Lebi 26:41 - Sră Goh 2018

⁴¹ la ală bơta neh lơh Añ in sòdră di bol khai tian gơs Añ neh sang lòi bol khai tòm lơgar ală cau sò tơm di bol khai, gen tòm tŭ bol khai tơnliah nùs ò siat gơltau bol khai dê mơ kong dòp bơta lơh glài,

Lebi 26:41 Mawu Ofanana

I Ală Bơtau 21:29

“Mê neh gŏ mbe lơi Ahap pìn pơndêt să di đap mat Añ sơl? Tài bơh khai pìn pơndêt să di đap Añ, Añ rơp ò cèng tus bơta rung rài tòm rài khai; mơya tòm rài kòn klau khai Añ rơp cèng bơta rung rài hơđang hìu khai dê.”

II Yal Yau 12:12

Tài bơh Rôbôam tơnliah să khai dê, gen bơta gơjrañ Yàng Jehôwa dê neh pleh bơh khai, mơ ò tơnroh jơh bol khai, rlau mơ hơ̆ la bơta niam gam gơs tòm Juda.

II Yal Yau 32:26

Gen Ejekia tơnliah să bơh bơta pơnhừ să tòm nùs khai dê, làng bol Jerusalem kung lơh behơ̆, gen tàng bơta gơjrañ dờng Yàng Jehôwa dê neh ò tus hơđang bol khai tòm rài Ejekia dê.

II Yal Yau 33:19

Jơnau hòi dan khai dê mơ mbe Yàng Tom Trồ neh dòp jơnau khai rac dan, kung be jơh ală bơta tồi glài ò dòn song khai dê, mơ ală tiah jơnhoa duh khoai mơ khai neh bơt mơ bơtào ală jrong duh khoai mơ ală rùp ràk Asera lài mơ tŭ khai tơnliah să tòm khai dê, jơh ală bơta hơ̆ neh geh cih tòm sră yal broă ală cau gơnoar git lài dê.

II Yal Yau 33:23

Mơya khai ò tơnliah să khai di đap Yàng Jehôwa kung be bèp khai neh lơh; mơya tòm bơta do Ammôn sơlo tìs glài bơtơl tai.

Ejra 9:13

Tơnơ̆ mơ jơh ală bơta neh tus hơđang bol hi la bơh ală broă iơh bơsak bol hi neh lơh mơ tồi glài dờng bol hi dê; bulah behơ̆, ơ Yàng Tom Trồ bol hi dê, Kơnràñ ò lơh glài bol hi dô bă kơnjơ̆ di pal mơ tồi glài bol hi dê, mơ neh lòi bol hi in dô pơnah làng bol gam wơl be do.

Ejra 9:15

Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Nehemi 9:33

Tòm kòp bơta neh gơlik bol hi in, Kơnràñ ngan song ring; tài bơh Kơnràñ lơh dô bă dòn song ai bol hi neh lơh bơta iơh bơsak.

Đơs Crih 39:9

Añ lơh be kloat, ò pò bơr, Tài bơh Yàng neh lơh broă hơ̆.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 6:10

Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Ejekiel 14:23

Mê rơp geh pơndòm pơniang tòm tŭ mê gŏ gùng dà mơ bơta lơh lòt bol khai dê, bơh mê rơp git lah Añ neh ò lơh bơta lơi ò bồ gơ in ò,’” Jehôwa Yàng Tom Trồ đơs behơ̆.

Ejekiel 20:43

Tềng hơ̆ bol mê rơp kah wơl bơta lơh lòt bal mơ jơh ală broă bơh hơ̆ bol mê neh lơh să tòm he in gơlik gơs ƀơ̆ ƀơl; mơ bol mê rơp cù kìr să tòm he bơh jơh ală bơta iơh mơ bol mê neh lơh.

Ejekiel 44:7

Tòm bơta bơtơl làng bol bơdìh ò siat gơltau tòm nùs mơ tòm poac să, neh gơs tòm tiah sàng goh Añ jê, lơh ƀơ̆ ƀơl hìu duh khoai Añ jê tòm tŭ bol mê ơn pơdơng, phan sa Añ in, dơngi mơ mhàm. Bol mê sang lòi bơta ho bal Añ jê bal mơ jơh ală broă cù kìr bol mê dê.

Ejekiel 44:9

Do la jơnau đơs Jehôwa Yàng Tom Trồ dê: ‘Ò gơs cau làng bơdìh lơi ò siat gơltau tòm nùs mơ tòm poac să geh mut tòm tiah sàng goh Añ jê, bulah la cau làng bơdìh neh kis digùl làng bol Israel kung behơ̆ sơl.

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Lebi 26:24

gen să tòm Añ rơp tòmdră mơ bol mê, mơ lơh bol mê in kong bòl glar poh dơ̆ rlau tai, tài bơh ală bơta tồi glài bol mê dê.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Khà Làng Bol 5:7

mơ khai pal yal bơta tồi glài khai neh tìs. Khai pal tơm wơl wil tơl bơh bơta tìs khai dê, bơtơl tai dô pơnah pram tòm phan hơ̆ mơ jào jơh ală phan hơ̆ cau mơ khai neh lơh tìs in.

Mathiơ 23:12

Dilah cau lơi yò tơngguh is să he gen rơp gơtơmù, ai cau tơnliah is să he gen rơp geh yò tơngguh.”

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Yal Wơl 10:16

Gen tàng, siat gơltau tĕ nùs bol mê, mơ bañ kơldang bồ tai.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Kôlôse 2:11

Tòm Kơnràñ oh mi kung neh kong siat gơltau, ò di siat gơltau bơh tê cau lơh, mơya siat gơltau bơh Bơtau Krist, hơ̆ la bơta klò sang să jan poac să.