Lebi 26:12 - Sră Goh 2018

¹² Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Lebi 26:12 Mawu Ofanana

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 3:8

Tus dê mho, kơno jơnau Jehôwa Yàng Tom Trồ lòt tòm suơn, cau klau mơ bau ùr khai pồn să tòm gùl ală tòm chi, nàng pleh dê mat Jehôwa Yàng Tom Trồ.

Sơnròp Gơlik Gơs 5:22

Tơnơ̆ mơ tŭ Enôk tơnggơs Metusela rau, khai lòt bal mơ Yàng Tom Trồ tòm pe rhiang nam, tơnggơs kòn klau kòn ùr.

Sơnròp Gơlik Gơs 5:24

Enôk lòt bal mơ Yàng Tom Trồ gen roh thit tài bơh Yàng Tom Trồ cèng khai.

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

II Samuel 7:7

Tiah lơi Añ neh lòt digùl jơh làng bol Israel, gơs tŭ lơi Añ neh đơs dô jơnau lơi mơ dô nă cau lơi tòm ală cau kwang at bồ Israel dê, la ală cau Añ neh sồr ê gàr Israel làng bol Añ jê mơ đơs lah: Ñchi bơh tài bol mê ò bơt Añ in dô nơm hìu mơ chi nho rề sơl ơ?’

Đơs Crih 50:7

Yàng đơs lah: “Ơ làng bol Añ jê, iat tĕ, Añ rơp đơs; Ơ Israel, Añ rơp lơh cơng tòmdră mơ mê. Añ la Yàng Tom Trồ, hơ̆ la Yàng Tom Trồ mê dê;

Lik Ejiptơ 29:45

Gen Añ rơp ơm digùl làng bol Israel mơ lơh gơs Yàng Tom Trồ bol khai dê.

Lik Ejiptơ 29:46

Bol khai rơp git Añ la Jehôwa Yàng Tom Trồ bol khai dê, la Bơtau neh cèng bol khai lik klàs bơh di lơgar Ejiptơ nàng Añ rgơi ơm sùm digùl bol khai. Añ la Jehôwa Yàng Tom Trồ bol khai dê.

Lik Ejiptơ 3:6

Kơnràñ đơs tai lah: “Añ la Yàng Tom Trồ ồng pàng mê dê, Yàng Tom Trồ Abraham dê, Yàng Tom Trồ Jakôp dê.” Gen Môise kìng mat khai dê tài bơh rngòt sền gŏ Yàng Tom Trồ.

Lik Ejiptơ 6:7

Añ rơp dòp bol mê lơh gơs làng bol gơrê is mơ Añ, mơ añ rơp lơh gơs Yàng Tom Trồ bol mê dê. Gen bol mê rơp git Añ la Jehôwa Yàng Tom Trồ bol mê dê, neh tă tơlik bol mê klàs bơh di yô cau Ejiptơ dê.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Jeremi 11:4

la bơta Añ neh sồr ồng pàng bol mê in, tòm tŭ Añ cèng bol khai lik bơh lơgar Ejiptơ, bơh di bơnhă gơm lòs, mơ đơs lah: Iat tĕ jơnau Añ, mơ lơh jat tĕ jơh bơta Añ sồr bol mê. Behơ̆ bol mê rơp lơh gơs làng bol Añ jê, Añ rơp lơh gơs Yàng Tom Trồ bol mê dê;

Jeremi 30:22

Behơ̆ gen, bol mê rơp lơh gơs làng bol Añ, Añ rơp lơh gơs Yàng Tom Trồ bol mê.’”

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Ejekiel 11:20

behơ̆ tàng bol khai rơp lơh jat ală bơta sồr lam Añ jê mơ kơrhia prap gàr ală bơta sồr lam Añ jê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê.

Ejekiel 36:38

Be mpồl belàt lơh gơs phan ơn pơdơng, be mpồl belàt tòm Jerusalem tòm ală ngai pơjum sa neh lơh nền gơ dê, behơ̆ ală ƀòn dờng tơrlah tơrlơm rơp geh bềng lìu ală mpồl làng bol. Gen bol khai rơp git Añ la Yàng Jehôwa.’”

Jôel 2:27

Gen bol mê rơp git lah Añ ơm digùl Israel, Mơ git Añ la Jehôwa Yàng Tom Trồ bol mê dê, mơ ò gơs bơtau lơi ndai tai rlau mơ Añ; làng bol Añ jê rơp ò gơs tŭ lơi kong ƀàssìl tai.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Khà Làng Bol 5:3

Tă tơlik tĕ cau klau kung be cau ùr, ơn is tĕ bol khai di đah bơdìh sàl ơm tồ bol khai ò lơh ƀơ̆ ƀơl sàl ơm la tiah Añ ơm digùl bol khai.”

Mathiơ 22:32

‘Añ la Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê,’ ò ơ? Kơnràñ ò di la Yàng Tom Trồ cau chơt dê ò, mơya la Yàng cau kis dê.”

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Yal Wơl 23:14

Bơh Jehôwa Yàng Tom Trồ bol mê dê lòt digùl tiah sơntơp sàl ơm bol mê dê nàng sền gàr bol mê mơ jào phi ală cau sò tơm bol mê dê bol mê in. Tiah sơntơp sàl ơm bol mê dê pal gơs sàng goh tồ Kơnràñ ò gŏ phan lơi ò goh digùl bol mê mơ pơrlac bơh di bol mê.

Yal Wơl 23:15

Dilah dô nă cau dĭ dô pồn tòm hìu bol mê gen bañ jào khai wơl mơ cau tòm khai dê.

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Yal Tơlik 2:1

“Cih tĕ cau gơnrơh Hìu Jum Goh Ephesô in lah: Do la ală jơnau đơs Bơtau at poh nơm sơmañ tòm tê ma mơ lòt digùl poh nơm jơng ồs đèng mơ màh

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.