Lebi 2:4 - Sră Goh 2018

⁴ Dilah bol mê cèng ơn dô nơm phan ơn mơ kòi mbo buh tòm bơnhă ồs gen gơ pal lơh gơs bơh kơmbuh phe rhền mơ lơh gơs ală piang lă ò gơs kañ bơcă bal mơ mơñà, hala ală piang lă ò gơs kañ gơs mơñà tuh hơđang gơ.

Lebi 2:4 Mawu Ofanana

Đơs Crih 22:14

Añ gơkòl tuh tơlik be dà, jơh ală ntìng añ jê gơrung bơh tiah tơrbŏ; Plai nùs añ jê be jrềng, Gơlề hòr tòm să añ.

Lik Ejiptơ 12:8

Tòm mang hơ̆ bol khai rơp sa poac buh hơđang ồs bal mơ biap bơtang mơ piang lă ò gơs kañ.

Lik Ejiptơ 16:31

Làng bol Israel sơnđan piang lă do la mana. Gơ bò be gar biap ƀô, mơ sa gơlơh be ƀañ kơmbuh phe mơ dà lơwe.

Lik Ejiptơ 29:2

Mơ ngui kơmbuh kòi mi rhền ngan lơh gơs piang lă ò gơs kañ, lơh tĕ piang lă mơ ƀañ bơcă mơ mơñà, mơ ƀañ lơho gơs mơñà bong hơđang.

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Ejekiel 46:20

Khai đơs mơ añ lah: “Do la tiah mơ ală cau gơnoar ơn phan duh khoai rơp gơm phan ơn dòp git tồi glài mơ phan ơn tơwài glài, mơ buh phan ơn mơ kòi mbo, nàng ò càng cèng tus di ƀlàng bơdìh mơ lơh làng bol in sàng goh.”

Lebi 1:11

Khai pal tơnchơt gơ di đah đang cơnòng duh khoai di đap Yàng Jehôwa, mơ ală kòn klau Arôn dê la ală cau gơnoar ơn phan duh khoai rơp rsìh mhàm gơ di jơh ală gah cơnòng duh khoai dê,

Lebi 10:12

Môise đơs mơ Arôn, Eleajar mơ Ithamar la bàr nă kòn klau gam wơl Arôn dê lah: “Ai tĕ phan ơn mơ kơmbuh phe gam tơngkah wơl bơh phan ơn duh khoai ngui ồs pơdơng Yàng Jehôwa in mơ sa tĕ ò bơcă mơ kañ rềp di cơnòng duh khoai, tài bơh la dô nơm phan sàng goh ngan.

Lebi 6:17

Ò di buh gơ bal mơ kañ; Añ neh ai bol khai in gơs pơnah tòm ală phan ơn chu tòm ồs ơn Añ in. Kung be phan ơn tơwài glài mơ phan ơn tơwài glài gơtup tìs, gơ la sàng goh rlau jơh.

Lebi 7:12

Dilah khai ơn gơ nàng yal tơlik nùs kah bơta nđàc, bal mơ phan ơn ưnngài do gen khai pal ơn ală ƀañ, piang lă ò gơs kañ bơcă bal mơ mơñà, ală piang lă mơ kơmbuh phe rhền klac bal mơ bơcă bal mơ mơñà.

Khà Làng Bol 6:15

bal mơ ală phan ơn mơ kòi mbo mơ ală phan ơn pơdơng bol khai dê, mơ dô bài piang lă ò gơs kañ, ală ƀañ lơh mơ kơmbuh phe rhền bơcă mơ mơñà, mơ ƀañ ceh mơ mơñà.

Mathiơ 26:38

Kơnràñ đơs mơ bol khai lah: “Hwềng soàn Añ moat jrùng jơl chơt; ơm tĕ tềng do mơ drơng kơp bal mơ Añ.”

Jang 12:27

“Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus.

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

I Pier 2:22

“Kơnràñ ò tìs glài, Tòm bơr Kơnràñ ò gơs bơta lac lèo.”