Lebi 22:4 - Sră Goh 2018

⁴ Dilah dô nă kòn sau Arôn gơs toh sa rì tòm gơltau hala gơs ală bơta hòr lik bơh di să jan gen khai ò rgơi sa ală phan ơn sàng goh jơl tus di tŭ khai geh goh. Khai kung rơp kòl ò goh dilah khai ƀư di phan lơi neh ò goh tài bơh dô nơm ƀồc chơt hala tài bơh dô nă cau lơi gơlik kung be tòm tŭ bic mơ cau ùr,

Lebi 22:4 Mawu Ofanana

Lebi 11:39

Dilah dô nơm phan poan jơng lơi mơ bol mê geh gơnoar sa poac gơ mơ gơ neh chơt gen cau lơi ƀư di phan chơt hơ̆ rơp gơlik gơs ò goh jơl tus di trồ mho.

Lebi 15:17

Dilah gơđềt di ồi ào hala phan mơ gơltau lơi gen phan hơ̆ pal pìh mơ dà, mơ phan hơ̆ gơlik ò goh jơl tus trồ mho.

Lebi 2:10

Pơnah gam wơl phan ơn mơ kòi mbo dê gơrê bal mơ Arôn mơ ală kòn klau khai dê, hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 2:3

Pơnah gam wơl bơh phan ơn mơ kòi mbo hơ̆ gơrê bal mơ Arôn mơ ală kòn klau khai dê; hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 21:1

Yàng Jehôwa đơs mơ Môise lah: “Yal tĕ mơ ală cau gơnoar ơn phan duh khoai la ală kòn klau Arôn dê mơ đơs mơ bol khai lah: ‘Dô nă cau gơnoar ơn phan duh khoai ò di lơh să tòm khai in gơlik ƀơ̆ ƀơl, bơh dô nă cau chơt tòm gơp bơtiàn khai dê,

Lebi 21:22

Khai rgơi sa phan sa sàng goh rlau jơh Yàng Tom Trồ khai dê, kung rgơi sa phan sa sàng goh;

Sră Age 2:13

Age đơs lah: “Dilah gơs dô nă cau neh kòl ƀơ̆ ƀơl bơh ƀư di ƀồc chơt mơ tup di dô nơm tòm ală phan hơ̆, gen phan hơ̆ gơlik ƀơ̆ ƀơl sơl?” Ală cau gơnoar ơn phan duh khoai ho wơl lah: “Phan hơ̆ rơp gơlik ƀơ̆ ƀơl.”

Khà Làng Bol 18:19

Jơh ală phan sàng goh mơ ală cau Israel ơn Yàng Jehôwa in gen Añ ai mê mơ ală kòn klau kòn ùr mê in lơh gơs pơnah tòm phan òs tòmpà mê in. Hơ̆ la dô bơta ho bal mơ boh gam sùm sùm mê in mơ kòn sau mê in di đap Yàng Jehôwa.”

Khà Làng Bol 18:9

Mê rơp gơs pơnah tòm ală phan ơn duh khoai sàng goh rlau jơh ò chu pơrguc hơđang cơnòng duh khoai. Bơh di jơh ală phan ơn bol khai cèng Añ in lơh gơs phan ơn sàng goh rlau jơh, bulah phan ơn la kòi mbo hala ală phan ơn tơwài glài hala phan ơn đal git tồi glài, pơnah hơ̆ gơrê bal mơ mê mơ ală kòn klau mê dê.

Khà Làng Bol 19:20

Mơya dilah cau ò goh ò lơh goh să tòm khai dê, khai pal kong tă sang bơh di mpồl jơnum làng bol dê, tài bơh khai neh lơh ƀơ̆ ƀơl tiah sàng goh Yàng Jehôwa dê. Dà lơh goh ò gŏ rsìh hơđang khai, mơ khai gam ò goh.