Kôlôse 3:1 - Sră Goh 2018

¹ Behơ̆ dilah oh mi neh geh kis wơl bal mơ Bơtau Krist, gen jòi jat tĕ ală bơta hơđang trồ, la tiah Bơtau Krist nggui đah ma Yàng Tom Trồ.

Kôlôse 3:1 Mawu Ofanana

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Đơs Crih 16:11

Yàng rơp sơnio añ in git gùng bơta kis; Di đap Yàng gơs bềng lìu bơta hòn chò, Di đah ma Yàng gơs bơta chò hòp gam sùm sùm.

Jơnau Pơnđik 15:24

Gùng cau jak chài lam guh hơđang tus bơta kis, Nàng pleh bơh lơgar làng ƀồc ơm hơđơm.

Cau Bơto 10:2

Plai nùs cau jak chài ơm đah ma; ai plai nùs cau bơrngơl ơm đah kiau.

Mathiơ 22:44

‘Yàng neh đơs mơ Yàng añ lah: Nggui tĕ đah ma Añ, Jơl tus di tŭ Añ ơn ală cau sò tơm mê hơđơm mpàng jơng mê dê.’

Mathiơ 26:64

Yàng Jesu ho lah: “Ngan be ồng neh đơs. Mơya Añ đơs mơ bol mê, bơh do jơl hìng nau bol mê rơp gŏ Kòn Mơnus nggui đah ma Bơtau Gơnap Gơnoar dê, ơm hơđang mhwal trồ mơ tus.”

Mathiơ 6:20

Mơya pal prap lòi phan màng he in hơđang trồ, la tiah ò gơs mŏ tu mơ ò gơs è sa siar roh, kung ò gơs cau blơ̆ tò ƀlong mut kơñau.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Jơnau Niam Jat Mak 12:36

Să tòm Dabit neh geh rngoh rngac bơh Yàng Hwềng Goh mơ đơs lah: ‘Yàng neh đơs mơ Yàng añ lah: Nggui tĕ đah ma Añ Jơl tus di tŭ Añ ơn ală cau sò tơm di mê hơđơm mpàng jơng mê dê.’

Jơnau Niam Jat Mak 14:62

Yàng Jesu ho lah: “Añ la cau hơ̆. Ală ồng rơp gŏ Kòn Mơnus nggui đah ma Bơtau Gơnap Gơnoar dê, ơm tòm mhwal trồ mơ tus.”

Jơnau Niam Jat Mak 16:19

Neh sir Yàng Jesu đơs mơ bol khai behơ̆ rau, gen geh guh rê hơđang trồ, mơ nggui đah ma Yàng Tom Trồ.

Luka 12:33

Tac tĕ phan bol mê nàng pà gòi; rcang tĕ he in kơldung priă ò klar siar, phan màng ò roh hơđang trồ, la tiah cau kơñau ò rgơi tus rềp, mŏ tu ò lơh ồm lề.

Luka 20:42

Bơh să tòm Dabit neh đơs tòm Sră Đơs crih lah: ‘Yàng neh đơs mơ Yàng añ: Nggui tĕ đah ma Añ,

Luka 22:69

Mơya bơh do jơl hìng nau Kòn mơnus rơp nggui đah ma gơnap gơnoar Yàng Tom Trồ dê.”

Broă 2:34

Bơh Dabit ò guh hơđang trồ, mơya să tòm khai neh đơs lah: ‘Yàng neh đơs mơ Yàng añ lah: Nggui tĕ đah ma Añ,

Broă 7:55

Mơya Etien gơs bềng lìu Yàng Hwềng Goh, tơnggòr sền hơđang trồ, gŏ bơta gơklŏ Yàng Tom Trồ dê, mơ Yàng Jesu ntào đah ma Yàng Tom Trồ;

Rôma 8:34

Ñcau rơp lơh nền glài bol khai taih? Yàng Krist Jesu la Bơtau neh chơt mơ ngan neh kis wơl bơh bơta chơt; Kơnràñ nggui đah ma Yàng Tom Trồ mơ hòi dan ala bol he in.

Rôma 8:6

Bơta kơlôi wèt đah poac să la bơta chơt, ai bơta kơlôi wèt đah Yàng Hwềng la bơta kis mơ bơta lơngap lơngai;

II Kôrintô 4:18

Bơh bol he ò ơn nùs kơlôi di bơta gŏ mơ mat, mơya ơn nùs kơlôi di bơta ò gŏ mơ mat; bơh ală bơta gŏ mơ mat la ing lơm, mơya ală bơta ò gŏ mơ mat la gam sùm sùm.

Ephesô 4:10

Bơtau neh mù la să tòm Bơtau neh guh hơđang jơh ală tap trồ nàng lơh bềng lìu jơh ală bơta.

Ephesô 5:22

Ơ cau la bau ùr, dòn duh tĕ bau klau ai dê, kung be gơwèt mơ Yàng.

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

Kôlôse 3:2

Ơn tĕ nùs kơlôi gơwèt mơ ală bơta hơđang trồ mơ bañ ơn nùs kơlôi gơwèt mơ ală bơta tòm ù.

Hebrơ 1:13

Gơs tŭ lơi Yàng Tom Trồ đơs mơ cau gơnrơh lơi lah: “Nggui tĕ đah ma Añ, Jơl tus di tŭ Añ ơn ală cau sò tơm mê dê lơh gơs kơrnòl jơng mê dê sơl ơ?”

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Hebrơ 10:12

Mơya Bơtau Krist, tài bơh tồi glài mơ ơn dô nơm phan ơn duh khoai mìng dô dơ̆ mơ gam sùm sùm, gen nggui đah ma Yàng Tom Trồ,

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 8:1

Tòm ală bơta bol he đơs bơh nti, bơta dờng màng la be do: Bol he gơs dô nă cau gơnoar dờng lam bồ ơn phan duh khoai behơ̆, neh nggui đah ma sơbàn Bơtau ryŭ ryơm hơđang ală tap trồ,

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.