Lebi 26:1 - Sră Goh 2018

¹ “Bañ lơh bol mê in ală rùp ràk hala bơtào gơs dô nơm rùp hala dô nơm pơnai lŭ nàng duh khoai, mơ bañ bơtào tòm lơgar bol mê dê dô pơnai lŭ pac sềr nàng cùn khoai di đap gơ. Añ la Jehôwa Yàng Tom Trồ bol mê dê.

Lebi 26:1 Mawu Ofanana

II Ală Bơtau 17:10

bơt bơtào bol khai in ală jrong duh khoai hơđang ală dòr jơnhoa mơ hơđơm ală chi dờng;

II Ală Bơtau 17:16

Bol khai pơndang sang jơh ală bơta boh lam Jehôwa Yàng Tom Trồ bol khai dê mơ lơh bol khai in rùp pac sềr bàr nơm kòn kơnrồ, bol khai bơtào ală jrong duh khoai Asera, duh khoai jơh ală sơmañ đang trồ, mơ duh broă Baal.

II Ală Bơtau 17:8

lòt jat bơta òs mòng ală làng bol mơ Yàng Jehôwa neh bơtrơh tơlik bơh di đap làng bol Israel, mơ jat bơta òs mòng mơ ală cau bơtau Israel neh lam.

Đơs Crih 78:58

Bơh bol khai bơrcek Kơnràñ gơjrañ tài bơh ală tiah jơnhoa duh rùp ràk; Bol khai chồl nùs Kơnràñ ƀoah tài bơh ală rùp pac sềr bol khai dê.

Đơs Crih 97:7

Jơh ală cau duh khoai rùp pac sềr rơp kòl ƀàssìl, Bol khai jòng să bơh ală rùp ràk ò kwơ; Jơh ală yàng ndai cùn khoai di đap Kơnràñ.

Lik Ejiptơ 20:2

“Añ la Jehôwa Yàng Tom Trồ bol mê dê, Bơtau neh cèng bol mê bơh di Ejiptơ, klàs bơh di tiah ơm dĭ.

Lik Ejiptơ 20:23

Bañ lơh gơs yàng lơi mơ ơn bal mơ Añ; bañ lơh bol mê in ală yàng mơ priă hala ală yàng mơ màh.’

Lik Ejiptơ 23:24

Bañ cùn khoai di đap ală yàng bol khai dê, hala duh khoai bol gơ, hala đòm jat bơta duh broă bol khai dê. Bol mê pal tơnroh jơh bol gơ, mơ jan bơcah lề lac ală lŭ jrong bol khai ơn duh khoai.

Lik Ejiptơ 34:17

Bañ tŏ ală rùp duh khoai.

Esai 2:20

Tòm ngai hơ̆, cau rơp sang sơrbì ală đe in mơ ală rềt in ală rùp ràk mơ priă mơ màh mơ bol khai neh lơh gơs nàng duh khoai.

Lebi 19:4

Bañ wèt hơ ală rùp ràk hala lơh gơs bol mê in ală yàng tŏ mơ màh priă. Añ la Jehôwa Yàng Tom Trồ bol mê dê.

Lebi 25:55

bơh ală cau Israel gơrê bal mơ Añ kung be ală cau duh broă. Bol khai la ală cau duh broă Añ jê, la ală cau mơ Añ neh cèng tơlik bơh di Ejiptơ, Añ la Jehôwa Yàng Tom Trồ bol mê dê.’”

Lebi 7:33

Kòn klau Arôn dê la cau ơn mhàm mơ dơngi phan ơn ring lơngai dê rơp gơs bơnô đah ma lơh gơs pơnah gơrê mơ khai.

Khà Làng Bol 33:52

ting bơtrơh jơh ală cau ơm tòm lơgar di đap bol mê. Tơnroh tĕ jơh ală rùp pac sềr mơ ală rùp ràk tŏ duh khoai bol khai dê, mơ tơnroh jơh ală tiah jơnhoa duh khoai bol khai dê.

Broă 17:29

Bơh tòm tŭ he la ală kòn Yàng Tom Trồ dê, gen bol he bañ tồnlah Yàng Tom Trồ be rùp ràk màh priă, hala lŭ, bơh broă chài lơh mơ jat bơta kơlôi sơnơng kòn mơnus dê mơ lơh gơs.

Yal Wơl 27:15

‘Pal srat sơntơm cau lơi pac sềr dô nơm rùp duh khoai hala tŏ dô nơm rùp ràk, hơ̆ la dô nơm phan cù kìr di đap Yàng Jehôwa, la broă tê cau pac sềr lơh gơs mơ bơtào gơtòm tiah ndơp ndơr.’ Gen jơh làng bol rơp đơs lah: ‘Amen!’

Yal Wơl 5:6

‘Añ la Jehôwa Yàng Tom Trồ bol mê dê, la Bơtau neh tă cèng bol mê lik bơh di Ejiptơ, bơh di lơgar bol mê ơm dĭ.

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

Ală Kwang Cahrña 18:30

Tềng hơ̆ cau Dan bơtào rùp ràk bol khai in. Jônathan kòn klau Gersôn, sau Môise dê mơ jơh ală kòn klau khai dê lơh gơs cau gơnoar ơn phan duh khoai jơi bơtiàn Dan in, jơl tus dê tŭ bol khai gơkòl kup cèng gơs dĭ.