă 12:6

Tòm mang lài mơ ngai Herôt neh lơh nền tơlik Pier nàng cahrña, gen khai ơm bic digùl bàr nă cau ling mơ kòl kơt mơ bàr dang che sreng, mơ di bơr mpồng hìu jàm gơs cau ling kơp gàr.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.