Lebi 16:4 - Sră Goh 2018

⁴ Khai pal soh ào jrùh mơ brài che dơmài neh ơn is sàng goh, soh srồmpha liah đah dơlam mơ che dơmài; khai pal kơt che but mơ brài che dơmài gùt dar wĕ khai mơ kơt bồ mơ bài che dơmài. Hơ̆ la ală ồi ào ơn is sàng goh; behơ̆ khai pal um să khai mơ dà lài mơ tŭ khai soh ală ồi ào hơ̆.

Lebi 16:4 Mawu Ofanana

Lik Ejiptơ 28:2

Jing tĕ ală ồi ào ơn is sàng goh Arôn in nàng khai in geh di pal mơ geh ki ngàm

Lik Ejiptơ 29:4

Cèng tĕ Arôn mơ ală kòn klau khai dê tus di mpồng mut Sàl Tòm Mat mơ ai dà tơnum bol khai.

Lik Ejiptơ 30:20

Tŭ lơi bol khai mut tòm Sàl Tòm Mat, bol khai rơp rào goh mơ dà tồ bol khai in klàs chơt. Bol khai kung rơp lơh behơ̆ sơl tŭ lơi bol khai tus rềp di cơnòng ơn phan duh khoai nàng duh broă, hơ̆ la ơn phan ơn chu mơ ồs Yàng Jehôwa in.

Lik Ejiptơ 40:12

Cèng tĕ Arôn mơ ală kòn klau khai dê tus di mpồng mut Sàl Tòm Mat dê mơ ai dà rào goh bol khai.

Esai 53:2

Bơh Khai neh brồ dờng di đap Yàng Jehôwa kung be dô nơm sơmbut, mơ kung be dô nơm ryas gơcat bơh di ù rañ rsơh. Kơnràñ ò gơs rùp să hàng mơnĕ hala ryŭ ryơm tồ bol he sền di Kơnràñ, ò gơs bơta lơi tòm rùp să Kơnràñ lơh bol he in gơboh gơbài di Kơnràñ.

Ejekiel 44:19

Tòm tŭ bol khai lik di ƀlàng bơdìh la tiah gơs mat làng bol, bol khai pal hồ ồi ào mơ bol khai neh soh tòm tŭ duh broă tòm dơlam mơ lòi bol gơtòm ală ơdŭ ơn is sàng goh, mơ bol khai soh ală ồi ào ndai, tồ bol khai ò lơh làng bol in gơs sàng goh tài bơh ală ồi ào bol khai dê.

Ejekiel 9:2

Mơ gơs prau nă tus bơh mpồng dờng đah đang, kòp nă at phan tòmlơh tòm tê. Tòm bol khai gơs dô nă cau soh ào che dơmài, di ngkòi àñ ding gai cih, bol khai mut mơ ntào di gah cơnòng duh khoai mơ kòng.

Lebi 16:23

Lồc behơ̆ Arôn pal mut tòm Sàl Tòm Mat mơ hồ ală ồi ào mơ bài che dơmài mơ khai neh soh lài mơ tŭ mut tòm Tiah Sàng Goh Ngan, mơ khai pal lòi gơtòm hơ̆.

Lebi 16:24

Khai pal um dà să tòm khai tòm dô bă tiah sàng goh mơ soh ală ồi ào òs soh khai dê. Gen khai pal lik bơh hơ̆ mơ ơn phan ơn chu pơrguc să tòm khai in mơ phan ơn chu pơrguc làng bol in, nàng lơh bơta tơwài glài să tòm khai in mơ làng bol in.

Lebi 16:32

Cau gơnoar ơn phan duh khoai la cau neh geh bong mơñà mơ pồ bơtào nàng pơrdòn gơnoar broă bèp khai dê lơh gơs cau gơnoar dờng ơn phan duh khoai, cau hơ̆ pal lơh bơta tơwài glài. Khai pal soh ală ồi ào ơn is sàng goh.

Lebi 6:10

Gen cau gơnoar ơn phan duh khoai rơp soh ồi ào mơ brài che dơmài khai dê, gơs ồi ào dơlam mơ brài che dơmài di să khai, mơ rơp chŏ bùh phan ơn chu pơrguc mơ ồs neh sa hơđang cơnòng duh khoai mơ ơn gơ di gah cơnòng duh khoai.

Lebi 6:3

hala khai bàn phan mơna cau neh lơh roh mơ đơs blac bơh phan hơ̆, hala dilah khai srat să ma blac; dilah khai lơh tìs bơta lơi tòm ală bơta behơ̆,

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Philip 2:7

Kơnràñ neh sang lòi is să he, ai rùp să be cau dĭ gơna, mơ gơlik gơs be kòn mơnus.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.