Lebi 26:16 - Sră Goh 2018

¹⁶ gen Añ rơp lơh bơta do bol mê in: Añ rơp đùh hơđang bol mê bơta rngòt rngơt dô bă nisơna, bơta kòp jê bơsiă hian mơ kòp prơm tơnroh bơta àng mat bol mê dê mơ pơndut bơta kis bol mê dê. Bol mê rơp sih gar mơ gơlik ò kwơ, bơh ală cau sò tơm bol mê dê rơp sa gơ.

Lebi 26:16 Mawu Ofanana

I Ală Bơtau 8:37

Dilah tòm lơgar gơlik gơs bơta jơgloh rung, pluh plàng, ro rañ, but bơsềt ồm lề, srah nting, srah, hala gơs cau sò tơm gòm gơrwàng ală tiah ơm bol khai dê, hala gơs bơta rung rài, kòp jê lơi;

Sră Jop 18:11

Bơta rngòt rngơt tơn iu bol khai gùt dar, ting jat kòp cơnđòa khai dê.

Sră Jop 20:25

Gơ sơntă bơh di să bol khai, mơ phan sơmplàñ àng gơcrà lik bơh di plai bơtang bol khai dê. Ală bơta rngòt cù kìr tus hơđang bol khai.

Sră Jop 31:8

Gen lòi gơs cau ndai sa phan añ neh sih, Mơ lòi ală phan tùc tam añ jê kong dus jơh.

Đơs Crih 109:6

Bol khai đơs lah: “Bơtào tĕ dô nă cau iơh bơsak tòmdră mơ khai, lòi tĕ cau tòmyă mơ khai ntào đah ma khai.

Đơs Crih 73:19

Heh! Bol khai kong tơnroh tòm dô huơt lơm! Bơta rngòt rngơt lơh bol khai in roh rui jơh hir.

Đơs Crih 78:33

Tài bơh hơ̆, Kơnràñ tơnlồi ală ngai bol khai dê be dô dơ̆ tă nhơm, Lơh tơnlồi ală nam bol khai dê dô bă rngòt rngơt.

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Jơnau Pơnđik 3:33

Bơta srat sơntơm Yàng Jehôwa dê ơm hơđang hìu cau iơh bơsak, Mơya Kơnràñ ai lơngai tiah ơm cau song ring dê.

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 62:8

Yàng Jehôwa neh srat să bơh tê ma Kơnràñ dê mơ bơh tơwòr tê gơnoar pràn Kơnràñ dê lah: “Añ rơp ò tŭ lơi ai kòi mi ai dê lơh gơs phan sa ală cau sò tơm ai in tai, mơ làng bol bơdìh rơp ò geh ñô tơrnòm mơ ai neh kong lơh broă bòl glar;

Esai 7:2

Tòm tŭ hìu Dabit kơno lah: “Aram neh lơh gơs dô bă bal mơ Epraim,” gen nùs Aca mơ làng bol khai dê wañ lơnggơh kung be chi tòm brê gơ ơwañ bơh càl.

Jeremi 12:13

Bol khai neh sih gar kòi mi mơ toès ală tòm lò, Bol khai kong bòl glar mơya ò dòp geh phan lơi. Bol mê rơp ƀàssìl bơh kơnhai toès bol khai dê, Bơh bơta gơhào gơjrañ dờng ngan Yàng Jehôwa dê!”

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Jeremi 15:8

Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 5:17

Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Ejekiel 24:23

Bol mê rơp kư̆ lòi tơn chèo neh pùt hơđang bồ mơ gơltau jă neh jă di jơng bol mê dê. Bol mê rơp ò rac ròc hala ñìm, mơya bol mê rơp siar roh tài bơh tồi glài bol mê dê mơ rơnđơh bal mơ gơp.

Ejekiel 33:10

“Tŭ do, mê, ơ kòn mơnus, đơs tĕ mơ hìu Israel lah: ‘Bol mê đơs tĕ be do: Ală bơta lơh tìs mơ tồi glài bol hi dê klơn kơnjơ̆ hơđang bol hi, mơ bol hi siar roh tài bơh bol gơ. Behơ̆ gen mbe bol hi rgơi kis taih?’

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Mice 6:15

Mê rơp sih gar mơya ò geh toès, mê rơp pat ôlibe mơya ò geh bong mơñà să tòm mê in, mê rơp jă plai ño mơya ò geh ñô tơrnòm.

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Sacari 14:12

Do rơp la bơta pluh plàng mơ Yàng Jehôwa rơp ngui nàng lơh glài jơh ală làng bol tòmlơh mơ Jerusalem: poac bol khai dê rơp ồm lề tòm tŭ jơng bol khai gam ơm ntào, gar mat bol khai dê rơp ồm lề tòm mat bol khai dê, mơ lơmpiat bol khai dê rơp ồm lề tòm bơr bol khai dê.

Malaci 2:3

Añ rơp lah pơrhơng kòn sau bol mê dê, rsìh è phan poan jơng hơđang muh mat bol mê dê, è ală phan ơn bol mê dê, mơ Añ rơp bơtrơh tơlik bol mê bơh di bơta gơs mat Añ jê.

Yal Wơl 28:51

Bol khai rơp sa loan ală kòn dềt phan poan jơng bol mê dê, mơ ală kòi mbo ù tiah bol mê dê jơl tus di tŭ bol mê neh kong tơnroh. Bol khai rơp ò lòi bol mê in gar kòi mbo lơi tơrnòm pa hala mơñà lơi, hala kơnrồ kòn lơi bơh di ală mpồl kơnrồ, belàt lơi bơh di ală mpồl belàt bol mê dê jơl tus di tŭ bol mê neh kong roh rui jơh.

Yal Wơl 32:25

Tòm gùng kong tơnroh bơh đào, mơ tòm dơlam hìu gơs bơta rngòt rngơt, cau pơnu mơ cau ơruh, kòn gam pô mơ cau kra sŏ kò kung behơ̆ sơl.

Hebrơ 10:31

Cau lơi dùh tòm tê Yàng Tom Trồ gam kis sùm gen la sơbơng roh ngan!

Ală Kwang Cahrña 6:11

Tŭ hơ̆ cau gơnrơh Yàng Jehôwa dê tus nggui di tòm cha tòm Ôphra gơrê bal mơ Jôas cau Abiejrit, kòn klau khai dê la Gideôn ơm pòng kòi tòm tiah pat tơrnòm nàng pồn gơ bơh di làng bol Midian.

I Samuel 2:33

Cau lơi tòm hìu mê dê mơ Añ ò tă tơlik bơh di cơnòng duh khoai Añ jê rơp lòi gam wơl mìng nàng jùt dà mat, mơ lơh nùs mê in moat jrùng, mơ jơh ală cau tòm hìu mê dê rơp chơt bơh đào.