Kôlôse 3:4 - Sră Goh 2018

⁴ Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

Kôlôse 3:4 Mawu Ofanana

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 73:24

Kơnràñ ai jơnau bơto sơnio tề lam añ, tus di ngai tơnơ̆ Kơnràñ rơp wă rò añ tòm bơta gơklŏ.

Mathiơ 13:43

Tŭ hơ̆ ală cau song ring rơp gơcrà be mattơngai tòm lơgar Bèp bol khai dê. Cau lơi gơs tồr, iat tĕ!”

Luka 17:30

Ngai Kòn Mơnus tus kung behơ̆ sơl.

Jang 11:25

Yàng Jesu đơs lah: “Añ la bơta kis wơl mơ bơta kis; cau lơi dòn Añ gen rơp kis, bulah neh chơt rau.

Jang 14:3

Tŭ Añ lòt mơ rcang lài bol mê in dô bă tiah rau, gen Añ rơp rê wơl nàng rò bol mê rê bal mơ Añ, tồ Añ ơm tiah lơi gen bol mê kung ơm bal tềng hơ̆ sơl.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Rôma 8:18

Añ kòp lah ală bơta jê sồt tòm tŭ do ò di pal pơndròm mơ bơta gơklŏ rơp geh ràng tơlik bol he in.

Rôma 8:19

Bơh ală phan tòm trồ tiah jơh nùs kơp kòñ mơ gơn kơp bơta ràng tơlik ală kòn sau Yàng Tom Trồ dê.

I Kôrintô 1:7

nàng oh mi ò siơ̆u dô bơta ai gòi lơi đah hwềng, tòm tŭ kơp gơn bơta tơlik mat Yàng Jesu Krist bol he dê.

I Kôrintô 15:43

neh sih la òsơp òso, geh kis wơl la gơklŏ; neh sih la lơbơn lơño, geh kis wơl la pràn kơldang;

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Philip 3:21

Kơnràñ rơp lơh să jan ò kwơ bol he dê gơlik gơs be să jan gơklŏ Kơnràñ dê, jat be gơnap gơnoar Kơnràñ gơs nàng lơh jơh ală phan dòn duh Kơnràñ.

I Tesalônika 4:17

Gen bol he la cau kis mơ gam ơm wơl rơp geh guh bal mơ ală cau hơ̆ tòm mhwal nàng tìp mơ Yàng hơđang pah gòi. Behơ̆ bol he rơp ơm bal mơ Yàng sùm sùm.

I Timôthe 6:14

prap gàr tĕ bơta sồr lam dô bă wil tơl mơ ò gơs tiah geh lah pơrhơng, jơl tus di tơngai Yàng Jesu Krist bol he dê tơlik mat,

II Timôthe 1:1

Pol la cau gơnoar bơto dờng bơh Yàng Jesu Krist, jat nùs kòñ Yàng Tom Trồ dê, mơ jat jơnau ho pơgon bơh bơta kis tòm Yàng Krist Jesu,

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

I Pier 1:13

Behơ̆, oh mi gơs tĕ nùs kơlôi be cau kơt but lơh broă, drơng kơp, gơn kơnòm wil tơl di bơta nđàc rơp ai oh mi in tòm tŭ Yàng Jesu Krist tơlik mat.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

I Jang 2:28

Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

I Jang 5:12

Cau lơi gơs Yàng Kòn gen gơs bơta kis; cau lơi ò gơs Kòn Yàng Tom Trồ dê gen ò gơs bơta kis.

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,

Yal Tơlik 2:7

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai sa plai chi bơta kis tòm lơgar lơngap lơngai Yàng Tom Trồ dê.’”

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.