Lebi 2:3 - Sră Goh 2018

³ Pơnah gam wơl bơh phan ơn mơ kòi mbo hơ̆ gơrê bal mơ Arôn mơ ală kòn klau khai dê; hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 2:3 Mawu Ofanana

Ejra 2:63

Cau kwang at bồ kơnhwàl đơs mơ bol khai la bañ sa phan lơi tòm ală phan sàng goh rlau jơh, jơl tus di tŭ pal gơs dô nă cau gơnoar ơn phan duh khoai hòi lùp Urim mơ Thumim.

Lik Ejiptơ 29:37

Tòm poh ngai tơwài glài tĕ cơnòng duh khoai in mơ ơn is gơ in gơlik gơs sàng goh. Gen cơnòng duh khoai rơp gơlik gơs sàng goh rlau jơh, mơ phan lơi tup di cơnòng duh khoai gen rơp gơlik sàng goh.

Ejekiel 44:29

Bol khai rơp sa ală phan ơn mơ kòi mbo, ală phan ơn tơwài bơta gơtup tìs mơ ală phan ơn tơwài glài, mơ jơh ală phan mơ cau Israel kòñ ơn Yàng Jehôwa in rơp gơrê bal mơ bol khai.

Ejekiel 46:20

Khai đơs mơ añ lah: “Do la tiah mơ ală cau gơnoar ơn phan duh khoai rơp gơm phan ơn dòp git tồi glài mơ phan ơn tơwài glài, mơ buh phan ơn mơ kòi mbo, nàng ò càng cèng tus di ƀlàng bơdìh mơ lơh làng bol in sàng goh.”

Lebi 10:15

Bơnô neh ơn mơ ntơh neh tơyài pal geh cèng tus bal mơ ală pơnah dơngi ală phan ơn chu tòm ồs dê, nàng tơyài di đap Yàng Jehôwa lơh gơs phan ơn tơyài. Hơ̆ rơp la pơnah òs ai mê in mơ ală kòn sau mê in jat be Yàng Jehôwa neh sồr.”

Lebi 14:13

Khai pal hàl tơnchơt belàt kòn tòm tiah sàng goh la tiah hàl tơnchơt phan ơn tơwài glài mơ phan ơn chu pơrguc. Kung be phan ơn tơwài glài, phan ơn tơwài glài bơta gơtup tìs gơrê hơ cau gơnoar ơn phan duh khoai; gơ la sàng goh rlau jơh.

Lebi 2:10

Pơnah gam wơl phan ơn mơ kòi mbo dê gơrê bal mơ Arôn mơ ală kòn klau khai dê, hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 21:22

Khai rgơi sa phan sa sàng goh rlau jơh Yàng Tom Trồ khai dê, kung rgơi sa phan sa sàng goh;

Lebi 5:13

Lơh behơ̆ gen cau gơnoar ơn phan duh khoai rơp lơh gơs bơta tơwài glài cau hơ̆ in bơh ală bơta tồi glài mơ khai neh tìs, mơ khai rơp geh toh glài. Pơnah gam wơl phan ơn duh khoai dê rơp gơrê bal mơ cau gơnoar ơn phan duh khoai, kung be tòm phan ơn duh khoai mơ kòi mbo.”

Lebi 6:26

Cau gơnoar ơn phan duh khoai ơn phan hơ̆ pal sa gơ; pal sa phan ơn do tòm dô bă tiah sàng goh, tòm ƀlàng jơng gùng Sàl Tòm Mat dê.

Lebi 6:9

“Ai tĕ Arôn mơ ală kòn klau khai in jơnau sồr do: Do la ală sơnoa rnoas bơh phan ơn chu pơrguc: Phan ơn chu pơrguc pal lòi gơ ơm hơđang cơnòng duh khoai mang àng, jơl tus àng drim, mơ ồs pal sa hơng sùm hơđang cơnòng duh khoai.

Lebi 7:7

Bơta boh lam do pal lơh jat gơwèt hơ phan ơn tơwài glài kung be glài gơtup gơtơl: Ală phan ơn gơrê bal mơ cau gơnoar ơn phan duh khoai neh ngui nàng lơh gơs bơta tơwài glài.

Lebi 7:9

Kòp nơm phan ơn mơ kòi mbo neh buh tòm bơnhă ồs hala neh gơm tòm dô nơm glah hala tòm dô nơm chàng gơrê bal mơ cau gơnoar ơn phan duh khoai neh ơn phan hơ̆,

Khà Làng Bol 18:9

Mê rơp gơs pơnah tòm ală phan ơn duh khoai sàng goh rlau jơh ò chu pơrguc hơđang cơnòng duh khoai. Bơh di jơh ală phan ơn bol khai cèng Añ in lơh gơs phan ơn sàng goh rlau jơh, bulah phan ơn la kòi mbo hala ală phan ơn tơwài glài hala phan ơn đal git tồi glài, pơnah hơ̆ gơrê bal mơ mê mơ ală kòn klau mê dê.

I Samuel 2:28

Añ neh sac rwah ồng pàng mê dê bơh digùl jơh ală jơi bơtiàn Israel dê nàng lơh gơs cau gơnoar ơn phan duh khoai Añ jê, nàng guh hơ cơnòng duh khoai Añ jê, nàng chu kơlhô, mơ nàng soh dô nơm ephot di đap mat Añ. Añ kung neh ai hìu ồng pàng mê in jơh ală phan ơn duh khoai chu pơrguc bơh di làng bol Israel.