Kôlôse 3:16 - Sră Goh 2018

¹⁶ Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Kôlôse 3:16 Mawu Ofanana

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

I Yal Yau 25:7

Jơh ală cau do bal mơ ală gơp bơtiàn bol khai dê neh geh bơto mơ chài rgơi tòm bơta lip kơñi Yàng Jehôwa in, ntum khà bol khai dê la bàr rhiang phàm jơt phàm nă.

Nehemi 12:46

Tài bơh tòm rài Dabit mơ Asap bơh yau òr, gơs ală cau lam bồ ală cau đơs chò, mơ gơs ală bơta đơs chò jòng ro mơ ưnngài Yàng Tom Trồ.

Sră Jop 23:12

Añ ò tŭ lơi cah ngài bơh di ală bơta sồr lam sơndồi Kơnràñ dê, Añ neh pồn prap tòm nùs ală jơnau đơs bơr Kơnràñ dê rlau mơ phan sa kòp ngai añ jê.

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 119:54

Ală jơnau sồr Yàng dê neh gơlik gơs bơta đơs chò añ jê tòm hìu ơm ing añ jê.

Đơs Crih 138:1

Ơ Yàng Jehôwa, añ jơh nùs ưnngài Yàng, Añ đơs chò jòng ro Kơnràñ di đap ală yàng.

Đơs Crih 28:7

Yàng Jehôwa la bơta pràn kơldang mơ la khèl añ jê; Nùs añ neh dòn kơnòm di Kơnràñ mơ geh dong kòl; Tài behơ̆ nùs añ gơs hòn chò ngan, Mơ añ ai bơta đơs chò nàng ưnngài Kơnràñ.

Đơs Crih 32:7

Yàng la tiah kìng crŭ añ jê, Yàng sền gàr añ klàs di bơta bòl glar; Yàng ai jơnau driau hòn chò gòm gơrwàng añ mơ dong tă añ. (Selah)

Đơs Crih 71:23

Bơr sơndồi añ rơp driau chò, tòm tŭ añ đơs chò jòng ro Kơnràñ; Hwềng soàn añ kung lơh behơ̆ sơl, bơh Kơnràñ neh dong tơwài añ.

Jơnau Pơnđik 14:8

Bơta chài rgơi cau jak chài dê, hơ̆ la wă loh gùng dà he; Mơya bơta lu sơnrang cau tùl gơla dê la bơta blac pơrlồm.

Jơnau Pơnđik 18:1

Cau lơi ơm is dô nă jòi bơta să tòm he kòñ; Khai pơndang sang ală bơta jak chài ngan.

Đơs Chò 1:1

Sră đơs chò tòm ală bơta đơs chò niam rlau jơh mơ Salômôn neh cih.

Esai 10:2

tă tơlik gơnoar cau siơ̆u siar bơh bơta song ring, mơ tòmpìt bơta song ring bơh ală cau rƀah tòm làng bol Añ jê, ai ală cau ùr bơnrau lơh gơs phan ơn pơndòm, mơ cau kòn đòi lơh be phan tòmpìt geh.

Esai 26:1

Tòm ngai hơ̆, bơta đơs chò do rơp geh đơs tòm ù tiah Juda dê: “Bol he gơs ƀòn dờng pràn kơldang; Kơnràñ bơtào bơta pha lin be ală dơrñang mơ ală dơrñang ƀòn dờng dê.

Esai 30:29

Bol mê rơp đơs chò kung be tòm mang gơs bơta pơjum sa ngai wèr sàng goh; nùs bol mê rơp gơs bơta hòn chò kung be cau uh kơwào, mơ guh hơđang mơnơm Yàng Jehôwa dê la Pơnai Lŭ Klềr Israel dê.

Esai 5:1

Añ rơp đơs chò cau añ kòñ gơboh in dô bơta đơs chò bơh suơn ño khai dê: Cau añ kòñ gơboh neh gơs dô nơm suơn ño hơđang dòr ù bơkah tiah lơngồt.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Mathiơ 26:30

Tòm tŭ neh đơs chò rau, Yàng Jesu mơ ală cau bơtê lik lòt tus hơ mơnơm Ôlibe.”

Luka 2:51

Lồc behơ̆ Kơnràñ mơ bol khai mù rê hơ Nasaret, mơ Kơnràñ dòn duh bol khai. Mè Kơnàñ prap ală jơnau hơ̆ tòm nùs.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Rôma 10:17

Behơ̆ bơta dòn tus bơh bơta kơno, mơ bơta kơno tus bơh jơnau Bơtau Krist geh bơto yal.

Rôma 15:14

Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp.

I Kôrintô 14:15

Mbe lơh taih? Añ rơp hòi dan mơ hwềng nùs, mơ kung hòi dan mơ dơngoh kơlôi sơl; añ rơp đơs chò mơ hwềng nùs, mơ kung đơs chò mơ dơngoh kơlôi sơl.

I Kôrintô 14:26

Ơ oh mi, mbe pal lơh taih? Tòm tŭ oh mi pơjum, cau lơi gơs bơta đơs crih, bơta bơto sồr, bơta yal tơlik jơnau ndơp, jơnau đơs ndai hala bơta sơpơ̆bơr, gen lơh tĕ jơh ală bơta nàng geh bơt bơtào Hìu Jum Goh.

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 5:17

Gen tàng bañ tùl gơla, mơya pal git wă nùs kòñ Yàng dê la mbe lơi.

Ephesô 5:19

Ngui ală bơta đơs crih, bơta đơs chò, mơ sèng đơs chò đah hwềng mơ đơs chò bal, bơr đơs chò mơ nùs jòng ro Yàng.

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Kôlôse 4:6

Jơnau đơs oh mi pal gơs bơta nđàc sùm sùm, mơ tĕ bơtơl boh, tồ oh mi in git pal ho wơl kòp nă cau in la mbe lơi.

I Tesalônika 1:8

Bơh jơnau Yàng bơh oh mi neh gơpơnro ò di mìng tòm Masedoan mơ Acai lơm, mơya bơta dòn oh mi dê tòm Yàng Tom Trồ kung neh pơnro làm jơh ală tiah, tian gơs bol hi ò càng đơs jơnau lơi tai.

I Tesalônika 4:18

Behơ̆ gen, oh mi ai tĕ jơnau hơ̆ nàng pơndòm pơniang bal mơ gơp.

II Tesalônika 3:15

Bulah behơ̆ bañ sền cau hơ̆ be cau sò tơm, mơya bơto tơngkah khai be oh mi sơl.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

Sră Pơyoa Pol Dê Pơyoa Tit In 3:6

Yàng Tom Trồ neh tuh Yàng Hwềng Goh hơđang bol he dô bă bềng lìu bơh Yàng Jesu Krist la Yàng Dong Klàs bol he dê,

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

Jakơ 5:13

Gơs cau lơi tòm ală oh mi tìp bơta bòl glar jê sồt sơl? Cau hơ̆ hòi dan tĕ. Gơs cau lơi geh bơta chò hòp sơl? Cau hơ̆ đơs chò tĕ jòng ro Yàng.

I Jang 2:14

Ơ ală cau la bèp, añ neh cih ală ồng in tài bơh ală ồng dòp git Bơtau neh gơs bơh sơnròp. Ơ ală cau pơnu, añ neh cih ală bol mê in tài bơh bol mê la pràn kơldang, jơnau Yàng Tom Trồ dê ơm sùm tòm bol mê, mơ bol mê neh geh pha lin rlau mơ cau iơh.

I Jang 2:24

Bơta bol mê neh kơno bơh sơnròp gen pal prap sùm tòm nùs bol mê. Dilah bơta bol mê neh kơno bơh sơnròp ơm sùm tòm bol mê, gen bol mê kung rơp ơm sùm tòm Yàng Kòn mơ tòm Yàng Bèp sơl.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

II Jang 1:2

Tài bơh jơnau song ơm tòm bol he, mơ rơp ơm bal mơ bol he sùm sùm:

Yal Tơlik 14:3

Bol khai đơs chò dô bơta đơs chò pa di đap sơbàn, di đap poan nơm phan wìn kis mơ ală cau kwang kra. Ò gơs cau lơi rgơi bơtê bơta đơs chò hơ̆, mìng dô rhiang poan jơt poan rbô nă cau git lơm, hơ̆ la cau neh geh tơwài klàs bơh dunnia.

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,