Lebi 26:21 - Sră Goh 2018

²¹ Dilah bol mê kư̆ gam tòmdră mơ Añ mơ ò bài iat Añ, Añ rơp bơtơl bơta rung rài bòl glar bol mê in poh dơ̆ rlau tai, di pal mơ ală bơta tồi glài bol mê dê.

Lebi 26:21 Mawu Ofanana

Đơs Crih 79:12

Ơ Yàng Jehôwa bơta bơtat bơtròh mơ cau ơm rềp di bol hi neh bơtat bơtròh di Yàng, Dan tơm bơta hơ̆ poh dơ̆ di ntơh cau gơp ƀòn bol hi dê.

Lik Ejiptơ 9:14

hala dơ̆ do Añ rơp cèng jơh pràn ală bơta rung rài Añ jê tòmdră mơ mê, tòmdră mơ ală cau kwang duh broă mơ làng bol mê dê, tồ mê in git lah tòm làm jơh plai ù ò gơs cau lơi ndròm be Añ.

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Ejekiel 21:14

Ai mê, ơ kòn mơnus, đơs hwơr tĕ mơ tàp tê. Lòi tĕ đào sreh bàr dơ̆, pe dơ̆. Hơ̆ la đào sreh tơnchơt, dô ngkơr đào sreh tơnchơt dờng ngan, gơrwàng gùt dar bol khai.

Lebi 26:18

Dilah tơnơ̆ mơ jơh ală bơta hơ̆ mơ bol mê gam ò iat jơnau Añ, Añ rơp lơh glài bol mê tai kơnjơ̆ poh dơ̆ rlau.

Lebi 26:23

Dilah bulah neh gơlik gơs ală bơta hơ̆ mơ bol mê ò bài dòp rò bơta lơh glài tơmàl di bol mê, mơya kư̆ gam tòmdră mơ Añ,

Lebi 26:24

gen să tòm Añ rơp tòmdră mơ bol mê, mơ lơh bol mê in kong bòl glar poh dơ̆ rlau tai, tài bơh ală bơta tồi glài bol mê dê.

Lebi 26:27

Dilah bulah neh gơlik gơs behơ̆, bol mê kư̆ gam ò iat Añ, mơ kư̆ pơnjat tòmdră mơ Añ,

Yal Tơlik 15:1

Gen añ neh gŏ dô nơm tềl is tai hơđang trồ, tềl is hơ̆ dờng mơ krơi is, hơ̆ la poh nă cau gơnrơh at poh bơta rung rài lồi dut; mơ bơh ală bơta rung rài hơ̆ gen sồng bơta gơjrañ dờng Yàng Tom Trồ dê ò gam tai.