Lebi 19:14 - Sră Goh 2018

¹⁴ Bañ srat rma cau tĭ hala ơn dô nơm phan gơtup jơng di đap cau jơngo, mơya rngòt tĕ di Yàng Tom Trồ bol mê dê. Añ la Yàng Jehôwa.

Lebi 19:14 Mawu Ofanana

Sơnròp Gơlik Gơs 42:18

Tus ngai dơ̆ pe, Jôsep đơs mơ bol khai lah: “Añ rngòt di Yàng Tom Trồ, lơh tĕ be bơta do gen geh kis.

Nehemi 5:15

Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Đơs Crih 111:10

Bơta duh rngòt di Yàng Jehôwa la tòm ryas bơta jak chài dê; Cau lơi lơh jat bơta hơ̆ gen geh bơta git jak. Bơta jòng ro Kơnràñ dê gam sùm sùm!

Lebi 19:15

Bañ lơh rkwet rkwe bơta song ring; bañ bơklơn cau rƀah lơòi hala dong tò cau pas sơm, mơya cahrña tĕ song ring cau gơp ƀòn mê in.

Lebi 19:32

Ñă ntào tĕ di đap mat cau jòng sơnam, ki ngàm tĕ di ală cau kra mơ duh rngòt tĕ di Yàng Tom Trồ. Añ la Yàng Jehôwa.

Lebi 25:17

Bañ sa kơrlơm bơh di oh mi he mơya rngòt tĕ di Yàng Tom Trồ. Añ la Jehôwa Yàng Tom Trồ bol mê dê.

Rôma 12:14

Ai tĕ bơta lơngai cau in kup kơryan di oh mi; ai tĕ bơta lơngai, bañ srat rma.

Rôma 14:13

Behơ̆, bañ cahrña ndring gơp he tai, mơya chan lơh nền bañ gơs cau lơi lơh gơtup pừ hala kai gơtup tìs oh mi he in.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

Yal Wơl 27:18

‘Pal srat sơntơm cau lơi tề lam cau jơngo mat lòt tìs gùng.’ Gen jơh làng bol rơp đơs lah: ‘Amen!’

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

I Pier 2:17

Sền màng ryŭ tĕ di jơh ală cau, kòñ gơboh tĕ di ală oh mi, duh rngòt tĕ di Yàng Tom Trồ, dòn duh tĕ cau bơtau.

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.