Lebi 17:6 - Sră Goh 2018

⁶ Cau gơnoar ơn phan duh khoai pal rsìh mhàm hơđang cơnòng duh khoai di tiah mut Sàl Tòm Mat dê, mơ chu dơngi gơs ƀô bơlhu niam nùs Yàng Jehôwa.

Lebi 17:6 Mawu Ofanana

Lik Ejiptơ 29:13

Lồc behơ̆, ai tĕ jơh ală dơngi gòm gùt dar pròc klung, dơngi gòm gùt dar klòm, bàr nơm plai leh mơ dơngi hơđang gơ, mơ chu jơh hơđang cơnòng duh khoai.

Lik Ejiptơ 29:18

Gen chu tĕ jơh hir dô nơm belàt dam hơđang cơnòng duh khoai. Hơ̆ la dô nơm phan ơn chu pơrguc, gơs ƀô bơkah ơn Yàng Jehôwa in.

Ejekiel 44:15

“Mơya ală cau gơnoar ơn phan duh khoai gơrê bal mơ cau Lebi jơi bơtiàn Jadôk dê, la cau dòn song duh broă tòm tiah sàng goh Añ jê, tòm tŭ làng bol Israel lòt tìs nrah bơh di Añ, rơp tus rềp dê Añ nàng duh broă di đap Añ; bol khai rgơi ntào di đap Añ nàng ơn phan ơn gơs dơngi mơ mhàm, Jehôwa Yàng Tom Trồ đơs behơ̆.

Lebi 17:5

Lơh behơ̆ nàng ală cau Israel rơp cèng ơn Yàng Jehôwa in ală phan ơn mơ tŭ do bol khai ơn tòm ală ƀlàng sre. Bol khai pal cèng ală phan ơn hơ̆ tus hơ cau gơnoar ơn phan duh khoai, hơ̆ la tus hơ Yàng Jehôwa, di tiah mut Sàl Tòm Mat dê mơ ơn bol gơlơh gơs ală phan ơn bơta ring lơngai dê.

Lebi 3:11

Cau gơnoar ơn phan duh khoai rơp chu gơ hơđang cơnòng duh khoai lơh gơs phan sa, hơ̆ la dô nơm phan ơn chu mơ ồs ơn Yàng Jehôwa in.

Lebi 3:13

Khai pal ơn tê khai hơđang bồ gơ dê mơ tơnchơt gơ di đap Sàl Tòm Mat. Gen ală kòn klau Arôn dê rơp rsìh mhàm gơ di cơnòng duh khoai hơđang ală đah.

Lebi 3:16

Cau gơnoar ơn phan duh khoai rơp chu ală phan hơ̆ hơđang cơnòng duh khoai lơh gơs phan sa, hơ̆ la dô nơm phan ơn chu tòm ồs, gơs ƀô bơlhu. Jơh ală dơngi gơrê mơ Yàng Jehôwa.

Lebi 3:2

Khai rơp ơn tê khai dê hơđang bồ phan ơn khai dê mơ tơnchơt gơ di tiah mut Sàl Tòm Mat. Gen ală kòn klau Arôn dê la ală cau gơnoar ơn phan duh khoai rơp rsìh mhàm hơđang cơnòng duh khoai di ală đah.

Lebi 3:5

Gen ală kòn klau Arôn dê rơp chu gơ hơđang cơnòng duh khoai hơđang phan ơn chu pơrguc ơn hơđang lòng ồs sa, lơh gơs dô nơm phan ơn chu mơ ồs, gơs ƀô bơlhu niam nùs Yàng Jehôwa.

Lebi 3:8

Khai pal ơn tê khai dê hơđang bồ phan ơn hơ̆ mơ tơnchơt gơ di đap Sàl Tòm Mat. Gen ală kòn klau Arôn dê rsìh mhàm gơ di cơnòng duh khoai hơđang kòp đah.

Lebi 4:31

Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Khà Làng Bol 18:17

Mơya mê bañ tơwài wơl kơnrồ kòn deh sơnròp, belàt hala be, bol gơ la phan goh. Rsìh tĕ mhàm gơ hơđang cơnòng ơn phan duh khoai mơ chu dơngi bol gơlơh gơs dô nơm phan ơn duh khoai chu pơrguc, gơs ƀô bơlhu niam nùs Yàng Jehôwa.