Lebi 26:5 - Sră Goh 2018

⁵ Kơnhai pơrjòt kòi bol mê dê rơp pơnjat tus kơnhai pic plai ño, mơ kơnhai pic plai ño rơp pơnjat tus di kơnhai tam gơ, mơ bol mê rơp sa jơh ală phan sa bol mê kòñ mơ ơm kis lơngap lơngai tòm lơgar bol mê dê.

Lebi 26:5 Mawu Ofanana

Đơs Crih 144:13

Dan đam jàr bol hi dê geh bềng lìu, tơnggơs tơl ală jơi phan; Dan belàt bol hi dê tơnggơs oă rbô rhiang tơlak tơmàn tòm ală ƀlàng sre bol hi dê.

Đơs Crih 90:1

Khoai Yàng Jehôwa, bơh rài do tus rài ne, Kơnràñ la tiah bol hi neh ơm.

Lik Ejiptơ 16:8

Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”

Jơnau Pơnđik 1:33

Mơya cau lơi kòñ iat añ gen rơp geh sền gàr lơngap lơngai, Rơp geh kis ring niam, ò rngòt di bơta rung rài lơi.”

Jơnau Pơnđik 18:10

Sơnđan Yàng Jehôwa ngan la dô nơm theng kơ̆ cê; Cau song ring ntoat tus tềng hơ̆, geh lơngap lơngai.

Esai 1:19

Dilah bol mê gơs nùs kòñ dòn bơr, bol mê rơp geh sa plai đo niam ù tiah dê

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Sră Ôse 2:18

Tòm ngai hơ̆, Añ rơp bơh bol khai mơ bơt bơta ho bal mơ ală phan poan jơng tòm ƀlàng, ală sềm hơđang trồ, mơ ală phan wìn nsròng tòm ù. Añ rơp tơnroh jơh ală àtak, ală đào, mơ bơta tòmlơh bơh di ù tiah do, tồ jơh làng bol in geh bic rlô ring lơngai.

Sră Ôse 2:20

Añ rơp bau mơ ai tòm bơta dòn song, mơ ai rơp đal git Yàng Jehôwa.”

Jôel 2:19

Yàng Jehôwa rơp ho wơl mơ bol khai lah: “Do, Añ rơp ai bol mê in: kòi mbo, tơrnòm pa, mơ mơñà, tơl nàng bol mê in geh hòm lai wil tơl; mơ Añ ò tai lơh bol mê in gơlik gơs dô jơnau cau dơñŏ tơnhial digùl ală làng bol.

Jôel 2:22

Ơ ală jơi phan poan jơng tòm ƀlàng, bañ rngòt; bơh ală ƀlàng ñhơt tòm brê neh gơlik tơlir, ală chi gơlik plai, chi ƀal mơ tòm ño gơlik cồng nha niam.

Jôel 2:26

Bol mê rơp sa tòm bơta tơngkah tơngkañ mơ geh hòm lai, mơ bol mê rơp jòng ro sơnđan Jehôwa Yàng Tom Trồ bol mê dê, La Bơtau neh lơh ală bơta crih crài bol mê in; Làng bol Añ jê rơp ò gơs tŭ lơi kong ƀàssìl tai.

Amôs 9:13

Yàng Jehôwa đơs lah: “Ală ngai rơp tus, tòm tŭ cau lơòr rơp jat bàn cau toès, cau pơrjă plai ño jat bàn cau tam ño. Tơrnòm pa rơp ñhat bơh di ală mơnơm, mơ hòr lik bơh di ală dòr.

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!

Broă 14:17

bulah behơ̆ Kơnràñ kư̆ lơh cơng sùm bơh să tòm he, pà bơta lơngai lơngò, ai mìu bơh đang trồ, pà ai sơnam kơnhai gơs oă plai đo, phan sa tơngkah tơngkañ, lơh nùs oh mi bềng lìu bơta hòn chò.”

Yal Wơl 11:15

Kơnràñ rơp rcang gơs ñhơt tòm ală ƀlàng ală phan poan jơng bol mê in, mơ bol mê rơp sa mơ geh hòm lai.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.