Lebi 2:10 - Sră Goh 2018

¹⁰ Pơnah gam wơl phan ơn mơ kòi mbo dê gơrê bal mơ Arôn mơ ală kòn klau khai dê, hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 2:10 Mawu Ofanana

II Yal Yau 31:14

Kôre kòn klau Imma cau Lebi, la cau kơp gàr Mpồng Dờng đah mattơngai lik, gơs broă tòm sền gàr ală phan jat nùs cau kòñ ơn Yàng Tom Trồ in, tòmpà ală phan neh ơn Yàng Jehôwa in bal mơ ală phan ơn is sàng goh rlau jơh.

Ejra 2:63

Cau kwang at bồ kơnhwàl đơs mơ bol khai la bañ sa phan lơi tòm ală phan sàng goh rlau jơh, jơl tus di tŭ pal gơs dô nă cau gơnoar ơn phan duh khoai hòi lùp Urim mơ Thumim.

Ejekiel 44:29

Bol khai rơp sa ală phan ơn mơ kòi mbo, ală phan ơn tơwài bơta gơtup tìs mơ ală phan ơn tơwài glài, mơ jơh ală phan mơ cau Israel kòñ ơn Yàng Jehôwa in rơp gơrê bal mơ bol khai.

Ejekiel 46:20

Khai đơs mơ añ lah: “Do la tiah mơ ală cau gơnoar ơn phan duh khoai rơp gơm phan ơn dòp git tồi glài mơ phan ơn tơwài glài, mơ buh phan ơn mơ kòi mbo, nàng ò càng cèng tus di ƀlàng bơdìh mơ lơh làng bol in sàng goh.”

Lebi 10:12

Môise đơs mơ Arôn, Eleajar mơ Ithamar la bàr nă kòn klau gam wơl Arôn dê lah: “Ai tĕ phan ơn mơ kơmbuh phe gam tơngkah wơl bơh phan ơn duh khoai ngui ồs pơdơng Yàng Jehôwa in mơ sa tĕ ò bơcă mơ kañ rềp di cơnòng duh khoai, tài bơh la dô nơm phan sàng goh ngan.

Lebi 14:13

Khai pal hàl tơnchơt belàt kòn tòm tiah sàng goh la tiah hàl tơnchơt phan ơn tơwài glài mơ phan ơn chu pơrguc. Kung be phan ơn tơwài glài, phan ơn tơwài glài bơta gơtup tìs gơrê hơ cau gơnoar ơn phan duh khoai; gơ la sàng goh rlau jơh.

Lebi 2:3

Pơnah gam wơl bơh phan ơn mơ kòi mbo hơ̆ gơrê bal mơ Arôn mơ ală kòn klau khai dê; hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 21:22

Khai rgơi sa phan sa sàng goh rlau jơh Yàng Tom Trồ khai dê, kung rgơi sa phan sa sàng goh;

Lebi 5:13

Lơh behơ̆ gen cau gơnoar ơn phan duh khoai rơp lơh gơs bơta tơwài glài cau hơ̆ in bơh ală bơta tồi glài mơ khai neh tìs, mơ khai rơp geh toh glài. Pơnah gam wơl phan ơn duh khoai dê rơp gơrê bal mơ cau gơnoar ơn phan duh khoai, kung be tòm phan ơn duh khoai mơ kòi mbo.”

Lebi 6:16

Arôn mơ ală kòn klau khai dê rơp sa pơnah gam wơl bơh phan ơn hơ̆, mơya pal sa ò gơs kañ di dô bă tiah sàng goh, bol khai pal sa gơ di ƀlàng jơng gùng Sàl Tòm Mat dê.

Lebi 6:23

Kòp nơm phan ơn mơ kòi mbo cau gơnoar ơn phan duh khoai dê pal chu pơrguc jơh; ò di sa gơ.”

Lebi 6:9

“Ai tĕ Arôn mơ ală kòn klau khai in jơnau sồr do: Do la ală sơnoa rnoas bơh phan ơn chu pơrguc: Phan ơn chu pơrguc pal lòi gơ ơm hơđang cơnòng duh khoai mang àng, jơl tus àng drim, mơ ồs pal sa hơng sùm hơđang cơnòng duh khoai.

Lebi 7:7

Bơta boh lam do pal lơh jat gơwèt hơ phan ơn tơwài glài kung be glài gơtup gơtơl: Ală phan ơn gơrê bal mơ cau gơnoar ơn phan duh khoai neh ngui nàng lơh gơs bơta tơwài glài.

Khà Làng Bol 18:9

Mê rơp gơs pơnah tòm ală phan ơn duh khoai sàng goh rlau jơh ò chu pơrguc hơđang cơnòng duh khoai. Bơh di jơh ală phan ơn bol khai cèng Añ in lơh gơs phan ơn sàng goh rlau jơh, bulah phan ơn la kòi mbo hala ală phan ơn tơwài glài hala phan ơn đal git tồi glài, pơnah hơ̆ gơrê bal mơ mê mơ ală kòn klau mê dê.

I Samuel 2:28

Añ neh sac rwah ồng pàng mê dê bơh digùl jơh ală jơi bơtiàn Israel dê nàng lơh gơs cau gơnoar ơn phan duh khoai Añ jê, nàng guh hơ cơnòng duh khoai Añ jê, nàng chu kơlhô, mơ nàng soh dô nơm ephot di đap mat Añ. Añ kung neh ai hìu ồng pàng mê in jơh ală phan ơn duh khoai chu pơrguc bơh di làng bol Israel.