Kôlôse 3:23 - Sră Goh 2018

²³ Dilah lơh broă lơi, lơh tĕ jơh nùs, be lơh Yàng in, ò di be lơh cau in ò,

Kôlôse 3:23 Mawu Ofanana

II Yal Yau 31:21

Tòm jơh ală broă khai neh lơh, bơh bơta duh broă tòm hìu duh khoai Yàng Tom Trồ dê mơ tòm bơta lơh jat bơta boh lam mơ ală jơnau gơnoar sồr, khai jòi jat Yàng Tom Trồ khai dê mơ lơh broă jơh nùs. Mơ behơ̆ khai geh bơtoah bơtoài.

Đơs Crih 103:1

Ơ hwềng soàn añ jê, jòng ro tĕ Yàng Jehôwa; Jơh ală bơta lơi ơm tòm añ, jòng ro tĕ sơnđan sàng goh Kơnràñ dê!

Đơs Crih 119:10

Añ jơh nùs jòi jat Yàng; Dan Yàng bañ lòi añ tìs nrah ngài bơh ală bơta sồr lam Kơnràñ dê.

Đơs Crih 119:145

Añ jơh nùs hòi dan mơ Kơnràñ; ơ Yàng Jehôwa, dan ho wơl añ in! Añ rơp prap gàr jơnau sồr Kơnràñ dê.

Đơs Crih 119:34

Dan ai añ in bơta git wă, Nàng añ prap gàr bơta boh lam Yàng dê mơ jơh nùs lơh jat bơta hơ̆.

Cau Bơto 9:10

Jơh ală broă tê mê jòi nàng lơh, lơh tĕ dô bă jơh pràn mê dê; bơh tòm lơgar làng ƀồc, la tiah mê lòt tus, ò gơs broă lơh, ò gơs kơlôi sơnơng, ò gơs bơta git wă hala bơta jak chài.

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Rôma 14:6

Cau prap gàr ngai la bơh Yàng mơ prap gàr; cau sa la bơh Yàng mơ sa, bơh bol khai ưnngài Yàng Tom Trồ; cau ò sa kung bơh Yàng mơ ò sa, mơ bol khai kung ưnngài Yàng Tom Trồ sơl.

Rôma 14:8

bơh dilah bol he kis la kis Yàng in, mơ dilah bol he chơt la chơt Yàng in. Behơ̆ tàng bol he kis hala chơt gen he gơrê mơ Yàng lơm.

Ephesô 5:22

Ơ cau la bau ùr, dòn duh tĕ bau klau ai dê, kung be gơwèt mơ Yàng.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 2:13

Tài bơh Yàng, oh mi dòn duh tĕ jơh ală bơta boh lam kòn mơnus neh bơtào gơs, gơwèt mơ cau bơtau la cau dờng rlau jơh,

I Pier 2:15

Bơh nùs kòñ Yàng Tom Trồ dê la oh mi lơh broă niam nàng tơmềm bơr bơrngơl ală cau tùl gơla dê.