Lebi 19:10 - Sră Goh 2018

¹⁰ Bañ lòt wơl dơ̆ bàr tòm suơn ño bol mê dê nàng dòñ ală plai ño neh rung tòm ù. Lòi tĕ ală plai hơ̆ cau rƀah lơòi mơ ală cau làng bơdìh in. Añ la Jehôwa Yàng Tom Trồ bol mê dê.

Lebi 19:10 Mawu Ofanana

Esai 17:6

Bulah behơ̆ dô pơnah kòi rơp gam wơl òhềt dòñ, kung be chi ôlibe tòm tŭ cau pù ntê gơ nàng ai plai, gam wơl bàr pe nai hơđang ntê jơnhoa ngan, mơ poan hala pram nai hơđang ntê oă plai.” Jehôwa Yàng Tom Trồ Israel dê đơs behơ̆.

Esai 24:13

Ală bơta hơ̆ rơp gơlik gơs hơđang plai ù, mơ digùl ală lơgar, be tòm tŭ cau pù chi ôlibe nàng ai plai, be tòm tŭ cau dòñ plai ño tơnơ̆ mơ kơnhai pic plai.

Jeremi 49:9

Ală cau pic plai ño tus hơ mê, Ngan ò lòi wơl dô êt ơ? Dilah cau kơñau tòm trồ mang Ngan ò di mìng kơñau tơl pơnah bol khai kòñ ơ?

Lebi 11:44

Añ la Jehôwa Yàng Tom Trồ bol mê dê; ơn is tĕ sàng goh să tòm bol mê dê mơ gơlik gơs tĕ sàng goh, tài bơh Añ la sàng goh. Bañ lơh să tòm bol mê in gơlik gơs ò goh tài bơh dô nơm phan neh geh crơng gơs lơi wìn hơđang ù.

Lebi 19:11

Bañ ntung kơñau. Bañ đơs blac. Bañ pơrlồm bal mơ gơp.

Lebi 19:25

Mơya tòm nam dơ̆ pram bol mê rgơi sa plai gơ dê. Lơh behơ̆ gen plai đo bol mê dê rơp geh gơbơtơl oă. Añ la Jehôwa Yàng Tom Trồ bol mê dê.

Lebi 19:9

Tòm tŭ bol mê toès kòi tòm lơgar bol mê dê gen bañ toès tus di ală nhàr ƀlàng sre bol mê dê, hala dòñ wơl ală sơnyùr kòi neh rung tòm tŭ toès.

Lebi 23:22

Tòm tŭ bol mê toès kòi tòm lơgar bol mê dê, gen bañ toès tus di ală nhàr ƀlàng sre bol mê dê hala dòñ ală sơnyùr kòi rung kơnhai toès bol mê dê. Lòi tĕ ală sơnyùr kòi hơ̆ ală cau rƀah lơòi mơ ală cau làng bơdìh in. Añ la Jehôwa Yàng Tom Trồ bol mê dê.’”

Lebi 25:6

Phan lơi ù tiah tơnggơs tòm nam Saƀat rơp la phan sa bol mê in, hơ̆ la să tòm bol mê dê, cau klau duh broă mơ cau ùr duh broă bol mê dê, cau ơpah lơh broă mơ cau ơm ing digùl bol mê,

Apdia 1:5

Dilah cau ntung kơñau neh tus hơ mê tòm trồ mang, bol khai mìng tòmpìt ală phan bol khai kòñ. Dilah ală cau pic plai ño tus, bol khai kung lòi wơl dô êt. Mơya tŭ cau sò tơm mê dê tus bol mê rơp kong tơnroh jơh.

Mice 7:1

Bòl glar añ in! Bơh añ be dô nă cau dòñ plai tơnơ̆ mơ kơnhai prang, tơnơ̆ mơ tŭ cau neh pic plai ño neh dòñ plai ño; ò gơs dô dơrkum lơi nàng sa, plai ƀal bồ sơnam mơ hwềng nùs añ kơp kòñ kung ò geh.

Yal Wơl 24:19

Tòm tŭ bol mê ơm toès kòi tòm ƀlàng sre bol mê dê mơ bol mê lòi hŭi dô cap kòi gen bañ rê wơl nàng ai cap kòi hơ̆. Lòi tĕ gơ cau làng bol bơdìh, cau kòn đòi mơ cau ùr bơnrau in, tồ Jehôwa Yàng Tom Trồ bol mê dê rgơi ai lơngai bol mê in tòm jơh ală broă tê bol mê lơh.

Yal Wơl 24:20

Tòm tŭ bol mê pòng ală tòm chi Ôlibe nàng ai plai gơ gen bañ pòng dơ̆ bàr di ală ntê neh pòng rau. Lòi tĕ plai gam wơl ală cau làng bol bơdìh, cau kòn đòi mơ cau ùr bơnrau in.

Yal Wơl 24:21

Tòm tŭ bol mê pic plai ño tòm suơn ño bol mê dê, bañ rê wơl nàng pic dơ̆ bàr. Lòi tĕ ală plai gam wơl cau làng bol bơdìh, cau kòn đòi mơ cau ùr bơnrau in.

Ală Kwang Cahrña 8:2

Mơya Gideôn ho bol khai lah: “Ñchi bơta añ neh lơh tồ rgơi pơndròm mơ ală oh mi taih? Bơta dòñ plai ño Epraim dê ò di la lin rlau mơ kơnhai pic plai ño Abiejrit dê ò ơ?

Rutơ 2:2

Rutơ cau Môap đơs mơ Naômi lah: “Dan ai añ in lòt tòm sre nàng dòñ ală sơnyùr kòi, bơh ngkòi cau lơi gơs nùs nđàc di añ.” Naômi đơs mơ khai lah: “Lòt tĕ! Ơ kòn ùr añ jê.”