Lebi 26:3 - Sră Goh 2018

³ Dilah bol mê lòt jat ală bơta sồr lam Añ jê mơ kơrhia lơh jat ală jơnau sồr Añ jê,

Lebi 26:3 Mawu Ofanana

Nehemi 1:9

Mơya dilah bol mê rê wơl hơ Añ mơ prap gàr ală bơta sồr lam Añ jê, mơ lơh jat; bulah bol mê kòl sơrbì hơ jơng trồ ngài rlau jơh, gen Añ rơp tơrgòm bol khai bơh tềng hơ̆, mơ lam bol khai rê tus hơ tiah Añ neh sac rwah nàng bơtào kơ̆ sơnđan Añ jê.’

Lik Ejiptơ 23:25

Duh khoai tĕ Jehôwa Yàng Tom Trồ bol mê dê; Kơnràñ rơp ai lơngai ală phan sa phan ñô bol mê dê. Añ rơp tă tơlik jơh ală bơta kòp jê bơh digùl bol mê,

Esai 1:19

Dilah bol mê gơs nùs kòñ dòn bơr, bol mê rơp geh sa plai đo niam ù tiah dê

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Jeremi 11:4

la bơta Añ neh sồr ồng pàng bol mê in, tòm tŭ Añ cèng bol khai lik bơh lơgar Ejiptơ, bơh di bơnhă gơm lòs, mơ đơs lah: Iat tĕ jơnau Añ, mơ lơh jat tĕ jơh bơta Añ sồr bol mê. Behơ̆ bol mê rơp lơh gơs làng bol Añ jê, Añ rơp lơh gơs Yàng Tom Trồ bol mê dê;

Lebi 19:25

Mơya tòm nam dơ̆ pram bol mê rgơi sa plai gơ dê. Lơh behơ̆ gen plai đo bol mê dê rơp geh gơbơtơl oă. Añ la Jehôwa Yàng Tom Trồ bol mê dê.

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Yal Wơl 7:12

Dilah bol mê ơn nùs tồr dê ală bơta boh lam do mơ kơrhia lòt jat ală bơta hơ̆ gen Jehôwa Yàng Tom Trồ bol mê dê rơp prap gàr bơta ho bal bơh bơta kòñ gơboh mơ bol mê tòm toh jat be Kơnràñ neh srat să ho nền mơ ală ồng pàng bol mê dê.

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.