Lebi 26:22 - Sră Goh 2018

²² Añ rơp sồr ală phan poan jơng tòm brê tus tòmdră mơ bol mê, mơ bol gơ rơp kơñau ală kòn sau bol mê dê bơh di bol mê, tơnroh ală phan poan jơng bol mê dê, pơndut ntum khà bol mê dê, lơh ngềt ngơt ală gùng lòt bol mê dê.

Lebi 26:22 Mawu Ofanana

Ejekiel 14:15

“Hala dilah Añ sồr phan poan jơng tòm brê tus tòm làm lơgar, nàng tơnroh lơgar, lơh gơ in gơlik gơs tiah srau gòi mơ ò gơs cau lơi lòt gan, tài bơh ală phan poan jơng,

Yal Wơl 32:24

Añ rơp sồr bơta jơgloh rung tơnroh bol khai, bơta duh trơàl chu pơrguc bol khai, rung rài bơh bơta pluh plàng. Añ rơp sồr sề gơnèng phan poan jơng tòm brê tòmdră mơ bol khai, bal mơ bơta bih khih ală phan wìn nsròng tòm ù lơh iơh bol khai.

Ală Kwang Cahrña 5:6

Tòm ală ngai Samga kòn klau Anat dê, tòm ală ngai Jael dê, ală gùng dờng ngềt ngơt, ală cau lòt gùng lòt jat gùng ƀòn rkwet rkwe.

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”

Ñìm Rac 1:4

Ală gùng lòt hơ Siôn ñìm rac moat jrùng, bơh ò gơs cau tus pơjum sa chò hòp tai. Ală mpồng ƀòn dờng khai dê rhàng srau, ală cau gơnoar ơn phan duh khoai khai rơnđơh; Ală cau ơruh khai dê jê sồt bòl glar, mơ pơnah khai dê la bơta sràt bơtang.

Esai 33:8

Gùng me ngềt ngơt, ò gơs cau lòt rê tòm gùng: Bơta ho bal neh jơh, ală jơnau srat să kòl sền òsơp, ò gơs bơta ơn nùs di bơta pal lơh.

II Ală Bơtau 17:25

Tòm tŭ bol khai rơp sơntòm ơm tềng hơ̆, bol khai ò duh rngòt di Yàng Jehôwa, gen tàng Yàng Jehôwa sồr klìu triă tus tơnchơt dô êt cau tòm mpồl bol khai.

Lebi 26:6

Añ rơp ai bơta ring lơngai tòm lơgar, bol mê rơp bic mang mơ ò gơs cau lơi lơh bol mê in rngòt. Añ rơp tă tơlik ală phan brê bơh di lơgar, mơ đào rơp ò lòt gan lơgar bol mê dê.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Ejekiel 33:28

Añ rơp lơh lơgar in gơlik tiah srau gòi, bơta pràn kơldang mơ bol khai jòng să rơp roh thit, mơ ală mơnơm Israel dê rơp gơlik gơs ngềt ngơt tian gơs ò gơs dô nă cau lơi lòt gan tềng hơ̆ tai.

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Ejekiel 5:17

Añ rơp cèng bơta jơgloh rung mơ sồr phan poan jơng tòm brê tus tòmdră mơ mê, bol gơ rơp tơnroh kòn sau mê dê. Kòp jê pluh plàng mơ bơta lơh gơhòr mhàm rơp gan mê; Añ rơp cèng đào hơđang bol mê. Să tòm Añ la Yàng Jehôwa neh đơs behơ̆.”

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Esai 24:6

Gen tàng bơta srat rma sa loan plai ù, làng bol ơm hơđang plai ù kong bơta jê sồt bơh bơta tồi glài bol khai dê; gen tàng làng bol ơm hơđang plai ù rơp gơpơndut wơl, mơ dô êt cau gam wơl.

II Yal Yau 15:5

Tòm ală ngai hơ̆, ò gơs cau lơi rgơi lòt hala rê tòm bơta ring lơngai, tài bơh bơta bòl glar mơ sơlồng sơlàng tòm jơh ală làng bol ơm làm bă tiah.

II Ală Bơtau 2:24

Khai wơlke mơ gŏ kơnòm hơ̆, mơ khai srat rma ală kơnòm hơ̆ tòm sơnđan Yàng Jehôwa. Gen gơs bàr nơm jơgơu me lik bơh brê, kap crè poan jơt bàr nă kơnòm klau.

Jeremi 42:2

neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.