Kôlôse 3:10 - Sră Goh 2018

¹⁰ mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

Kôlôse 3:10 Mawu Ofanana

Sơnròp Gơlik Gơs 5:1

Do la sră cih sơnđan jơi bơtiàn Adam dê. Tòm tŭ Yàng Tom Trồ crơng gơs jơi kòn mơnus gen Kơnràñ lơh jơi kòn mơnus in be rùp Yàng Tom Trồ.

Sră Jop 29:14

Añ soh bơta song ring kung be phan soh añ jê, Bơta song ring añ jê be ào jrùh mơ chèo pùt bồ añ jê.

Đơs Crih 51:10

Ơ Yàng Tom Trồ, dan crơng gơs tòm añ dô nơm nùs sàng goh; Mơ ơn tòm añ dô nơm hwềng nùs pa mơ song ngan.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Esai 59:17

Kơnràñ soh bơta song ring lơh gơs kung be ào lòs, mơ dô nơm sơgơn lòs bơta dong klàs hơđang bồ Kơnràñ; Kơnràñ soh ồi ào bơta sal tê, mơ pùt să Kơnràñ mơ bơta gơjrañ dờng kung be dô nơm ào jrùh.

Ejekiel 11:19

Añ rơp ai bol khai in dô nơm nùs ò wil wơl, mơ ai dô nơm hwềng pa tòm bol khai; Añ rơp tă sang nùs mơ lŭ bơh di bol khai mơ ai bol khai in dô nơm nùs mơ poac,

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Ejekiel 36:26

Añ rơp ai bol mê in dô nơm nùs pa, mơ ơn dô nơm hwềng pa tòm bol mê; Añ rơp tă nùs mơ lŭ bơh di bol mê, mơ ai bol mê in nùs mơ poac.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Rôma 13:12

Mơnang mòr jơh, tơngai mòr tus; behơ̆ bol he hồ sang tĕ ală broă klam jơngo mơ soh ală phan tòmlơh bơta àng dê.

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

Rôma 6:4

Behơ̆, bol he neh kong tơp bal mơ Kơnràñ bơh bơta ƀaptem tòm bơta chơt Kơnràñ dê, tồ Bơtau Krist in kơnòm di bơta gơklŏ Yàng Bèp dê mơ geh kis wơl bơh bơta chơt be lơi, gen bol he kung lơh lòt tòm rài kis pa behơ̆ sơl.

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 4:16

Behơ̆ tàng bol he ò gơplơ̆ nùs, bulah cau đah bơdìh rhòi siar roh mơya cau đah dơlam kư̆ sơlo ngai sơlo tòmgơl pa.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Galati 3:27

Cau lơi tòm oh mi neh gơs ƀaptem tòm Bơtau Krist hơ̆ la neh dòp soh să tòm Bơtau Krist.

Galati 6:15

Bơh bơta dờng màng ò di la kong siat gơltau hala ò kong siat gơltau, mơya la gơlik gơs cau pa.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 2:15

Bơh kơnòm di poac să Kơnràñ dê mơ Kơnràñ neh tơnroh bơta boh lam bal mơ bơta sồr lam mơ gơnoar sồr gơ dê, nàng ai bàr đah mơ crơng gơs dô nă cau pa tòm să tòm Kơnràñ, tồ lơh gơtòmsòr bal.

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

Kôlôse 3:14

Hơđang jơh ală bơta hơ̆, soh tĕ nùs kòñ gơboh, la che tơrbŏ bơta wil tơl dê.

Philemôn 1:6

Añ hòi dan mơ Kơnràñ ai bơta gơtòmklac bal tòm bơta dòn bi dê mơ tơnggơs bơta git wă jơh ală bơta niam bol he geh tòm Bơtau Krist.

Hebrơ 6:6

dilah bol khai gơtup pừ gen ò tŭ lơi rgơi lơh bol khai in gơjrañ sang glài dô dơ̆ tai, bơh să tòm bol khai pơng đìn Kòn Yàng Tom Trồ dô dơ̆ tai mơ ai cau bơtat bơtròh Kơnràñ di đap dunnia.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

I Jang 2:5

Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

Yal Tơlik 21:5

Bơtau ơm nggui hơđang sơbàn đơs lah: “Do, Añ lơh gơs pa jơh ală bơta.” Mơ đơs tai lah: “Cih tĕ jơnau do, bơh ală jơnau do la pal dòn kơnòm mơ song ngan.”