Lebi 20:8 - Sră Goh 2018

⁸ Prap gàr tĕ ală bơta sồr lam Añ jê mơ lòt jat ală bơta hơ̆. Añ la Jehôwa Yàng Tom Trồ la Bơtau lơh bol mê in gơs sàng goh.

Lebi 20:8 Mawu Ofanana

Lik Ejiptơ 31:13

“Đơs tĕ mơ làng bol Israel: ‘Bol mê pal prap gàr ală ngai Saƀat Añ jê. Bơta hơ̆ rơp la dô nơm tềl digùl Añ mơ bol mê jơl tus di ală rài tơnơ̆, nàng bol mê rơp git lah Añ la Yàng Jehôwa, la Bơtau lơh bol mê in gơlik gơs sàng goh.

Ejekiel 20:12

Añ kung neh ai bol khai in ală ngai Saƀat Añ jê be dô nơm tềl digùl Añ mơ bol khai, nàng bol khai in git lah Añ la Yàng Jehôwa neh lơh bol khai in gơlik gơs sàng goh.

Ejekiel 37:28

Gen ală làng bol rơp git Añ la Yàng Jehôwa neh lơh làng bol Israel in gơlik gơs sàng goh, tòm tŭ hìu duh khoai Añ jê rơp ơm digùl bol khai gam sùm sùm.’”

Lebi 19:19

Prap gàr tĕ ală bơta sồr lam Añ jê. Bañ lòi ală phan poan jơng jơi krơi tòmjă bal. Bañ tam bàr bơta gar sơntìl is tòm dô nơm ƀlàng sre. Bañ soh ồi ào tàñ mơ bàr bơta che brài krơi is.

Lebi 19:37

Prap gàr tĕ jơh ală bơta sồr lam mơ ală bơta boh lam Añ jê mơ lơh jat ală bơta hơ̆. Añ la Yàng Jehôwa.’”

Lebi 20:26

Bol mê pal la sàng goh Añ in, tài bơh Añ, Yàng Jehôwa, la sàng goh, mơ Añ neh cah is bol mê bơh di ală làng bol nàng bol mê gơrê is bal mơ Añ.

Lebi 21:8

Sền tĕ di bol khai la sàng goh tài bơh bol khai ơn phan sa Yàng Tom Trồ bol mê dê. Sền tĕ bol khai la sàng goh, tài bơh Añ, Yàng Jehôwa, la sàng goh, mơ Añ neh lơh bol mê in gơs sàng goh.

Lebi 22:32

Bañ lơh ƀơ̆ ƀơl sơnđan sàng goh Añ jê. Cau Israel pal đal git Añ la Bơtau sàng goh. Añ la Yàng Jehôwa,

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Mathiơ 23:17

Ơ cau bơrngơl gơla mơ jơngo! Phan lơi la màng rlau, màh hala hìu duh khoai lơh màh in gơlik gơs sàng goh taih?

Mathiơ 5:19

Behơ̆ dilah cau lơi lơh tìs dô bơta dềt rlau jơh tòm ală bơta sồr lam do mơ bơto cau lơh behơ̆, gen khai rơp geh sơnđan la dềt rlau jơh tòm lơgar đang trồ. Ai dilah cau lơi lơh jat mơ bơto sồr ală bơta sồr lam hơ̆, gen rơp geh sơnđan la dờng tòm lơgar đang trồ.

Mathiơ 7:24

“Behơ̆ cau lơi kơno ală jơnau Añ bơto do mơ lơh jat, gen kung be dô nă cau jak chài bơt hìu khai hơđang lŭ klềr.

Jang 13:17

Dilah bol mê git ală bơta do mơ lơh jat, gen geh lơngai.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

II Tesalônika 2:13

Ơ oh mi kòñ gơboh Yàng dê, bol hi pal bơh oh mi mơ ưnngài Yàng Tom Trồ sùm sùm tài bơh Yàng Tom Trồ neh sac rwah oh mi, bơh sơnròp nàng oh mi geh dong klàs tòm bơta gơlik gơs sàng goh bơh Yàng Hwềng mơ bơh bơta dòn jơnau song.

Jakơ 1:22

Lơh jat tĕ jơnau Yàng, bañ mìng iat lơm mơ pơrlồm să he.

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.