Lebi 10:6 - Sră Goh 2018

⁶ Gen Môise đơs mơ Arôn bal mơ ală kòn klau khai dê la Eleajar mơ Ithamar lah: “Bañ lòi sŏ bol mê dê ò kèr, mơ bañ crè ồi ào bol mê dê, rngòt bol mê rơp chơt mơ Yàng Jehôwa rơp gơjrañ di jơh mpồl làng bol mòn. Mơya jơh gơp bơtiàn bol mê dê, jơh ală hìu nhă Israel dê rgơi ñìm rac bơh ală cau mơ Yàng Jehôwa neh tơnroh tòm ồs.

Lebi 10:6 Mawu Ofanana

II Samuel 24:1

Dô dơ̆ tai, bơta gơjrañ Yàng Jehôwa dê hìt tòmdră mơ Israel. Kơnràñ chồl nùs Dabit tòmdră mơ bol khai, mơ đơs lah: “Lòt tĕ kòp khà làng bol Israel mơ Juda.”

Ejra 7:5

Buki kòn klau Abisua, Abisua kòn klau Phineas, Phineas kòn klau Eleajar, Eleajar kòn klau Arôn la cau gơnoar dờng ơn phan duh khoai,

Lik Ejiptơ 33:5

Bơh Yàng Jehôwa neh đơs mơ Môise lah: “Đơs tĕ mơ cau Israel lah: ‘Bol mê la làng bol kơldang bồ. Dilah Añ lòt bal mơ bol mê bulah mìng tòm dô ơthoa, gen Añ kung rơp tơnroh bol mê! Behơ̆, tŭ do, hồ tă tĕ ală phan bơka să bol mê dê, mơ Añ rơp lơh nền ñchi Añ lơh gơwèt mơ bol mê.’”

Lik Ejiptơ 6:23

Arôn bau mơ Eliseba, kòn ùr Aminadap dê, oh ùr Nahasôn; khai tơnggơs Arôn in Nađap, Abihu, Eleajar, mơ Ithamar.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Lebi 13:45

Cau gơs bơta sồt dun behơ̆ pal soh ồi ào crè sèt, lòi bồ gòi, gòm sơnò tềp khai dê mơ driau dờng lah: ‘Ò goh! Ò goh!’

Mice 1:16

Koah bồ tĕ mơ ñìm rac ròc, bơh ală kòn sau mơ bol mê kòñ gơboh; lơh tĕ bồ bol mê lòl kung be grơt, bol khai rơp lik lòt bơh bol mê, mơ kong kup cèng pơrdô hơ tiah ngài!

Khà Làng Bol 1:53

Bulah behơ̆, ală cau Lebi pal bơtào sàl ơm bol khai dê gùt dar Đài Bơta Ho bal dê tồ bơta gơjrañ dờng rơp ò dùh hơđang mpồl jơnum Israel dê. Ală cau Lebi gơs broă tòmpal rcang gàr Hìu Ing Cơng Tàng dê.”

Khà Làng Bol 14:6

Jôsue kòn klau Nun dê mơ Kalep kòn klau Jephune la ală cau tòm mpồl neh lòt rwang sền lơgar crè ồi ào bol khai dê

Khà Làng Bol 16:22

Mơya Môise mơ Arôn tơmbic să blup mat di ù mơ rac dan lah: “Ơ Yàng Tom Trồ la Yàng Tom Trồ ală hwềng jơh kòn mơnus dê, Kơnràñ rơp gơhào gơjrañ mơ jơh mpồl jơnum tòm tŭ gơs mìng dô nă tìs glài sơl ơ?”

Khà Làng Bol 18:5

Mê gơs broă tòm rcang gàr Tiah Sàng Goh mơ cơnòng ơn phan duh khoai tồ bơta gơjrañ dờng ò dùh hơđang cau Israel.

Khà Làng Bol 20:25

Ai tĕ Arôn mơ Eleajar kòn klau khai dê mơ lam bol khai guh hơ mơnơm Hôr.

Khà Làng Bol 5:18

Tơnơ̆ mơ tŭ cau gơnoar ơn phan duh khoai neh ơn cau ùr hơ̆ ntào di đap Yàng Jehôwa rau, khai rơp hồ sŏ cau ùr hơ̆ dê mơ ơn tòm tê cau ùr hơ̆ phan ơn duh khoai tơngkah wơl la phan ơn mơ kòi mbo bơh bơta ƀoah pơrñat, tòm tŭ să tòm cau gơnoar ơn phan duh khoai at dà bơtang cèng tus bơta srat sơntơm.

Yal Wơl 33:9

khai neh đơs bơh bèp mơ bơh mè khai dê lah: ‘Añ ò sền bol khai dờng màng;’ khai ò đal git ală oh mi khai dê, hala dòp git ală kòn sau tòm khai dê. Bơh khai lơh jat jơnau Kơnràñ dê, mơ prap gàr bơta ho bal Kơnràñ dê.

Jôsue 22:18

mơ ngai do bol mê pal sang lòi ò lòt jat Yàng Jehôwa! Dilah ngai do bol mê tòmdră mơ Yàng Jehôwa, gen Kơnràñ rơp gơhào gơjrañ di jơh mpồl jơnum Israel tòm ngai hìng.

Jôsue 22:20

Ò di Akan kòn klau Jerah neh ò dòn song gơwèt mơ phan pal phi ơn, mơ bơta gơjrañ dờng Yàng Jehôwa dê neh dùh hơđang mpồl jơnum Israel dê ò ơ? Mơ ò di mìng dô nă khai neh kong chơt tài bơh tồi glài khai dê ò!’”

Jôsue 7:1

Mơya làng bol Israel neh tìs glài ò dòn song gơwèt mơ ală phan kòl tơnroh; Akan kòn klau Karmi, sau Japdi, se Jerah, gơrê bal mơ jơi bơtiàn Juda, neh ai dô êt phan tơnroh hơ̆; mơ bơta gơjrañ Yàng Jehôwa dê gơhào tòmdră mơ làng bol Israel.

Jôsue 7:11

Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.