Lebi 26:42 - Sră Goh 2018

⁴² gen Añ rơp kah wơl bơta ho bal Añ jê neh bơtào mơ Jakôp mơ bơta ho bal Añ jê neh bơtào mơ Isak mơ bơta ho bal Añ jê neh bơtào mơ Abraham, mơ Añ rơp kah wơl lơgar bol khai dê.

Lebi 26:42 Mawu Ofanana

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

Sơnròp Gơlik Gơs 26:2

Yàng Jehôwa tơlik mat mơ khai mơ đơs lah: “Bañ lòt hơ lơgar Ejiptơ, ơm tĕ tòm lơgar Añ rơp sơnio mê in.

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 26:5

tài bơh Abraham neh dòn bơr Añ mơ neh kơrmap gàr ală bơta Añ bơto sồr, jơnau sồr mơ bơta boh lam Añ jê.”

Sơnròp Gơlik Gơs 28:13

Do, Yàng Jehôwa ntào di bồ ntùng mơ đơs lah: “Añ la Jehôwa Yàng Tom Trồ Abraham ồng mê dê mơ la Yàng Tom Trồ Isak dê. Añ rơp ai mê mơ jơi bơtiàn mê in ù mê bic do.

Sơnròp Gơlik Gơs 28:15

Mơ Añ ơm bal mơ mê, mê lòt tiah lơi Añ rơp sền gàr mê tềng hơ̆ mơ cèng mê rê wơl hơ lơgar do, bơh Añ ò gơs tŭ lơi sang mê tus di tŭ Añ neh lơh sir rau ală bơta Añ neh ho mơ mê.”

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Sơnròp Gơlik Gơs 35:12

Lơgar Añ neh ai Abraham mơ Isak in, gen Añ rơp ai mê mơ jơi bơtiàn mê in sơl.”

Sơnròp Gơlik Gơs 9:15

gen Añ rơp kah wơl bơta ho bal Añ neh lơh mơ bol mê mơ ală jơi poac să gơs bơta kis, gen dà ò gơs tŭ lơi kŏ tai mơ tơnroh jơh ală jơi poac să ò.

Sơnròp Gơlik Gơs 9:16

Mơ bơrlangkang rơp ơm tòm mhwal, Añ sền gŏ gơ tồ kah wơl bơta ho bal gam sùm sùm digùl Yàng Tom Trồ mơ jơh ală jơi poac să gơs bơta kis tòm ù.”

Este 4:14

Bơh dilah ai ơm mŏ mŏ tòm tŭ gơs bơta be do, gen bơta dong kòl mơ dong tă rơp tơngguh làng bol Israel in bơh đah ndai, mơya ai mơ hìu nhă bèp ai dê rơp kong roh rui. Mơ ñcau rgơi git taih? Digơlan ai geh gơlik bau ùr bơtau ò di la tài bơh dô tŭ tơngai be do ò ơ?”

Đơs Crih 106:45

Bơh bol khai mơ Kơnràñ kah wơl bơta ho bal Kơnràñ dê, Mơ kòñ nđàc bol khai jat bơta kòñ gơboh kơ̆ dơn tơngkah tơngkañ Kơnràñ dê.

Đơs Crih 136:23

Tòm tŭ bol hi kong cau sền òsơp, gen Kơnràñ kah bol hi, Bơh bơta kòñ gơboh kơ̆ dơn Kơnràñ dê gam sùm sùm.

Lik Ejiptơ 2:24

Yàng Tom Trồ neh kơno jơnau pơt wòl bol khai dê mơ Kơnràñ kah wơl bơta ho pơgon mơ Abraham, Isak mơ Jakôp.

Lik Ejiptơ 6:5

Rlau mơ hơ̆, Añ kung neh kơno jơnau rac ròc cau Israel dê kong cau Ejiptơ kup lơh gơs dĭ, mơ Añ neh kah wơl bơta ho bal Añ jê.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Ejekiel 16:60

Bulah behơ̆, Añ rơp kah wơl bơta ho bal Añ neh bơtào mơ ai tòm ngai ai gam kơnòm să, mơ Añ rơp bơtào mơ ai dô bơta ho bal gam sùm sùm.

Jôel 2:18

Gen Yàng Jehôwa gơlik bơta ƀoah pơrñat bơh lơgar Kơnràñ dê; Kơnràñ ai nùs nđàc sơngit di làng bol Kơnràñ dê.

Luka 1:72

Nàng yal tơlik bơta kòñ nđàc gơwèt mơ ồng pàng bol he, Mơ kah wơl bơta ho bal sàng goh Kơnràñ dê.

Yal Wơl 4:31

Bơh Jehôwa Yàng Tom Trồ bol mê dê la Yàng Tom Trồ gơs nùs nđàc sơngit, Kơnràñ rơp ò sang lòi hala tơnroh bol mê hala lòi hŭi bơta ho bal mơ ală ồng pàng bol mê dê mơ Kơnràñ neh srat sa ho bal nàng lơh nền.

Yal Wơl 9:27

Dan Kơnràñ kah wơl ală cau duh broă Yàng dê la Abraham, Isak mơ Jakôp. Dan sang lòi bơta kơldang bồ làng bol do dê, bơta iơh bơsak mơ bơta tồi glài bol khai dê.

Ală Kwang Cahrña 2:1

Cau gơnrơh Yàng Jehôwa dê guh bơh Gilgal tus hơ Bôkim mơ đơs lah: “Añ neh tă cèng bol mê lik bơh Ejiptơ mơ lam bol mê mut tòm lơgar Añ neh ho ai ồng pàng bol mê in. Añ neh đơs ‘Añ rơp ò tŭ lơi sang lòi bơta ho bal mơ bol mê.