Lebi 16:10 - Sră Goh 2018

¹⁰ Mơya be neh tă khà lơh gơs be àñ glài rơp geh cèng tus gam kis di đap Yàng Jehôwa nàng lơh gơs bơta tơwài glài bơh tơngklàs gơtòm ƀlàng ngềt ngơt lơh gơs be àñ glài.

Lebi 16:10 Mawu Ofanana

Lebi 14:7

Khai rơp rsìh poh dơ̆ hơđang cau geh goh bơh di bơta sồt dun hơ̆ mơ yal tơlik lah khai geh goh. Lồc behơ̆ khai pal tơngklàs sềm gam kis tòm ƀlàng sre.

Lebi 16:8

Arôn rơp tă khà sac rwah digùl bàr nơm be, dô khà gơrê mơ Yàng Jehôwa, dô khà ne gơrê mơ Ajajel.

Lebi 16:9

Arôn pal ai be neh tă khà gơrê hơ Yàng Jehôwa mơ ơn gơlơh gơs phan ơn tơwài glài.

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

Rôma 4:25

Kơnràñ neh kòl bơtào nàng kong chơt bơh tồi glài bol he dê, mơ kis wơl nàng bol he in geh kòp la song ring mơ Yàng Tom Trồ.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

I Jang 3:16

Bơh bơta do bol he đal git bơta kòñ gơboh hơ̆ la Bơtau Krist neh phi bơta kis Kơnràñ dê bơh bol he; bol he kung pal phi bơta kis bơh oh mi he behơ̆ sơl.