Lebi 12:8 - Sră Goh 2018

⁸ Dilah khai ò rgơi gơs dô nơm belàt kòn gen khai rgơi cèng tus dô yô kòn sềm ntòp hui, dô nơm lơh gơs phan ơn chu pơrguc mơ dô nơm ne lơh gơs phan ơn tơwài glài; gen cau gơnoar ơn phan duh khoai rơp lơh bơta tơwài glài cau ùr hơ̆ in, mơ khai rơp geh goh.’”

Lebi 12:8 Mawu Ofanana

Lebi 1:14

Dilah phan ơn duh khoai Yàng Jehôwa la dô nơm phan ơn chu pơrguc mơ ală sềm gen khai pal ơn dô nơm ntòp hala dô nơm kòn ntòp hui.

Lebi 12:7

Khai pal ơn ală phan hơ̆ di đap Yàng Jehôwa nàng lơh gơs phan ơn tơwài glài khai in, lồc behơ̆ khai geh goh jat bơta sồr lam duh khoai bơh di bơta gơlik să khai dê. Hơ̆ la ală bơta boh lam bơh dô nă cau ùr deh kòn klau hala kòn ùr.

Lebi 13:1

Yàng Jehôwa đơs mơ Môise mơ Arôn lah:

Lebi 14:21

Bulah behơ̆, dilah cau hơ̆ rƀah mơ ò rgơi gơs ală phan hơ̆, khai pal cèng dô nơm belàt dam lơh gơs phan ơn tơwài glài bơta gơtup tìs ơn tơyài ma kiau nàng lơh gơs bơta tơwài glài khai in, bal mơ dô pơnah jơt epha kơmbuh phe rhền bơcă bal mơ mơñà nàng lơh gơs phan ơn mơ kòi mbo, dô pơnah pe lit mơñà,

Lebi 14:22

mơ bàr nơm sềm ntòp hala bàr nơm sềm ntòp hui gam dềt mơ khai rgơi gơs, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc.

Lebi 15:14

Tòm ngai dơ̆ phàm, khai pal ai bàr nơm sềm ntòp hala bàr nơm sềm ntòp hui gam dềt mơ lòt tus di đap Yàng Jehôwa di tiah mut Sàl Tòm Mat mơ cèng gơ cau gơnoar ơn phan duh khoai in.

Lebi 15:15

Cau gơnoar ơn phan duh khoai pal ơn bol gơ, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc. Lơh behơ̆, gen khai lơh gơs bơta tơwài glài di đap Yàng Jehôwa cau hơ̆ in tài bơh bơta gơhòr lik bơh di să khai.

Lebi 15:29

Tòm ngai dơ̆ phàm, khai pal cèng bàr nơm sềm ntòp hala bàr nơm sềm ntòp hui gam dềt tus mơ cau gơnoar ơn phan duh khoai di tiah mut Sàl Tòm Mat dê.

Lebi 4:26

Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.

Lebi 5:11

Bulah behơ̆, dilah khai ò rgơi gơs bàr nơm sềm ntòp hala bàr nơm kòn ntòp hui, gen tài bơh tồi glài khai dê khai pal cèng tus dô pơnah jơt epha kơmbuh phe rhền nàng lơh gơs dô nơm phan ơn tơwài glài. Khai ò di ơn mơñà hala kơlhô ƀô bơlhu hơđang gơ, tài bơh hơ̆ la dô nơm phan ơn tơwài glài.

Lebi 5:7

Mơya dilah khai ò rgơi tơl pràn nàng ơn dô nơm belàt kòn hala be kòn, khai pal cèng tus hơ Yàng Jehôwa bơh bơta tơm tồi glài khai dê, bàr nơm sềm ntòp hala bàr nơm kòn ntòp hui: dô nơm lơh gơs phan ơn tơwài glài mơ dô nơm lơh gơs phan ơn chu pơrguc.

Mathiơ 21:12

Yàng Jesu mut tòm hìu duh khoai Yàng Tom Trồ dê, bơtrơh tơlik jơh ală cau kă bro tòm hơ̆, tơlo cơnòng cau gơl priă mơ cơnòng nggui cau tac sềm ntòp,

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.