Lebi 12:6 - Sră Goh 2018

⁶ Tòm tŭ ală ngai lơh goh khai dê bơh kòn klau hala kòn ùr neh tơl, khai pal cèng tus hơ cau gơnoar ơn phan duh khoai di tiah mut Sàl Tòm Mat dô nơm belàt kòn neh gơs dô nam nàng lơh gơs phan ơn chu pơrguc mơ dô nơm kòn sềm ntòp hui hala dô nơm sềm ntòp nàng lơh gơs phan ơn tơwài glài.

Lebi 12:6 Mawu Ofanana

Sơnròp Gơlik Gơs 15:9

Yàng Jehôwa đơs mơ khai lah: “Mê kup tĕ cèng Añ in dô nơm kơnrồ me pe nam, dô nơm be me pe nam, dô nơm belàt dam pe nam, dô nơm ntòp mơ dô nơm ntòp hui”

Lebi 12:2

“Đơs tĕ mơ cau Israel lah: ‘Dô nă cau ùr neh bun mơ deh dô nă kòn klau gen rơp gơlik gơs ò goh tòm poh ngai jat bơta sồr lam tòm toh kung be tòm tŭ khai gơlik să kòp kơnhai behơ̆ sơl.

Lebi 12:5

Dilah khai deh kòn ùr gen khai rơp gơlik gơs ò goh tòm bàr poh kung be tòm tŭ khai gơlik să kòp kơnhai. Lồc behơ̆ khai pal gơn prau jơt prau ngai tai nàng geh goh bơh di bơta gơlik să khai dê.

Lebi 12:7

Khai pal ơn ală phan hơ̆ di đap Yàng Jehôwa nàng lơh gơs phan ơn tơwài glài khai in, lồc behơ̆ khai geh goh jat bơta sồr lam duh khoai bơh di bơta gơlik să khai dê. Hơ̆ la ală bơta boh lam bơh dô nă cau ùr deh kòn klau hala kòn ùr.

Lebi 14:22

mơ bàr nơm sềm ntòp hala bàr nơm sềm ntòp hui gam dềt mơ khai rgơi gơs, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc.

Lebi 15:14

Tòm ngai dơ̆ phàm, khai pal ai bàr nơm sềm ntòp hala bàr nơm sềm ntòp hui gam dềt mơ lòt tus di đap Yàng Jehôwa di tiah mut Sàl Tòm Mat mơ cèng gơ cau gơnoar ơn phan duh khoai in.

Lebi 15:29

Tòm ngai dơ̆ phàm, khai pal cèng bàr nơm sềm ntòp hala bàr nơm sềm ntòp hui gam dềt tus mơ cau gơnoar ơn phan duh khoai di tiah mut Sàl Tòm Mat dê.

Khà Làng Bol 6:10

Gen tòm ngai dơ̆ phàm khai pal cèng dô yô ntòp hala bàr nơm ntòp hui gam dềt tus hơ cau gơnoar ơn phan duh khoai di mpồng Sàl Tòm Mat.

Luka 2:22

Tòm tŭ ală ngai lơh bơta sàng goh jat be bơta boh lam Môise neh sir rau, gen bol khai cèng Kòn Dềt tus hơ Jerusalem nàng ơn Yàng in,

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.