Kôlôse 4:7 - Sră Goh 2018

⁷ Ticikơ la oh mi đềt mềr, la cau gơnoar duh broă dòn song, mơ kung la cau bơyô duh broă bal mơ añ tòm Yàng, rơp yal tơlik oh mi in git jơh ală broă añ jê.

Kôlôse 4:7 Mawu Ofanana

Broă 20:4

Gơs ală cau lòt bal mơ khai la Sôpate kòn Pirus, cau ƀòn Bere; Aritak mơ Sekundus cau Tesalônika; Gaius cau Derbơ; mơ Timôthe, Ticikơ mơ Trôphim la cau kơnhwàl Asia.

Philip 2:25

Añ neh kơlôi lah pal sồr Epaphrôdik lòt tus hơ oh mi, khai la oh mi bơyô añ jê lơh broă bal mơ añ, cau ling dô mpồl bal mơ añ; khai kung la cau kong sồr oh mi dê nàng rcang ală phan ngui sa añ in.

Kôlôse 1:7

tòm toh be oh mi neh bơtê mơ Epapras, la cau bơyô lơh broă bal đềt mềr bol hi dê. Khai la cau ala mat bol hi, la dô nă cau gơnoar duh broă dòn song Bơtau Krist dê.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Kôlôse 4:9

Cau lòt bal mơ khai la Ônesim, oh mi dòn song mơ đềt mềr ngan, la cau gơp ƀòn oh mi dê. Bol khai rơp yal oh mi in git jơh ală bơta tềng do.

II Timôthe 4:12

Añ neh sồr Ticikơ lòt hơ Ephesô.

Sră Pơyoa Pol Dê Pơyoa Tit In 3:12

Tòm tŭ añ sồr Atemas hala Ticikơ lòt tus hơ mê, gen jơh nùs lòt tus tĕ hơ añ tòm Nikôpôlis, bơh añ neh lơh nền ơm tềng hơ̆ tòm kơnhai noat.