Lebi 24:2 - Sră Goh 2018

² “Sồr tĕ cau Israel cèng mê in mơñà sàng neh pat bơh plai ôlibe nàng chu ồs đèng tồ ală ồs đèng gơs ồs gam hìt sùm.

Lebi 24:2 Mawu Ofanana

II Yal Yau 13:11

Bol khai ơn Yàng Jehôwa in kòp àng drim mơ kòp mho ală phan ơn chu pơrguc mơ chu kơlhô, ơn pràng piang lă hơđang cơnòng lơh mơ màh goh, rcang gàr jơng đèng lơh mơ màh, nàng đèng gơ dê geh chu kòp mho. Bơh bol hi prap gàr ală jơnau sồr Jehôwa Yàng Tom Trồ bol hi dê, ai bol mê gen neh sang lòi Kơnràñ.

Đơs Crih 119:105

Jơnau Yàng la ồs đèng jơng añ in, La bơta àng gùng dà añ jê,

Đơs Crih 119:130

Tòm tŭ bơto sồr jơnau Yàng dê gen gơ pơnđàng sòl, Gơ ai bơta git wă cau ò hoan git in.

Lik Ejiptơ 39:37

jơng đèng mơ màh ngan bal mơ dô sèng ală đèng gơ dê mơ jơh ală phan ngui bal mơ gơ, mơ mơñà chu đèng;

Lik Ejiptơ 40:24

Khai ơn jơng đèng tòm Sàl Tòm Mat, di đah đơm Hìu Ing Duh Khoai, tòm toh mat mơ cơnòng,

Jơnau Pơnđik 6:23

Bơh bơta sồr lam la dô nơm ồs đèng, boh lam la bơta àng, mơ bơta lah pơrhơng bơto tơngkah la gùng bơta kis dê.

Esai 11:2

Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Lebi 24:1

Yàng Jehôwa đơs mơ Môise lah:

Lebi 24:3

Arôn rơp ơn ồs đèng hơ̆ tòm Sàl Tòm Mat đah bơdìh bài kơrnìng cang Đài Bơta Ho Bal, mơ lòi gơ hìt sùm di đap Yàng Jehôwa bơh trồ mho jơl tus àng drim. Hơ̆ rơp la dô bơta sồr lam gam sùm sùm ală rài in.

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Luka 12:35

“But bol mê pal kơt tĕ, đèng bol mê pal chu tĕ.

Jang 1:4

Tòm Kơnràñ gơs bơta kis, bơta kis la bơta àng kòn mơnus in.

Jang 1:9

Hơ̆ la bơta àng ngan, neh tus tòm dunnia nàng pơnđàng tơl nă cau in.

Jang 5:35

Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.