Lebi 1:5 - Sră Goh 2018

⁵ Khai pal tơnchơt kơnrồ dam hơ̆ di đap Yàng Jehôwa, lồc behơ̆ ală kòn klau Arôn dê la ală cau gơnoar ơn phan duh khoai ai mhàm mơ rsìh gơ di jơh ală gah cơnòng duh khoai di tiah mut lik Sàl Tòm Mat dê.

Lebi 1:5 Mawu Ofanana

II Yal Yau 35:11

Bol khai neh hàl belàt kòn bơta pơjum sa lòt gan, mơ ală cau gơnoar ơn phan duh khoai neh rsìh mhàm neh ai bol khai in, tòm tŭ ală cau Lebi klò gơltau ală phan poan jơng.

Lik Ejiptơ 29:11

Siat tĕ ngko gơ di đap Yàng Jehôwa di mpồng mut Sàl Tòm Mat dê.

Lik Ejiptơ 29:16

Siat tĕ ngko gơ, lồc behơ̆ ai mhàm mơ rsìh làm jơh gùt dar cơnòng duh khoai.

Lik Ejiptơ 40:6

Ơn tĕ cơnòng ơn phan chu pơrguc di đap mpồng mut Hìu Ing Duh Khoai la Sàl Tòm Mat;

Esai 52:15

Behơ̆, Kơnràñ rơp lơh oă lơgar nrơt nrơl bơh Kơnràñ. Ală bơtau rơp tơmềm bơr bơh Kơnràñ, bơh bol khai rơp gŏ bơta òhềt gơs cau yal bol khai in, mơ bol khai rơp sền gŏ loh làng bơta bol khai òhềt kơno.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 43:18

Gen khai đơs mơ añ lah: “Ơ kòn mơnus, Jehôwa Yàng Tom Trồ đơs lah: ‘Do la ală bơta sồr lam bơh phan ơn duh khoai chu pơrguc mơ bơh bơta rsìh mhàm hơđang cơnòng duh khoai tòm tŭ gơ neh geh bơt bơtào.’

Lebi 1:11

Khai pal tơnchơt gơ di đah đang cơnòng duh khoai di đap Yàng Jehôwa, mơ ală kòn klau Arôn dê la ală cau gơnoar ơn phan duh khoai rơp rsìh mhàm gơ di jơh ală gah cơnòng duh khoai dê,

Lebi 1:15

Cau gơnoar ơn phan duh khoai rơp cèng gơ tus hơ cơnòng duh khoai, tơryoat tac ngko gơ mơ chu gơ hơđang cơnòng duh khoai; mhàm gơ pal lòi gơhòr lik jơh di gah cơnòng duh khoai.

Lebi 16:15

Lồc behơ̆, khai pal hàl tơnchơt be dam lòi ơn lơh gơs phan ơn tơwài glài làng bol in mơ cèng mhàm gơ dê tus đah dơlam bài kơrnìng mơ lơh kung be khai neh lơh mơ mhàm kơnrồ dam: Khai pal rsìh gơ hơđang bơnap bơta nđàc mơ di đap bơnap hơ̆ tai.

Lebi 17:11

Bơh bơta kis dô nơm phan neh geh crơng gơs dê gơ ơm tòm mhàm mơ Añ neh ai gơ bol mê in nàng lơh gơs bơta tơwài glài să tòm bol mê in hơđang cơnòng duh khoai, hơ̆ la mhàm lơh gơs bơta tơwài glài bơta kis dô nă cau in.

Lebi 3:13

Khai pal ơn tê khai hơđang bồ gơ dê mơ tơnchơt gơ di đap Sàl Tòm Mat. Gen ală kòn klau Arôn dê rơp rsìh mhàm gơ di cơnòng duh khoai hơđang ală đah.

Lebi 3:2

Khai rơp ơn tê khai dê hơđang bồ phan ơn khai dê mơ tơnchơt gơ di tiah mut Sàl Tòm Mat. Gen ală kòn klau Arôn dê la ală cau gơnoar ơn phan duh khoai rơp rsìh mhàm hơđang cơnòng duh khoai di ală đah.

Lebi 3:8

Khai pal ơn tê khai dê hơđang bồ phan ơn hơ̆ mơ tơnchơt gơ di đap Sàl Tòm Mat. Gen ală kòn klau Arôn dê rsìh mhàm gơ di cơnòng duh khoai hơđang kòp đah.

Lebi 4:29

Khai pal ơn tê khai dê hơđang bồ phan ơn tơwài glài mơ tơnchơt gơ di tiah lơh poac phan ơn chu pơrguc.

Lebi 4:33

Khai pal ơn tê khai dê hơđang bồ gơ mơ tơnchơt gơlơh gơs phan ơn tơwài glài di tiah lơh poac phan ơn chu pơrguc.

Lebi 4:7

Gen cau gơnoar ơn phan duh khoai bong dô êt mhàm di ală ngke cơnòng chu kơlhô ƀô bơlhu di đap Yàng Jehôwa tòm Sàl Tòm Mat dê. Mhàm gam wơl kơnrồ dam dê gen khai rơp tuh di jơng cơnòng chu kơlhô di tiah mut Sàl Tòm Mat dê.

Mice 6:6

Añ rơp cèng phan lơi tus di đap Yàng Jehôwa mơ cùn khoai di đap Yàng Tom Trồ hơđang jơnhoa taih? Añ rơp tus di đap Kơnràñ bal mơ ală phan ơn chu pơrguc, bal mơ ală kơnrồ kòn dô nam sơl ơ?

Khà Làng Bol 18:17

Mơya mê bañ tơwài wơl kơnrồ kòn deh sơnròp, belàt hala be, bol gơ la phan goh. Rsìh tĕ mhàm gơ hơđang cơnòng ơn phan duh khoai mơ chu dơngi bol gơlơh gơs dô nơm phan ơn duh khoai chu pơrguc, gơs ƀô bơlhu niam nùs Yàng Jehôwa.

Hebrơ 10:11

Cau gơnoar ơn phan duh khoai kòp ngai ntào duh broă mơ ơn ală phan ơn duh khoai ndròm bal sùm, la bơta ò gơs tŭ lơi rgơi tă sang tồi glài;

Hebrơ 12:24

tus hơ Yàng Jesu la Bơtau Đơng Kừh bơta ho bal pa dê, tus hơ mhàm rsìh la mhàm đơs niam rlau mơ mhàm Abel dê.

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Samuel 1:25

Gen bol khai tơnchơt kơnrồ dam, mơ bol khai lam kòn dềt hơ̆ tus hơ Heli.