Lebi 1:3 - Sră Goh 2018

³ Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 1:3 Mawu Ofanana

Sơnròp Gơlik Gơs 22:13

Abraham pò mat, sền gŏ bơh ngkòi khai dô nơm belàt dam, kòl ngke tòm rlau chi, gen kup belàt dam hơ̆ lơh phan chu duh khoai ala kòn khai.

Sơnròp Gơlik Gơs 22:2

Yàng Tom Trồ đơs lah: “Kup tĕ kòn klau dùl mê kòñ gơboh la Isak mơ lòt tus hơ tiah Môria, tềng hơ̆ ơn tĕ kòn lơh gơs phan chu duh khoai hơđang dô nơm mơnơm Añ rơp sơnio mê in.”

Sơnròp Gơlik Gơs 22:8

Abraham ho lah: “Ơ kòn, să tòm Yàng Tom Trồ rơp rcang lòi he in kòn belàt nàng ngui lơh phan chu duh khoai.” Gen bàr nă kư̆ lòt bal.

Sơnròp Gơlik Gơs 8:20

Nôe lơh dô nơm cơnòng duh khoai Yàng Jehôwa in. Khai kup ală phan poan jơng goh, ală sềm goh, ơn phan chu duh khoai hơđang cơnòng duh khoai.

II Yal Yau 29:32

Ntum khà ală phan ơn chu pơrguc mơ mpồl jơnum neh cèng tus la poh nơm kơnrồ dam, dô rhiang nơm be dam mơ bàr rhiang nơm belàt kòn dam; jơh ală phan do lơh gơs phan ơn chu pơrguc Yàng Jehôwa in.

II Yal Yau 35:12

Bol khai ơn is ală phan ơn chu pơrguc nàng bol khai tòmpà gơ jat ală mpồl jơi bơtiàn ală hìu nhă tòm làng bol, nàng ơn Yàng Jehôwa in, be neh cih tòm Sră Môise dê. Bol khai kung lơh tòm toh behơ̆ mơ ală kơnrồ dam.

Đơs Crih 110:3

Làng bol mê dê rơp ơn să bơh nùs kòñ bol khai dê, Tòm ngai mê lam mpồl ling mê dê hơđang ală mơnơm sàng goh. Ală cau pơnu mê dê rơp tus hơ mê kung be dà tŭ tòm àng drim.

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Lik Ejiptơ 12:5

Kup tĕ bơh di mpồl belàt hala mpồl bol mê dê dô nơm belàt dam hala dô nơm be dam tơl dô nam ò sồt rmàñ.

Lik Ejiptơ 24:5

Lồc behơ̆, khai sồr ală cau pơnu Israel, mơ bol khai ơn phan chu pơrguc mơ ơn ală kơnrồ dam lơh gơs ală phan ơn bơta ring lơngai Yàng Jehôwa in.

Lik Ejiptơ 29:18

Gen chu tĕ jơh hir dô nơm belàt dam hơđang cơnòng duh khoai. Hơ̆ la dô nơm phan ơn chu pơrguc, gơs ƀô bơkah ơn Yàng Jehôwa in.

Lik Ejiptơ 29:4

Cèng tĕ Arôn mơ ală kòn klau khai dê tus di mpồng mut Sàl Tòm Mat mơ ai dà tơnum bol khai.

Lik Ejiptơ 29:42

Tòm jơh ală rài rơp tus, phan ơn chu pơrguc do pal ơn sùm be òs kòp ngai di mpồng mut tòm Sàl Tòm Mat di đap Yàng Jehôwa. Tềng hơ̆ Añ rơp tìp mat mơ mê mơ đơs mơ mê;

Lik Ejiptơ 32:6

Behơ̆ tòm ngai tơnơ̆ làng bol guh gòñ, ơn ală phan ơn chu pơrguc mơ ơn ală phan ơn ring lơngai. Tơnơ̆ mơ hơ̆ bol khai nggui mơ ñô sa, lồc behơ̆ ñă ntào nàng kơnhơl gơlềng gơlàng.

Lik Ejiptơ 35:21

mơ kòp nă cau lơi gơs nùs kòñ lơh broă mơ gơs nùs gơchồl gen lòt tus mơ cèng dô nơm phan ơn Yàng Jehôwa in nàng ngui tòm broă lơh gơs Sàl Tòm Mat, lơh gơs jơh ală phan ngui tòm hơ̆ mơ ală ồi ào sàng goh.

Lik Ejiptơ 35:29

Jơh làng bol Israel, cau klau mơ cau ùr, la ală cau gơs nùs kòñ ơn gen cèng ơn Yàng Jehôwa in ală phan ơn jat nùs kòñ bol khai dê nàng ngui tòm jơh ală broă mơ Yàng Jehôwa neh kơnòm di Môise sồr bol khai lơh.

Lik Ejiptơ 35:5

Ai tĕ tòm ală phan bol mê gơs mơ ơn dô nơm phan ơn Yàng Jehôwa in. Kòp nă cau lơi gơs nùs kòñ ơn gen cèng tĕ Yàng Jehôwa in dô nơm phan ơn mơ màh, mơ priă, mơ kòng;

Lik Ejiptơ 36:3

Bol khai dòp bơh di Môise jơh ală phan ơn mơ làng bol Israel neh cèng tus nàng lơh ală broă bơt bơtào tiah sàng goh. Mơ kòp àng drim, làng bol kư̆ cèng pơnjat tai ală phan ơn jat nùs kòñ.

Lik Ejiptơ 38:1

Bol khai kung lơh cơnòng duh khoai ơn phan chu pơrguc mơ chi sitim, jơnhoa dô met pe; gơ gơs poan gah ring bal, jòng ròt bàr met bàr.

Esai 1:11

Yàng Jehôwa đơs: “Ñchi kwơ Añ in rbô rhiang phan ơn duh khoai bol mê dê taih? Añ neh dil bơh ală phan ơn chu pơrguc belàt dam dê, mơ dơngi ală phan poan jơng lơmă; Añ ò niam nùs di mhàm kơnrồ dam, belàt kòn mơ be dam.

Ejekiel 20:40

Jehôwa Yàng Tom Trồ đơs lah: ‘Bơh hơđang mơnơm sàng goh Añ jê, mơnơm jơnhoa Israel dê, tềng hơ̆ jơh hìu Israel rơp duh broă Añ, mơ tềng hơ̆ Añ rơp dòp bol khai. Tềng hơ̆ Añ rơp lùp pơnah phan pal ơn bol mê dê mơ ală plai bồ sơnam ơn duh khoai bol mê dê, bal mơ jơh ală phan ơn sàng goh bol mê dê.

Ejekiel 40:39

Tòm ƀlàng rơng gùng mpồng pơnggàr dê gơs bàr nơm cơnòng ơn phan tòm kòp đah, hơđang hơ̆ cau sreh tơnchơt ală phan ơn duh khoai chu pơrguc, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài.

Lebi 1:10

Dilah phan ơn duh khoai la dô nơm phan ơn chu pơrguc bơh di mpồl belàt, la belàt hala ală be, gen khai pal ơn dô nơm belàt hala be dam ò gơs tềl sồt rmàñ.

Lebi 14:10

Tòm ngai dơ̆ phàm, khai pal cèng tus bàr nơm belàt dam gam dềt, mơ dô nơm belàt me tơl dô nam, kòp nơm pal ò gơs tềl sồt, bal mơ pe pơnah jơt epha kơmbuh phe rhền bơcă bal mơ mơñà nàng lơh gơs phan ơn mơ kòi mbo, mơ dô lok mơñà.

Lebi 16:7

Lồc behơ̆ khai pal ai bàr nơm be dam mơ cèng bol gơ tus di đap Yàng Jehôwa di tiah mpồng mut Sàl Tòm Mat dê.

Lebi 17:4

mơ ò cèng gơ tus di tiah mut Sàl Tòm Mat nàng ơn lơh gơs dô nơm phan ơn Yàng Jehôwa in di đap Hìu Duh Khoai Yàng Jehôwa dê, gen cau hơ̆ kòl kòp la cau gơs glài lơh gơhòr mhàm; khai neh lơh gơhòr mhàm mơ pal kong tă sang bơh di làng bol khai dê.

Lebi 17:8

Đơs tĕ mơ bol khai lah: ‘Cau Israel lơi hala cau làng bơdìh lơi kis digùl cau Israel kòñ ơn dô nơm phan ơn chu pơrguc hala dô nơm phan ơn

Lebi 17:9

mơ ò cèng phan ơn hơ̆ tus di tiah mut Sàl Tòm Mat dê nàng ơn gơ Yàng Jehôwa in gen cau hơ̆ pal kong tă sang bơh di làng bol khai dê.’

Lebi 23:12

Tòm ngai bol mê tơyài cap kòi, bol mê pal ơn Yàng Jehôwa in dô nơm belàt gơs dô nam mơ ò gơs tềl sồt lơh gơs phan ơn chu pơrguc,

Lebi 23:18

Bal mơ piang lă, ơn tĕ poh nơm belàt dam, kòp nơm gơs dô nam mơ ò gơs tềl sồt, dô nơm kơnrồ gam dềt mơ bàr nơm belàt dam. Ală phan do pal ơn lơh gơs phan ơn chu pơrguc Yàng Jehôwa in, bal mơ ală phan ơn mơ kòi mbo bol khai dê mơ ală phan ơn pơdơng lơh gơs dô nơm phan ơn gơs ƀô bơlhu niam nùs Yàng Jehôwa.

Lebi 3:1

Dilah cau lơi kòñ ơn phan ơn duh khoai ring lơngai, dilah khai ơn dô nơm phan poan jơng bơh di mpồl kơnrồ, bulah la dam hala me, khai pal ơn di đap Yàng Jehôwa dô nơm phan poan jơng ò tềl sồt.

Lebi 4:15

Ală cau kwang kra mpồl làng bol dê pal ơn tê bol khai dê hơđang bồ kơnrồ dam di đap Yàng Jehôwa, mơ kơnrồ dam pal tơnchơt di đap Yàng Jehôwa.

Lebi 4:23

Tơnơ̆ hơ̆, dilah khai neh git tồi glài khai neh tìs, gen khai pal cèng dô nơm phan ơn la dô nơm be dam ò tềl sồt.

Lebi 4:3

Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs.

Lebi 4:32

Dilah khai cèng dô nơm belàt lơh gơs phan ơn tơwài glài gen khai pal cèng dô nơm belàt dra ò tềl sồt.

Lebi 5:15

“Tòm tŭ gơs dô nă cau gơtup tìs tòm bơta sồr lam Yàng Jehôwa dê gơwèt hơ ală phan goh, gen tài bơh bơta lơh glài khai dê khai pal cèng tus hơ Yàng Jehôwa dô nơm belàt dam bơh di mpồl belàt khai dê, ò tềl sồt mơ kas màng di pal mơ khà priă lơh nền jat be sieklơ Tiah Sàng Goh dê. Hơ̆ la dô nơm phan ơn tơwài glài gơtup tìs.

Lebi 5:18

Khai pal cèng tus hơ cau gơnoar ơn phan duh khoai dô nơm phan ơn tơwài bơta tồi glài gơtup tìs la dô nơm belàt dam bơh di mpồl belàt khai dê, ò tềl sồt mơ kas màng di pal. Jat bơta neh lơh nền gen cau gơnoar ơn phan duh khoai rơp lơh gơs bơta tơwài glài khai in bơh bơta tìs mơ khai neh gơtup tìs, mơ khai rơp geh toh glài.

Lebi 6:2

“Dilah cau lơi tìs glài mơ ò dòn song mơ Yàng Jehôwa bơh neh pơrlồm cau ơm rềp di khai bơh dô nơm phan lơi neh jào khai in hala lòi khai in sền gàr hala neh kơñau, hala dilah khai pơrlồm cau ơm rềp di khai,

Lebi 6:8

Yàng Jehôwa đơs mơ Môise lah:

Lebi 7:16

Bulah behơ̆, dilah phan ơn khai dê gơlik bơh dô jơnau srat să ho nền hala dô nơm phan ơn bơh nùs kòñ ơn, phan ơn pal sa tòm ngai neh ơn gơ, mơya phan lơi gam wơl gen rgơi sa tòm ngai hìng.

Lebi 8:18

Lồc behơ̆, khai cèng tus belàt dam phan ơn chu pơrguc dê, Arôn mơ ală kòn klau khai dê ơn tê hơđang bồ gơ.

Lebi 8:21

Khai ai dà rào ală pơnah tòm dơlam mơ jơng mơ chu jơh dô nơm belàt dam hơđang cơnòng duh khoai lơh gơs dô nơm phan ơn chu pơrguc gơs ƀô bơlhu niam nùs, dô nơm phan ơn chu tòm ồs ơn Yàng Jehôwa in jat be Yàng Jehôwa neh sồr Môise.

Lebi 9:2

Khai đơs mơ Arôn lah: “Bi kup tĕ dô nơm kơnrồ kòn dam nàng lơh gơs phan ơn tơwài glài bi dê mơ dô nơm belàt dam nàng lơh gơs phan ơn chu pơrguc, jơh bàr nơm pal ò tềl sồt, mơ cèng bol gơ tus di đap Yàng Jehôwa.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Khà Làng Bol 15:3

mơ bol mê ơn Yàng Jehôwa in ală phan ơn chu pơrguc, bơh di mpồl kơnrồ hala mpồl belàt lơh gơs phan ƀô bơlhu niam nùs Yàng Jehôwa, bulah la ală phan ơn chu pơrguc hala ală phan ơn duh khoai, bơh ală jơnau srat să ho nền hala bơh nùs kòñ ơn, hala phan ơn tòm ngai pơjum sa,

Khà Làng Bol 15:8

Tòm tŭ bol mê rcang gơs dô nơm kơnrồ dam gam dềt lơh gơs phan ơn chu pơrguc hala phan ơn duh khoai, bơh dô nơm jơnau srat să ho nền hala bơh dô nơm phan ơn pơdơng ring lơngai Yàng Jehôwa in,

Khà Làng Bol 19:2

“Do la dô bơta pal lơh tòm bơta boh lam mơ Yàng Jehôwa neh sồr: ‘Sồr tĕ ală cau Israel cèng tus bol mê in dô nơm kơnrồ dra pơrhê ò gơs tềl sồt mơ òhềt tui yô.

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Khà Làng Bol 23:27

Gen Balak đơs mơ Balaam lah: “Tus tĕ, lòi añ lam mê tus hơ dô bă tiah ndai. Digơlan Yàng Tom Trồ rơp niam nùs lòi mê srat sơntơm bol khai tềng hơ̆.”

Khà Làng Bol 23:3

Lồc behơ̆ Balaam đơs mơ Balak lah: “Ơm tĕ tềng do, di gah phan ơn duh khoai bơtau dê tòm tŭ añ lòt đah ne. Digơlan Yàng Jehôwa rơp tus mơ tìp mat mơ añ. Jơnau lơi Kơnràñ yal tơlik añ in gen añ rơp yal wơl bơtau in.” Gen khai lik lòt tus hơ dô bă tiah hơđang.

Khà Làng Bol 23:30

Balak lơh jat be jơnau Balaam neh đơs, mơ ơn dô nơm kơnrồ dam mơ dô nơm belàt dam hơđang kòp cơnòng duh khoai.

Khà Làng Bol 28:11

“Tòm ngai dùl kòp kơnhai dê, ơn tĕ Yàng Jehôwa in dô nơm phan duh khoai chu pơrguc gơs bàr nơm kơnrồ gam dềt, dô nơm belàt dam mơ poh nơm belàt dam dô nam, jơh ală phan hơ̆ pal ò gơs tềl sồt.

Khà Làng Bol 28:19

Ơn tĕ Yàng Jehôwa in dô nơm phan duh khoai chu tòm ồs, dô nơm phan ơn chu pơrguc mơ bàr nơm kơnrồ dam gam dềt, dô nơm belàt dam dờng mơ poh nơm belàt dam dô nam, jơh ală bol gơ pal ò gơs tềl sồt.

Khà Làng Bol 28:31

Rcang tĕ ală phan do bal mơ ală phan ơn pơdơng hùc, bơtơl hơđang phan ơn duh khoai chu pơrguc òs ơn mơ phan ơn duh khoai mơ kòi mbo. Lơh nền tĕ lah ală phan poan jơng pal ò gơs tềl sồt.”

Khà Làng Bol 29:13

Ơn tĕ dô nơm phan ơn duh khoai chu tòm ồs lơh gơs ƀô bơlhô niam nùs Yàng Jehôwa in, dô nơm phan ơn duh khoai chu pơrguc mơ jơt pe nơm kơnrồ dam gam dềt bàr nơm belàt dam dờng mơ jơt poan nơm belàt dam dô nam mơ ò gơs tềl sồt.

Khà Làng Bol 29:2

Ơn tĕ Yàng Jehôwa in phan ơn duh khoai gơs ƀô bơlhu niam nùs Kơnràñ gen rcang tĕ dô nơm phan ơn duh khoai chu pơrguc mơ dô nơm kơnrồ gam dềt, dô nơm belàt dam mơ poh nơm belàt kòn gơs dô nam, jơh ală bol gơ pal ò gơs tềl sồt.

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Jang 1:36

gŏ Yàng Jesu lòt gan, gen khai đơs lah: “Ne, Belàt Kòn Yàng Tom Trồ dê!”

Jang 10:7

Behơ̆, Yàng Jesu đơs tai lah: “Ngan, Añ đơs ngan mơ bol mê, Añ la mpồng belàt dê.

Jang 10:9

Añ la mpồng: Dilah cau lơi bơh Añ mơ mut, gen rơp geh dong klàs. Bol khai rơp mut lik mơ bàn ƀlàng ñhơt.

II Kôrintô 8:12

Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.

II Kôrintô 9:7

Kòp nă ơn tĕ jat nùs he neh lơh nền lài; bañ yoam hala bơh rồn bơklơn, bơh Yàng Tom Trồ kòñ gơboh cau chò nùs pà phan.

Ephesô 2:18

Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

Yal Wơl 12:27

Ơn tĕ ală phan ơn chu pơrguc bol mê dê hơđang cơnòng duh khoai Jehôwa Yàng Tom Trồ bol mê dê, poac bal mơ mhàm. Mhàm phan ơn duh khoai bol mê dê pal tuh di gah cơnòng duh khoai Jehôwa Yàng Tom Trồ bol mê dê, mơya bol mê rgơi sa poac.

Yal Wơl 15:21

Dilah dô nơm phan poan jơng gơs tềl sồt, pă jơng hala jơngo mat, hala gơs tềl sồt rmàñ lơi kơnjơ̆ gen bol mê bañ ơn gơ Jehôwa Yàng Tom Trồ bol mê in.

Yal Wơl 17:1

“Bol mê bañ ơn Jehôwa Yàng Tom Trồ bol mê in dô nơm kơnrồ hala dô nơm belàt gơs tềl sồt hala gơs dô bơta lơi ò niam, bơh bơta hơ̆ la dô bơta cù kìr Kơnràñ in.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.