Lebi 21:5 - Sră Goh 2018

⁵ Ală cau gơnoar ơn phan duh khoai ò di koah bồ bol khai dê hala koah sơnò tềp di bàr đah hala koah să jan bol khai dê.

Lebi 21:5 Mawu Ofanana

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Jeremi 16:6

“Cau dờng kung be cau dềt rơp chơt tòm lơgar do; ò geh tơp, ò gơs cau lơi ñìm bơh bol khai; cau ò còr is poac he hala siat sŏ bơh bol khai.

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Ejekiel 44:20

Bol khai ò di koah bồ hala lòi sŏ jòng, mơya bol khai pal siat niam sŏ hơđang bồ bol khai dê.

Ejekiel 5:1

Tŭ do, ơ kòn mơnus, ai tĕ dô nơm đào sồt; ngui be pềs cau siat sŏ nàng koah bồ mơ koah sơnò tềp mê dê. Lồc behơ̆ ngui phan kơr nàng kơr mơ tòmpà sŏ hơ̆.

Lebi 10:6

Gen Môise đơs mơ Arôn bal mơ ală kòn klau khai dê la Eleajar mơ Ithamar lah: “Bañ lòi sŏ bol mê dê ò kèr, mơ bañ crè ồi ào bol mê dê, rngòt bol mê rơp chơt mơ Yàng Jehôwa rơp gơjrañ di jơh mpồl làng bol mòn. Mơya jơh gơp bơtiàn bol mê dê, jơh ală hìu nhă Israel dê rgơi ñìm rac bơh ală cau mơ Yàng Jehôwa neh tơnroh tòm ồs.

Lebi 21:4

Mơya khai ò di lơh să tòm khai in gơlik gơs ò goh, be dô nă bau klau ơm digùl làng bol khai dê, behơ̆ khai lơh să tòm khai gơkòl sền òsơp.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Mice 1:16

Koah bồ tĕ mơ ñìm rac ròc, bơh ală kòn sau mơ bol mê kòñ gơboh; lơh tĕ bồ bol mê lòl kung be grơt, bol khai rơp lik lòt bơh bol mê, mơ kong kup cèng pơrdô hơ tiah ngài!

Yal Wơl 14:1

“Bol mê la kòn sau Jehôwa Yàng Tom Trồ bol mê dê. Bañ koh să tòm bol mê dê hala koah đah đap bồ bol mê dê bơh cau neh chơt,