Lebi 20:2 - Sră Goh 2018

² “Đơs tĕ mơ cau Israel lah: ‘Cau Israel hala cau làng bơdìh lơi ơm tòm Israel ai kòn lơi tòm ală kòn khai dê Molok in gen cau hơ̆ pal kong tơnchơt. Làng bol tòm lơgar pal cơm lŭ tơnchơt khai.

Lebi 20:2 Mawu Ofanana

I Ală Bơtau 11:7

Gen Salômôn bơt bơtào dô bă tiah jơnhoa Kemôs in la yàng ngkòr ngkàc cau Môap dê; mơ bơt yàng Molok la yàng ngkòr ngkàc cau Ammôn dê, hơđang mơnơm đah mattơngai lik Jerusalem dê.

II Ală Bơtau 17:17

Bol Khai cèng ală kòn ùr kòn klau chu tòm ồs nàng duh khoai rùp ràk, bol khai òs juh proh, hòi hwềng, sền dà, bol khai tac să bol khai tòm bơta lơh iơh di đap Yàng Jehôwa, nàng bơrcek Kơnràñ gơjrañ.

II Ală Bơtau 23:10

Khai kung lơh ƀơ̆ ƀơl Tôphet tòm thòng Ben Hinôm, nàng ò gơs cau lơi chu kòn klau hala kòn ùr he tòm ồs, be dô nơm phan ơn rùp ràk Molok in tai.

II Yal Yau 28:3

mơ khai chu ală phan ơn tòm thòng kòn klau Hinôm dê, mơ sang ală kòn klau khai dê tòm ồs, jat ală bơta ngkòr ngkàc be ală lơgar mơ Yàng Jehôwa neh ting bơtrơh bơh di đap làng bol Israel.

II Yal Yau 33:6

Khai ơn ală kòn klau khai dê lơh gơs phan ơn duh khoai tòm ồs tòm Thòng Ben Hinôm, juh proh, sền dà, mơ hòi lùp ală cau gru cau bơjơu. Khai lơh oă bơta iơh bơsak di đap mat Yàng Jehôwa, bơrcek Kơnràñ gơjrañ.

Đơs Crih 106:38

Bol khai lơh gơhòr mhàm cau ò gơs glài, Hơ̆ la mhàm kòn klau kòn ùr bol khai dê Mơ bol khai lơh gơs phan ơn duh khoai rùp ràk lơgar Kanaan dê, Gen tàng lơgar gơlik ƀơ̆ ƀơl bơh mhàm hơ̆.

Jeremi 32:35

Bol khai neh bơt ală tiah jơnhoa Baal in tòm thòng kòn klau Hinôm, chu kòn klau kòn ùr he tòm ồs, ơn Molok in, la bơta Añ ò tŭ lơi ai gơnoar sồr; Añ ò tŭ lơi kơlôi sơnơng lah bol khai rgơi lơh dô bơta cù kìr behơ̆ mơ lơh Juda in tìs glài.

Jeremi 7:31

Bol khai neh bơt ală tiah jơnhoa Tôphet dê, tòm thòng kòn klau Hinôm dê, nàng chu kòn klau kòn ùr he tòm ồs, hơ̆ la bơta Añ òhềt sồr, la bơta Añ òhềt kơlôi sơnơng.”

Ejekiel 20:26

Añ lơh bol khai gơlik ƀơ̆ ƀơl bơh ală phan pà bol khai dê, bol khai ơn jơh ală kòn tơnhoa lơh gơs phan ơn duh khoai, tồ Añ tơmbềng bol khai mơ bơta rngòt rngơt, nàng bol khai git Añ la Yàng Jehôwa.

Ejekiel 20:31

Tòm tŭ bol mê ơn phan ai gòi bol mê dê, ơn ală kòn klau bol mê chu tòm ồs, bol mê pơnjat lơh ƀơ̆ ƀơl să tòm bol mê dê bơh jơh ală rùp ràk bol mê dê jơl tus di ngai do. Ơ hìu Israel, Añ rơp lòi bol mê hòi lùp Añ ơ! Be Añ kis, Jehôwa Yàng Tom Trồ đơs behơ̆.

Ejekiel 23:37

bơh bol khai neh tìs glài rềs àr bơrnàn, mơ mhàm neh gơs di tê bol khai dê. Bol khai neh tìs glài rềs àr bơrnàn mơ ală rùp ràk bol khai dê; tian gơs bol khai neh ơn ală kòn bol khai dê lơh gơs phan sa bol gơ in, la ală kòn mơ bol khai neh tơnggơs Añ in.

Ejekiel 23:39

Tòm ngai mơ bol khai neh tơnchơt kòn bol khai dê lơh gơs phan ơn rùp ràk bol khai in, bol khai mut tòm tiah sàng goh Añ jê mơ lơh tiah hơ̆ in gơlik ngkòr ngkàc. Hơ̆ la bơta bol khai neh lơh tòm hìu Añ jê.

Lebi 17:13

Cau Israel lơi hala cau làng bơdìh lơi ơm digùl bol mê lòt mòc mơ geh dô nơm phan poan jơng hala dô nơm sềm rgơi sa poac gen pal lơh gơtuh jơh mhàm gơ dê mơ ai ù bồr wơl,

Lebi 17:15

Cau lơi, bulah la cau ƀòn tòm hala cau làng bơdìh, sa phan lơi neh bàn chơt rau hala gơkòl crè poac bơh ală phan poan jơng tòm brê gen cau hơ̆ pal pìh ală ồi ào khai dê mơ um tòm dà, mơ khai gơlik ò goh jat bơta sồr lam duh khoai jơl tus di trồ mho; lồc behơ̆ khai geh goh.

Lebi 17:8

Đơs tĕ mơ bol khai lah: ‘Cau Israel lơi hala cau làng bơdìh lơi kis digùl cau Israel kòñ ơn dô nơm phan ơn chu pơrguc hala dô nơm phan ơn

Lebi 18:21

Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Lebi 20:1

Yàng Jehôwa đơs mơ Môise lah:

Lebi 20:27

Dô nă cau klau hala cau ùr sền dà hala juh proh digùl bol mê gen pal kong tơnchơt. Bol mê pal cơm lŭ tơnchơt bol khai; mhàm bol khai rơp gơtuh wơl hơđang bồ să tòm bol khai dê.’”

Lebi 24:14

“Cèng tĕ cau đơs tràl sơrbil hơ̆ đah bơdìh sàl ơm. Jơh ală cau neh kơno khai đơs tràl sơrbil pal ơn tê bol khai dê hơđang bồ cau hơ̆, mơ jơh dô mpồl jơnum pal cơm lŭ tơnchơt khai.

Lebi 24:16

cau lơi đơs tràl sơrbil di Sơnđan Yàng Jehôwa gen cau hơ̆ pal kong tơnchơt. Jơh dô mpồl jơnum pal cơm lŭ tơnchơt khai. Bulah la dô nă cau làng bơdìh hala dô nă cau deh tòm lơgar, tòm tŭ khai đơs tràl sơrbil di Sơnđan Yàng Jehôwa gen khai pal kong tơnchơt.

Lebi 24:23

Gen Môise đơs mơ cau Israel, mơ bol khai cèng cau đơs tràl sơrbil hơ đah bơdìh sàl ơm mơ cơm tŭ tơnchơt khai. Cau Israel lơh jat be Yàng Jehôwa neh sồr Môise.

Broă 7:43

Bol mê tùng wơl sàl duh khoai Molok dê, Mơ sơmañ yàng Remphan dê, Hơ̆ la ală rùp ràk mơ bol mê neh lơh gơs nàng duh khoai. Tài behơ̆, Añ kung rơp cèng bol mê hơ đah ne lơgar Babilôn sơl.’

Yal Wơl 12:31

Bol mê ò di duh khoai Jehôwa Yàng Tom Trồ bol mê dê jat gùng bol khai dê, tài bơh tòm tŭ duh khoai ală yàng bol khai dê gen bol khai kung lơh jơh ală bơta cù kìr iơh rmơh mơ Yàng Jehôwa gơjrañ. Bol khai chu ală kòn klau kòn ùr bol khai dê tòm ồs lơh gơs phan ơn ală yàng bol khai in.

Yal Wơl 17:2

Dilah dô nă cau klau hala dô nă cau ùr ơm kis digùl bol mê tòm dô nơm ƀòn dờng mơ Yàng Jehôwa neh ai bol mê in gơkòl kup bơh neh lơh dô bơta iơh bơsak di đap Jehôwa Yàng Tom Trồ lơh tìs mơ bơta ho bal Kơnràñ dê,

Yal Wơl 18:10

Bañ gơs cau lơi digùl bol mê ơn kòn klau hala kòn ùr he dê tòm ồs, sền tê, sền dà

Yal Wơl 21:21

Gen jơh ală cau klau tòm ƀòn dờng khai dê rơp cơm lŭ tơnchơt khai. Bol mê pal tă sang bơta iơh bơsak bơh digùl bol mê. Jơh Israel rơp kơno bơta hơ̆ mơ rngòt.”

Yal Wơl 22:21

gen pal lam khai tus di mpồng hìu bèp khai dê mơ tềng hơ̆ ală cau klau ƀòn dờng khai dê rơp cơm lŭ tơnchơt khai. Khai neh lơh dô bơta ƀàssìl ƀàsso tòm Israel bơh neh tìs glài rềs àr tòm tŭ khai gam ơm tòm hìu bèp khai dê. Bol mê pal tă sang bơta iơh bơsak bơh digùl Israel.