Lebi 10:16 - Sră Goh 2018

¹⁶ Tòm tŭ Môise lùp bơh dô nơm be lơh gơs phan ơn tơwài glài mơ git lah gơ neh chu pơrguc tòm ồs rau gen khai gơjrañ di Eleajar mơ Ithamar la bàr nă kòn klau gam wơl Arôn dê, mơ lùp lah:

Lebi 10:16 Mawu Ofanana

Ejra 7:5

Buki kòn klau Abisua, Abisua kòn klau Phineas, Phineas kòn klau Eleajar, Eleajar kòn klau Arôn la cau gơnoar dờng ơn phan duh khoai,

Lebi 6:17

Ò di buh gơ bal mơ kañ; Añ neh ai bol khai in gơs pơnah tòm ală phan ơn chu tòm ồs ơn Añ in. Kung be phan ơn tơwài glài mơ phan ơn tơwài glài gơtup tìs, gơ la sàng goh rlau jơh.

Lebi 6:26

Cau gơnoar ơn phan duh khoai ơn phan hơ̆ pal sa gơ; pal sa phan ơn do tòm dô bă tiah sàng goh, tòm ƀlàng jơng gùng Sàl Tòm Mat dê.

Lebi 6:30

Mơya phan ơn tơwài glài lơi mơ mhàm gơ neh cèng mut tòm Sàl Tòm Mat nàng tơwài glài di Tiah Sàng Goh gen ò di sa; pal chu gơtòm ồs.

Lebi 9:15

Gen Arôn cèng tus phan ơn la phan ơn tơwài glài làng bol in. Khai kup be bơh di phan ơn tơwài glài làng bol dê mơ hàl tơnchơt gơ mơ ơn gơlơh gơs phan tơwài glài kung be khai neh ơn phan ơn dơ̆ sơnròp.

Lebi 9:3

Lồc behơ̆ đơs mơ cau Israel lah: ‘Ai tĕ dô nơm be dam nàng lơh gơs phan ơn tơwài glài, dô nơm kơnrồ kòn mơ dô nơm belàt, jơh bàr nơm pal gơs dô nam mơ ò gơs tềl sồt, nàng lơh gơs dô nơm phan ơn chu pơrguc,

Khà Làng Bol 12:3

(Mơ tai, Môise la dô nă cau pơndêt să ngan, pơndêt să rlau mơ jơh ală cau ndai ơm hơđang plai ù.)

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Jơnau Niam Jat Mak 10:14

Dơ̆ Yàng Jesu gŏ behơ̆ gen gơjrañ mơ đơs mơ ală cau bơtê lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar Yàng Tom Trồ gơrê mơ ală cau be bol khai.

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,