Lebi 20:3 - Sră Goh 2018

³ Añ rơp wèt mat tòmdră mơ cau hơ̆ mơ rơp tă sang khai bơh di làng bol khai dê; bơh bơta ai kòn sau khai dê Molok in, khai neh lơh ƀơ̆ ƀơl tiah sàng goh Añ jê mơ lơh ƀơ̆ iơh di sơnđan sàng goh Añ jê.

Lebi 20:3 Mawu Ofanana

Lik Ejiptơ 30:33

Dilah cau lơi lơh gơs dô bơta mơñà tòm toh kung be mơñà do, mơ dilah cau lơi bong gơ hơđang cau lơi ndai ò di la cau gơnoar ơn phan duh khoai, gen cau lơh bơta hơ̆ pal kong tă tơlik bơh digùl làng bol.’”

Ejekiel 20:39

Ai mê, ơ hìu Israel, bơh bol mê gen Jehôwa Yàng Tom Trồ đơs be do: ‘Kòp nă bol mê lòt tĕ mơ duh tĕ broă ală rùp ràk bol mê dê! Tŭ do mơ tơnơ̆ mơ hơ̆ dilah bol mê ò iat Añ; mơya sơnđan sàng goh Añ jê rơp ò gơkòl lơh ƀơ̆ ƀơl, bơh ală phan ơn mơ bơh ală rùp ràk bol mê dê.’

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Lebi 15:31

Bol mê pal kơrmap gàr cau Israel cah ngài bơh di ală bơta lơh bol khai in gơlik ò goh, tồ bol khai rơp ò chơt tòm bơta ò goh bol khai dê bơh lơh gơlik ƀơ̆ ƀơl tiah ơm sùm Añ jê digùl bol khai.

Lebi 17:10

‘Cau Israel lơi hala cau làng bơdìh lơi ơm digùl cau Israel sa mhàm lơi gen Añ rơp wèt mat tòmdră mơ cau hơ̆ la cau sa mhàm, mơ rơp tă sang khai bơh di làng bol khai dê.

Lebi 18:21

Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Lebi 20:4

Dilah làng bol tòm mpồl jơnum ñềm mat bol khai dê tòm tŭ gơs cau ai dô nă tòm ală kòn sau khai dê Molok in mơ bol khai ò tơnchơt cau hơ̆,

Lebi 21:6

Bol khai pal gơs goh Yàng Tom Trồ bol khai in, mơ ò di lơh sơnđan Yàng Tom Trồ bol khai dê gơkòl sền òsơp.

Lebi 7:20

Mơya cau lơi ò goh mơ sa poac phan ơn ring lơngai gơrê bal mơ Yàng Jehôwa, gen cau hơ̆ pal kong tơlik sang bơh di làng bol khai dê.

Lebi 7:21

Dilah gơs cau lơi ƀư di phan lơi ò goh, bulah la bơta ò goh kòn mơnus dê hala phan poan jơng ò goh, phan cù kìr iơh rmơh, lồc behơ̆ sa poac phan ơn bơta ring lơngai mơ Yàng Jehôwa, gen cau hơ̆ pal kong tơlik bơh di làng bol khai dê.”

Khà Làng Bol 19:13

Cau lơi ƀư dê dô nơm ƀồc dô nă cau lơi ndai dê mơ ò lơh goh să tòm khai gen cau hơ̆ lơh ƀơ̆ ƀơl Hìu Ing Duh Khoai Yàng Jehôwa dê. Cau hơ̆ pal kong tă tơlik bơh di Israel. Tài bơh dà lơh goh ò rsìh hơđang khai, khai pal kong kòp la ò goh, bơta ò goh khai dê gơ ơm hơđang khai.

Khà Làng Bol 19:20

Mơya dilah cau ò goh ò lơh goh să tòm khai dê, khai pal kong tă sang bơh di mpồl jơnum làng bol dê, tài bơh khai neh lơh ƀơ̆ ƀơl tiah sàng goh Yàng Jehôwa dê. Dà lơh goh ò gŏ rsìh hơđang khai, mơ khai gam ò goh.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

I Pier 3:12

Bơh mat Yàng wèt sền cau song ring, Tồr Kơnràñ kòñ iat jơnau hòi dan bol khai dê; Mơya muh mat Yàng sòdră di cau lơh iơh.”