Kôlôse 3:8 - Sră Goh 2018

⁸ Mơya tŭ do oh mi tă sang tĕ jơh ală bơta hơ̆, la bơta gơhào nùs, bơta gơjrañ mañ, bơta bih khih, bơta bơrsèl tơnhial, mơ jơnau pàp tràl bơh di bơr oh mi.

Kôlôse 3:8 Mawu Ofanana

Đơs Crih 37:8

Kơryan tĕ, bañ gơjrañ tai, sang tĕ bơta gơjrañ dờng! Bañ gơs nùs sơềt sơềl, bơta hơ̆ mìng lam tus hơ bơta lơh iơh.

Jơnau Pơnđik 17:14

Sơntòm bơta tòmpìt tòmhà, be cau pò gùng dà in hòr; Dơh wơl lài mơ tŭ gơs bơta pơndang bal.

Jơnau Pơnđik 19:19

Cau jak gơhào gơjrañ jàñ bơsak, rơp kong àñ glài; bơh dilah kòn dong tă khai, ngan pal dong tă wơl tai.

Jơnau Pơnđik 29:22

Cau jak gơjrañ tơnggơs bơta tòmpìt tòmhà; mơ cau prap bơta gơjrañ tòm nùs tìs glài oă tai.

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

I Kôrintô 3:3

bơh oh mi gam la cau kis jat poac să; bơh tòm oh mi gơs bơta ƀoah mơ tòm pơndang, gen oh mi ò di cau jat poac să mơ lơh lòt kung be cau rài do ò ơ?

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

Galati 5:15

Mơya dilah oh mi kap loan gơp he, gen kơrhia tĕ, rngòt oh mi tòm tơnroh bal mơ gơp.

Galati 5:20

duh rùp ràk, juh proh, sò tơm, jak tòmlah, ƀoah, gơjrañ mañ, tòm pơndang bal, cah is mpồl, jat gùng duh khoai tìs,

Galati 5:26

Bañ jòi jat bơta tiơng pơnro màng ryŭ ò kwơ nàng tòm bơrcek bal mơ ƀoah gơjrañ bal.

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

Ephesô 5:4

Kung bañ đơs jơnau pàp tràl, hala đơs lềng, hala đơs lèo, hơ̆ la ală bơta ò di pal, mơya chan ưnngài Yàng Tom Trồ la niam rlau.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

Kôlôse 3:9

Bañ đơs blac bal mơ gơp, bơh neh klò sang cau yau bal mơ bơta lơh lòt gơ dê,

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

I Timôthe 1:20

tòm mpồl bol hơ̆ gơs Himene mơ Aleksandria, añ neh phi bol khai cà Satan in rau, tồ bol khai in kong lơh glài mơ bơtê git bañ đơs tràl sơrbil di Yàng Tom Trồ.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Jakơ 2:7

Hơ̆ ò di la bol khai đơs tràl sơrbil di sơnđan dờng màng mơ oh mi neh hòi dan ò ơ?

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

II Pier 2:7

Mơ dilah Kơnràñ dong tă Lot la cau song ring, neh kơlôi moat ngan bơh bơta lơh lòt bung jang ală cau iơh bơsak dê,

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.

Jude 1:8

Bulah behơ̆, ală cau gơlơh be mpau do kung jat dô gùng hơ̆ mơ lơh ƀơ̆ ƀơl să jan he, pơndang sang gơnoar at bồ, mơ bơrsèl tơnhial di ală gơnoar dờng ryŭ.

Yal Tơlik 16:9

Mơ ală cau kòl hur mơ ồs duh ngan, gen bol khai đơs tràl sơrbil di sơnđan Yàng Tom Trồ la Bơtau gơs gơnoar hơđang ală bơta rung rài hơ̆, mơ bol khai kung ò gơjrañ sang glài mơ ò jòng ro bơta dờng ryŭ Yàng Tom Trồ sơl.