Lebi 26:4 - Sră Goh 2018

⁴ Añ rơp đùh mìu bol mê in tòm toh kơnhai, ù tiah rơp gơlik kòi mbo mơ ală chi gơlik plai đo gơ dê.

Lebi 26:4 Mawu Ofanana

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

Sră Jop 5:10

Kơnràñ ai mìu hơđang ù, Mơ sồr dà tus tòm ală ƀlàng sre.

Đơs Crih 104:13

Bơh di tiah ơm hơđang Kơnràñ dê, Kơnràñ tuh dà hơđang ală mơnơm; Ù tiah geh bềng lìu plai đo bơh broă lơh Kơnràñ dê.

Đơs Crih 67:6

Ù neh tơnggơs cồng nha gơ dê; Yàng Tom Trồ, la Yàng Tom Trồ bol hi dê neh ai lơngai bol hi in.

Đơs Crih 67:7

Yàng Tom Trồ gam ai lơngai sùm bol hi in; Jơh ală cau tòm làm plai ù pal duh rngòt di Kơnràñ.

Đơs Crih 68:9

Ơ Yàng Tom Trồ, Kơnràñ dùh mìu lìu làc, hơđang sre brê Kơnràñ dê, tòm tŭ gơ ro rañ, Yàng ròng siam gơ wơl.

Đơs Crih 85:12

Ngan Yàng Jehôwa rơp ai ală phan niam, Mơ lơgar bol he dê rơp gơlik gơs cồng nha.

Đơs Crih 85:13

Bơta song ring rơp lòt di đap Kơnràñ, Mơ rơp lơh dô nơm gùng ală cơnđòa jơng Kơnràñ in.

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Esai 5:6

Añ rơp lơh gơ in gơlik gơs tiah srau gòi, gơ rơp ò kòl koh crè, hala ò pŏ lơh lơbơn ù, tòm lò mơ lò mrơt rơp hòn tềng hơ̆. Añ rơp ai jơnau sồr mhwal bañ đùh mìu hơđang gơ.”

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Ejekiel 36:30

Añ rơp ai bơtơl oă plai hơđang ală chi mơ oă kòi mbo hơđang ală mìr sre tồ bol mê in ò tai kong sền òsơp digùl ală làng bol tài bơh bơta jơgloh rung.

Jôel 2:22

Ơ ală jơi phan poan jơng tòm ƀlàng, bañ rngòt; bơh ală ƀlàng ñhơt tòm brê neh gơlik tơlir, ală chi gơlik plai, chi ƀal mơ tòm ño gơlik cồng nha niam.

Lebi 25:19

Gen ù tiah rơp tơnggơs ală plai đo gơ dê, mơ bol mê rơp sa hòm mơ kis ring lơngai.

Lebi 25:21

Añ rơp ai bol mê in bơta lơngai lơngò tòm nam dơ̆ prau tian gơs ù tiah rơp tơnggơs tơl sa tòm pe nam.

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Broă 14:17

bulah behơ̆ Kơnràñ kư̆ lơh cơng sùm bơh să tòm he, pà bơta lơngai lơngò, ai mìu bơh đang trồ, pà ai sơnam kơnhai gơs oă plai đo, phan sa tơngkah tơngkañ, lơh nùs oh mi bềng lìu bơta hòn chò.”

Yal Wơl 11:13

Behơ̆ dilah bol mê dòn song lơh jat ală jơnau sồr mơ añ ai bol mê in ngai do, hơ̆ la kòñ gơboh di Jehôwa Yàng Tom Trồ bol mê dê mơ jơh nùs jơh hwềng soàn duh broă Kơnràñ,

Yal Wơl 11:14

gen Kơnràñ rơp dùh mìu hơđang lơgar bol mê dê di kơnhai sơnam gơ dê, mìu tòm kơnhai jrùh nha mơ mìu tòm kơnhai bơkào chi che tồ bol mê rgơi toès prap kòi mbo, tơrnòm pa mơ mơñà bol mê dê.

Yal Wơl 28:12

Yàng Jehôwa rơp pò ală tap trồ la đam jàr lìu làc Kơnràñ dê nàng tơndùh mìu hơđang ù tiah bol mê dê di di kơnhai mơ nàng ai lơngai hơđang jơh ală broă tê bol mê lơh. Bol mê rơp ai oă làng bol in càn mơya bol mê rơp ò càn bơh di dô nơm lơgar lơi.

Jakơ 5:7

Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.

Yal Tơlik 11:6

Bàr nă cau hơ̆ gơs gơnoar til ală tap trồ, nàng ò gơs mìu tòm ală ngai bol khai đơs hwơr; bol khai gơs gơnoar hơđang ală dà nàng lơh dà gơlik gơs mhàm, mơ ngui jơh ală bơta rung rài nàng lơh iơh di plai ù tŭ lơi jat nùs bol khai kòñ.