Lebi 21:6 - Sră Goh 2018

⁶ Bol khai pal gơs goh Yàng Tom Trồ bol khai in, mơ ò di lơh sơnđan Yàng Tom Trồ bol khai dê gơkòl sền òsơp.

Lebi 21:6 Mawu Ofanana

Ejra 8:28

Añ neh đơs mơ bol khai lah: “Bol mê la sàng goh Yàng Jehôwa in, bal mơ ală phan ngui la sàng goh; mơ priă mơ màh la phan jat nùs kòñ ơn Yàng Jehôwa in la Yàng Tom Trồ ồng pàng bol mê dê.

Lik Ejiptơ 19:22

Tus di ală cau gơnoar ơn phan duh khoai kung pal lơh să tòm bol khai in gơs sàng goh tòm tŭ tus rềp mơ Yàng Jehôwa, ò behơ̆ gen Yàng Jehôwa kung rơp tòmdră mơ bol khai.”

Lik Ejiptơ 28:36

Lơh tĕ dô pet màh ngan, mơ pac hơđang gơ kung be cau pac ƀang kì lah: “SÀNG GOH YÀNG JEHÔWA IN.”

Lik Ejiptơ 29:44

Behơ̆ Añ rơp ơn is sàng goh Sàl Tòm Mat bal mơ cơnòng duh khoai; kung rơp ơn is sàng goh Arôn mơ ală kòn klau khai dê tai sơl, nàng bol khai lơh gơs cau gơnoar ơn phan duh khoai duh broă di đap Añ.

Esai 52:11

Cah is tĕ, cah is tĕ, lik tĕ bơh tềng hơ̆! Bañ ƀư di phan ƀơ̆ ƀơl! Lik tĕ bơh digùl hơ̆ mơ lơh tĕ să tòm bol mê gơlik sàng goh, bol mê la ală cau tui àñ ală phan ngui Yàng Jehôwa dê.

Ejekiel 44:7

Tòm bơta bơtơl làng bol bơdìh ò siat gơltau tòm nùs mơ tòm poac să, neh gơs tòm tiah sàng goh Añ jê, lơh ƀơ̆ ƀơl hìu duh khoai Añ jê tòm tŭ bol mê ơn pơdơng, phan sa Añ in, dơngi mơ mhàm. Bol mê sang lòi bơta ho bal Añ jê bal mơ jơh ală broă cù kìr bol mê dê.

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Lebi 18:21

Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Lebi 20:3

Añ rơp wèt mat tòmdră mơ cau hơ̆ mơ rơp tă sang khai bơh di làng bol khai dê; bơh bơta ai kòn sau khai dê Molok in, khai neh lơh ƀơ̆ ƀơl tiah sàng goh Añ jê mơ lơh ƀơ̆ iơh di sơnđan sàng goh Añ jê.

Lebi 21:17

“Đơs tĕ mơ Arôn lah: ‘Gan ală rài rơp tus gen bañ gơs cau lơi tòm kòn sau mê dê la cau gơs să jan ò wil tơl rgơi tus rềp nàng ơn phan sa Yàng Tom Trồ khai dê.

Lebi 21:21

Tòm kòn sau Arôn la cau gơnoar ơn phan duh khoai, ò gơs cau lơi gơs să jan ò wil tơl rgơi tus rềp nàng ơn Yàng Jehôwa in ală phan ơn chu tòm ồs. Khai gơs să jan ò wil tơl; khai ò geh tus rềp nàng ơn phan sa Yàng Tom Trồ khai dê.

Lebi 21:23

bulah behơ̆, tài bơh să jan ò wil tơl khai dê gen khai ò geh tus rềp bài kơrnìng hala tus rềp cơnòng duh khoai, mơ lơh hìu Añ jê gơlik gơs ò goh. Añ la Yàng Jehôwa, la Bơtau lơh bol khai in geh sàng goh.’”

Lebi 21:8

Sền tĕ di bol khai la sàng goh tài bơh bol khai ơn phan sa Yàng Tom Trồ bol mê dê. Sền tĕ bol khai la sàng goh, tài bơh Añ, Yàng Jehôwa, la sàng goh, mơ Añ neh lơh bol mê in gơs sàng goh.

Lebi 3:11

Cau gơnoar ơn phan duh khoai rơp chu gơ hơđang cơnòng duh khoai lơh gơs phan sa, hơ̆ la dô nơm phan ơn chu mơ ồs ơn Yàng Jehôwa in.

Khà Làng Bol 16:5

Gen khai đơs mơ Kôra mơ jơh ală cau jat khai lah: “Àng drim hìng gen Yàng Jehôwa rơp ràng tơlik ñcau la cau gơrê bal mơ Kơnràñ mơ ñcau la sàng goh, mơ Kơnràñ rơp lơh cau hơ̆ tus rềp mơ Kơnràñ. Cau mơ Yàng Jehôwa sac rwah gen Kơnràñ rơp lơh cau hơ̆ in tus rềp mơ Kơnràñ.

Khà Làng Bol 28:2

“Ai tĕ jơnau sồr do cau Israel in mơ đơs mơ bol khai lah: ‘Tòm tŭ bol mê cèng ơn Añ in phan sa lơh gơs phan ơn chu pơrguc gơs ƀô bơlhu niam nùs Añ.’

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.