Lebi 21:1 - Sră Goh 2018

¹ Yàng Jehôwa đơs mơ Môise lah: “Yal tĕ mơ ală cau gơnoar ơn phan duh khoai la ală kòn klau Arôn dê mơ đơs mơ bol khai lah: ‘Dô nă cau gơnoar ơn phan duh khoai ò di lơh să tòm khai in gơlik ƀơ̆ ƀơl, bơh dô nă cau chơt tòm gơp bơtiàn khai dê,

Lebi 21:1 Mawu Ofanana

Ejekiel 44:25

Bol khai ò di lơh khai in gơlik gơs ƀơ̆ ƀơl tài bơh tus rềp di dô nă cau chơt; bulah behơ̆, bơh bèp hala mè khai dê, mơ bơh kòn klau hala kòn ùr khai dê, mơ bơh oh mi hala ruh lŏ òhềt bau khai dê, gen khai rgơi gơlik ƀơ̆ ƀơl.

Sră Ôse 5:1

Ơ ală cau gơnoar ơn phan duh khoai, iat tĕ! Ơ hìu Israel, ai tĕ tồr iat! Ơ hìu nhă cau bơtau dê, ơm iat tĕ! Do la bơta cahrña gơrê mơ bol mê. Bol mê la dă pơt tòm Mispa, mơ la bơtơng dang hơđang Thabôr;

Lebi 19:28

Bañ koah să jan bol mê dê bơh cau neh chơt hala cih rùp di să jan bol mê dê. Añ la Yàng Jehôwa.

Lebi 21:11

Khai ò geh mut di tiah gơs cau chơt. Khai ò geh lơh să tòm khai in gơlik gơs ò goh, bulah bơh bèp hala mè khai dê kung behơ̆ sơl,

Malaci 2:1

Mơ tŭ do, Ơ ală cau gơnoar ơn phan duh khoai, do la gơnoar sồr bol mê in.

Malaci 2:4

Git tĕ lah Añ neh ai jơnau gơnoar sồr do bol mê in nàng lơh bơta ho bal Añ jê mơ Lebi geh kơ̆ nền, Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 19:11

Cau lơi ƀư di ƀồc chơt dô nă cau lơi ndai dê rơp kong kòp la ò goh tòm poh ngai.

Khà Làng Bol 19:14

Do la bơta boh lam pal lơh jat tòm tŭ gơs dô nă cau chơt tòm sàl ơm: Cau lơi mut tòm sàl ơm mơ cau lơi ơm tòm sàl ơm hơ̆ rơp kong kòp la ò goh tòm poh ngai,

Khà Làng Bol 19:16

Cau lơi ơm đah bơdìh mơ ƀư di dô nă cau lơi neh gơkòl sreh tơnchơt mơ đào hala dô nă cau lơi neh chơt jat bơta òs cau dê, hala cau lơi neh ƀư di dô nơm ntìng ƀồc kòn mơnus dê hala dô nơm bơtô ƀồc, gen cau hơ̆ pal kong kòp la ò goh tòm poh ngai.

Khà Làng Bol 5:2

“Sồr tĕ cau Israel pal tă tơlik bơh di sàl ơm cau lơi gơs sồt dun tòm gơltau hala gơlik bơta lơi bơh di să jan, hala ò geh goh jat bơta duh khoai tài bơh gơtup ƀồc chơt.

Khà Làng Bol 6:6

Tòm jơh dô pah tơngai khai ơn is Yàng Jehôwa in, khai ò di lòt tus rềp ƀồc chơt.