Lebi 23:3 - Sră Goh 2018

³ Gơs prau ngai nàng bol mê lơh broă, mơya ngai poh la dô ngai Saƀat nàng rlô, dô ngai pơjum sàng goh. Bol mê bañ lơh broă lơi; bulah bol mê ơm tiah lơi, hơ̆ la ngai Saƀat Yàng Jehôwa in.

Lebi 23:3 Mawu Ofanana

Lik Ejiptơ 16:23

Môise đơs mơ bol khai lah: “Do la jơnau Yàng Jehôwa neh sồr: ‘Ngai hìng rơp la ngai rlô, la ngai Saƀat sàng goh Yàng Jehôwa in, behơ̆ buh tĕ phan lơi bol mê kòñ buh, mơ gơm tĕ phan lơi bol mê kòñ gơm. Prap wơl phan gam tơngkah, lòi tĕ tus àng drim.’”

Lik Ejiptơ 16:29

Kah kơlôi tĕ lah Yàng Jehôwa neh ai bol mê in ngai Saƀat; tài behơ̆ tàng tòm ngai prau Kơnràñ ai bol mê in piang lă tơl bàr ngai. Tòm ngai poh kòp nă pal ơm tòm tiah khai dê, bañ gơs cau lơi lik bơdìh hìu.”

Lik Ejiptơ 16:30

Behơ̆ làng bol ơm rlô tòm ngai poh.

Lik Ejiptơ 23:12

Lơh tĕ broă bol mê dê tòm prau ngai, mơya tòm ngai poh gen bañ lơh broă, tồ kơnrồ mơ alàng bol mê dê geh rlô, mơ cau dĭ deh tòm hìu mê dê bal mơ cau làng bơdìh rgơi geh bơtơl pràn wơl.

Lik Ejiptơ 34:21

Tòm prau ngai mê lơh tĕ broă, mơya tòm ngai poh pal rlô; bulah tòm kơnhai lơòr hala kơnhai toès mê kung pal rlô.

Esai 56:2

Lơngai cau lơi in lơh bơta hơ̆, cau lơi đơng kơ̆ bơta hơ̆, cau lơi prap gàr ngai Saƀat, ò gơtup tìs di ngai hơ̆, mơ kơrmap gàr tê khai dê lơh bơta iơh lơi.”

Esai 56:6

Mơ ală cau làng bol bơdìh neh lơh gơs dô bă bal mơ Yàng Jehôwa nàng bol khai duh broă Kơnràñ, nàng kòñ gơboh di sơnđan Kơnràñ, mơ nàng lơh gơs dĭ gơna Kơnràñ dê, jơh ală cau prap gàr ngai Saƀat mơ ò lơh gơtup tìs di ngai hơ̆, mơ prap kơ̆ bơta ho bal Añ jê;

Esai 58:13

Dilah bol mê prap gàr jơng bol mê dê nàng ò lơh tìs ngai Saƀat, bơh ting jat nùs bol mê kòñ tòm ngai sàng goh Añ jê; dilah bol mê sơnđan ngai Saƀat la ngai bol mê niam nùs, mơ ngai sàng goh Yàng Jehôwa dê la pal ki ngàm; mơ dilah mê ki ngàm di ngai hơ̆ mơ ò lòt tòm gùng is bol mê dê, mơ ò lơh jat nùs bol mê kòñ, hala đơs ală jơnau ò kwơ;

Lebi 19:3

Kòp nă bol mê pal ki ngàm di mè bèp he dê, mơ bol mê pal prap gàr ngai Saƀat Añ jê. Añ la Jehôwa Yàng Tom Trồ bol mê dê.

Luka 13:14

Tài bơh Yàng Jesu neh sơmbòi tòm ngai Saƀat, gen cau dong gàr hìu jum gơjrañ, đơs mơ làng bol lah: “Gơs prau ngai cau pal lơh broă; behơ̆ tus tĕ tòm ală ngai hơ̆ nàng geh sơmbòi, bañ tus tòm ngai Saƀat.”

Luka 23:56

Gen rê wơl, rcang ală sơnơm ƀô mơ mơñà ƀô bơlhu. Di di ngai Saƀat bol khai ơm rlô jat be bơta sồr lam.

Broă 15:21

Bơh rài yau bơta boh lam Môise dê neh geh sền tòm ală hìu jum cau Juda dê, kòp ngai Saƀat mơ jơnau Kơnràñ dê geh bơto yal tòm kòp nơm ƀòn dờng.”

Yal Tơlik 1:10

Tòm ngai Yàng dê añ gơs Yàng Hwềng lơh rngoh rngac, mơ añ kơno bơh tơnơ̆ añ gơs jơnau ntas dờng be kơlwòk lah: